2009 回想

我人生第一個黑暗期, 係2000年. 當年我地一家人分散響香港,美國同加拿大 , 家中同時有4個癌症病人....當年, 為家人走出走入, 盡力去做, 解決不少問題... 體會是有, 但不太強烈, 因為, 當年沒有接觸到死亡.
2009, 算係我人生中第二個黑暗期.
自老豆走左之後, 我對唔少人唔少事, 都有新的體會.
期間尤其不少人的"意外" 反應, 加上旁人不少冷言冷語, 令我重新思索過好多問題......
以前, 我0既時間放左響邊度?
而家, 我要將D時間放番響邊度?
以前, 我自己的事都無點去理,經常為朋友打點; 到頭來自己需要人幫忙, 家人一句問起, 我無言...... 打開電話表, 八十幾個電話, 我竟然唔知道可以搵邊一個幫忙. 老豆設靈當日,我攬實朋友喊到收唔到聲, 為的不是因為老豆走左, 而係一班朋友知道左, 問都無問,一黎到就分工合作幫我家人做好招呼登記0既事, 我曾經想過, 我為佢地做過D 乜? 佢地咁樣幫我, 我點都還不了呢個人情. 當然, 其他無時無刻都給我打電話,問候我的朋友, 我都一樣感激. 因為你地一個短訊一個電話,一句HI一句BYE , 我都知道你地好關心我.
響呢件事之後, 我對唔少人同事, 都重新定位. 我知道有一D人,我仍會責無旁貸,為佢地去之做任何事 ; 有一D人, 卻會在我人生中逐漸淡出.
我並非不珍惜 , 只是緣份總有長短, 完了, 就是完了.