與友一席話 - 有關福傳 , 不喜勿看

版友仔 I 傳來 MSN , 唔知點樣就將話題扯去教徒身份上.
I問 : 你地天主教徒唔係唔使福傳架咩 ?
以前上堂試過有個基督教徒當面質疑導師同一個問題,攪到我毛管都棟埋.
其實 , 咪又係口誤同人為0既問題囉 ~
口頭上福傳,係神父0既責任而非教徒 .根據導師所言, 神父等等以口述形式福傳的,都受過專業指導,以免在言談之間令對方有所誤解 / 反感.天主教徒,主要係做好本份,響行為態度上"福傳".就係因為咁樣,令好多人以為天主教徒唔積極,什至出現人身攻擊 , 認為天主教做唔好福傳工作,愧作教徒.
咁多年以來,D人想踢我入會多的是,我一直都唔落嗒什至去到反感. 係因為響呢D所謂0既福傳當中, 我完全感覺唔到有任何宗教 / 神存在0既感覺, 只係聽到不停地 :
1. 你唔信死後會落地獄 ( 落囉 , 我成家都唔信,死左響下面咪可以住番響一齊囉 )
2. 你唔信有神 ? 你信0既, 你唔知0者( 我乜野感覺都無憑你一句就信有,你轉行去做寶藥黨喇不如 )
3. 你而家決志就會得救 (.............. 3 分鐘時間就可以決志? 食飯叫"食送"都無咁快喇 ~)

我一直堅持,信唔信唔係在於人地講左d乜, 人講你就信呢d係"人為" ,有感受有感覺呢一d至係真實. 早前証道我都好堅持呢一樣野,我係自己行入去教堂,而唔係比人推入去 / 帶入去 / 夾入去. 上左堂咁耐 ,我可以睇清楚呢個宗教係乜野黎,適唔適合我,我亦唔需要因為上耐左堂就順其自然去信. 到最後關頭我仍有選擇權.
版友仔I好體諒,我作為一個教徒,我唔敢話我自己做成點,好唔好.但因為我0既原因,我老豆 "愛上"徐錦堯神父"....0既節目,聽多左道理 , 數位朋友仔開始去教堂坐下,聽彌撒 ,呢D都係我覺得好高興0既事. 我都無正面去同佢地同深入去傾任何宗教問題, 希望佢地自己去感受去體會呢一個宗教, 從而得到啟發,知道以後0既路點樣走.

2008 聖家節夫婦結婚周年感恩祭

星期日一早起身 , 就走過海去找 AMY 化妝SET頭 . 不過因為結左婚五年, 當年一D要留意0既野都唔記得哂 , 著左件過頭笠0既衫去化妝. 本來都唔係問題, 但因為離行禮時間仲有幾粒鐘, 我無理由著住件婚紗響街度行黎行去 .... 好在唔係樽領 , 係V領 , 我可以唔使剪爛件衫 , 否則SET好個頭就真係凍過水......
去完 AMY 度 , 就要去食晏, 約左大夫老爺等等響某地方等 , 於是我就觀音頭掃把腳咁去食晏.....
去到教堂 , 換好衫 , 就同朋友導師影左D相先. 早2星期, 大夫已經叫叔仔準備一下, 星期日幫我地影D相. 響教堂裝飾緊0既時候 , 我地入去影相, 因為未有任何儀式 , 所以燈光不太多 , 大夫就叫叔仔記得開閃燈 ..... 點知叔仔一直無記住 , 當其他人0既相機閃閃閃時 , 唯獨佢部機係靜英英 ...... 老爺行過去提一提佢 ..... 點知 .....叔仔話 :
咁叻你去影囉 ~
然後全場 DEAD AIR ~
仲未完 .... 之後去到感恩祭 1/3 時間, 叔仔話 : 相機無電 ~
好在 , 全場仲有好多朋友同學仔及導師有相機.
我不嬲都係漏漏 BOU BOU 0既人 , 著衫都會著到烏里單刀 . 著婚紗都一樣. 五年前結婚, 又勾爛衫又 PK , 卒之要賠番幾百蚊比婚紗店. 今次都一樣 , 去到感恩祭一半, 底層0既鋼紗已經歪哂 , 行行下又甩鞋 ..... 睇到阿老爺同大夫都頭擰擰 ~
今次0既感覺又唔同結婚0個陣 ,最緊要0既係 , 今次所有野都係按我自己意思去揀, 全部都係我想要0既野黎 ~ 其實, 今次比起五年前, 我覺得自己更似一個新娘.

AMY 幫我 SET 0既頭 ~~

天堂與地獄

我就黎死喇 ....... 2008 快d過喇 ~

第三者的收場

早前鬧哄哄的三角戀事件, 最近焦點終於都去到第三者身上了....
小報說得小女孩要生要死 , 我倒不信 ~ 出來 wet 的總有她的能耐 ~ 再說, 人家廿年感情,如果因為一句 "後生女卜卜脆" 就可以煙消魂散的, 今天上報紙頭條0既都未輪到你喇小朋友~
我常覺得 , 要玩要威, 先要識得表受現實+衰得起, 否則,收場比起給人家搶走身邊人還要淒涼.
第三者唔係唔比你做 ( 要做都阻唔住你喇 ~ ), 但先要有資格囉 : 給人家扔掉, 仲可以漂漂亮亮走出來, 面對一大堆落井下石的傳媒高呼 :
"呢個男人我玩下0者~唔好咁認真 ~"
返入屋企拉埋窗簾喊到天翻地覆都無人會知 . 咁樣呢 , 就可以出去玩喇 ~
周小姐比張小姐優勝,就在於她有資格有能耐做人家太太. 唔使生唔使死,條佬自行回家~
張小姐比人家年輕,但明顯地無本事去駕馭一位 so call 才子,又出動老豆老母,都唔知為乜. 玩完又要人同佢執手尾,唔掂檔囉 ~
偽先生福至心靈 , 挑周小姐作伴侶 , 至少唔需要應付一個下下要生要死又忍得佢去滾0既小妹妹 ~

瘋狂大食會@25-12-2008

何謂瘋狂 ? 睇下食左幾多野咪知囉 ......19人食左 :
7磅肥牛
2斤蝦滑
4斤菜
4斤丸
3磅黑安格斯肉眼扒
1磅牛仔骨
4斤大花蛤
1KG 芝士腸
4磅日本極黑豚
4磅雞亦
3磅串燒大蔥雞柳
6-7磅有骨燒豬脾 (購自 TOWNGAS AVENUE )
ALAN 秘制火灼三文魚 ( 2磅)
大量酒 + 汽水 + 果汁
多謝 doris 同埋 apple 送我0既聖誕禮物呀~ 因為0個晚走出走入 , 都唔知你地送左野比我, 無當面道謝 , 真係唔好意思呀~~

邊個做好心比番d相我貼響度呀 ?

食乜Q - 恆香棧

好友R送左張長期飯票過我 ~ 推介佢地0既燒味 ~ 一直都無緣去品嘗,卒之尋日有機會去試下~ 響新世界 TOWNGAS AVENUE 訂左大食會0既燒豬比之後就同大夫上左去恆香棧度食晚飯.
我地尋日叫左個二人套餐 :
燉湯兩盅:萬壽果燉豬展
萬壽果即係木瓜, 我想係用青木瓜罷, 一來無貓屎味二來瓜肉晶瑩剔透 , 唔似係水果碟0既下欄 . 湯內有極多火腿粒, 呷一口....又熱又鹹鮮, 好飲 ~


燒味雙拼 : 叉燒拼油雞
是日燒肉沽清, 我地叫左油雞 ; 可能係冰鮮貨關係,我都無乜期望~無期望就無失望~ 叉燒係用梅頭來做,眼前所見 1/3肥 2/3瘦,肉質鬆軟絕唔係冰鮮肉/工場大量制造. 食得過呀 ~~ (當然拍馬都追唔上聲哥喇 ~)




XO醬炒西芹魚片 (魚片係我講,查實唔記得左係乜魚)
有D辣辣地味 , XO醬極少,唔講真係唔知. 西芹都 OK , 魚片亦無冰鮮貨0既雪味 / 壓味.味道/賣相=平平



蛋白帶子扒西蘭花
西蘭花剛剛好~蛋白帶子(碎)都OK,唔太鹹 , 本身我中意呢一類煮法,所以比我包哂底~

另有兩碗白飯 , 兩碗紅豆沙
有張長期飯票有九折即係免加一,埋單 $239
最緊要係 , 食完我無搵水飲~ 抵讚 !
但全場侍應不足 (其實係足0既...) 我地叫野/埋單/問野,等好耐至有人, 抵鬧 !

結婚禮服風氣

年底參加左聖母無原罪大堂0既結婚周年祭,所以要去搵禮服,於是又走去 I DO 度搵衫.
同相熟0既 SALES傾起 , 而家D禮服0既潮流真係呢 ..... 好似做 SHOW 咁 , 婚紗至少有2套,一套影相一套MATCH IN , 晚裝都要有拖尾否則無人問津 , 一晚 7-8 套衫閒閒地 , PACKAGE 而家做到成10件衫都有.

其實所謂風氣,都係一眾商家造出黎.人就只得一個,為求人有我有, 呢D風氣野至會擴散出黎.

我而家要搵0既衫,要簡單+輕身+方便+無拖尾, 響店入面黎講就好似稀有品種咁 .....

生活上的轉變

近半年迷上種植,為的是一份滿足感 .... 可能個人本身無乜用,無乜好野優點,所以唯有借助花花草草去填滿時間 , 靠花花草草收獲去認定自己的存在價值 .... 卦 ~
於是 .....近半年 :
1. 無出過去尖沙咀
2. 絕少行商場
3. 日日放工去行花墟
4. 星期六日留在天台 / 花園
5. 夜晚0既電視劇一套都無睇過.

其實種野都係要學,學問多的是.可以去到咩微元素,礦物比例酸鹼BLAHBLAHBLAH .....

都好0既 ~ 至少而家一星期襟$300出黎有排用~
朋友送贈的風雨蘭 ($0)

比較少見的鈴蘭 (@$138)

十蚊店的裝飾品 + 斑葉碧玉 (@$5.00)

今年買0既聖誕花,唯獨不喜大紅色 ~ (@$28-@$38 不等 ) 下圖中間有噴點效果的是新色系聖誕花 "畢加索"

Q 花園 - 唔三唔四的季尾檢討

不堪一提呀 ...... 無乜野收獲 . 因為無經驗, 所以 :
1. 唔識落肥料 , 乜野氮/磷/鉀都唔識 , D野唔係肥死 , 就係削到死 .
2. 唔識揀位種野 , 種出黎完全唔係路 .
3. 唔識分乜野叫直晒 / 見光. 卒之唔係晒死就係徒長
4. 唔識保護植物 , 一次打風就將所有心血廢哂; 仲未計虫害 ....
不過我唔會放棄架 ~ 會努力睇多D搵多D知多D !

無希望就無失望 ~ 早前版友仔送0既青瓜,響我比高人指導之後 , 結左成7-8條 BB 瓜~~
爬完文之後,就黎2米高0既蕃茄唔再長高, 開始結果也不掉花 !剪葉真係有用的 !
水尾的苦瓜, 在用對了肥料之後,也"谷"出一隻隻的小苦瓜, 雖然一定吃不了,但都是一種動力!
以上食得0既野, 都會係下一季春播的指定產品. 另一樣就係將今年斥資買的玫瑰,發揚光大 ,在食物產量不高的冬季,為Q花園過一個色彩斑爛的在冬天~

玫瑰 :

好文共賞

在素顏天使網誌中看到,十分認同,感受至深.

以往不同階段,有不同的朋友. 最"近"的,大都維系了十年以上友情.給 delete 了的,"表面証供"是價值觀不同 , "實際死因" 是 "累", 疲"累" 的累.

當一個朋友,有 "累" 的感覺出來了,簡單的在我來說,就是不想與他/她再糾纏. 講得上糾纏,就是令人"累到不堪"一直循環地發生的某些問題.
讀書時代的好友,維系了十數年,因她結婚就斷了來往. 死因是她老公認為結了婚就要守在家中.想出來一起食飯慶生,弄了好幾個月都約不成,約成了還要拖著一家大小共六七人一起出來. 累~
朋友遇上了婚姻問題,本是新生活的開始,誰知變成私生活一團糟,每次打電話來又叫又鬧的(其實我都不知道為什麼要打比我),累 ......
又,朋友剛信奉某宗教,熱刺刺地向我推銷, 累 ...... 推銷不成,反面之餘更要反轉說話來中傷, 累死 ~
以上種種, 身在其中的我,困擾了好一段時間.
清醒過後, 看清楚看真了自己所處的位置,角色... 我也都釋懷了.放手let go, 是愛自己的表現.

很喜歡這一段 :
每 個 人 的 生 命 都 有 不 同 的 階 段 ， 朋 友 不 是 一 生 一 世 的 。 過 了 保 鮮 期 的 便 要 棄 掉 ， 省 得 看 不 開 心 。
表面看很冷血似的 ,但實際呢? 自己有缺點人家亦有 , 用"缺點" 來作為刪除朋友的"借口" ,說不通. 除非自認是聖人啦 ( 我可沒這麼厚面皮); 真正的原因,是因為你覺得,對方不再是朋友, 所說所做所想,都不再替你著想.

跟我相交而至今仍有聯絡的朋友,大都是好日不見面, 一見面就談到不亦樂乎,把從上一次見面以後所有發生勞什子東西都搬出來說個夠. 說完了 , 又待下次見面. 話題並不在於什麼,什至可能是罵我無本心之類的,但仍是高興~~ 至少在相聚的那一刻,大家都是開心的 ~~
"君子之交淡如水,小人之交甜如蜜" , 果真無錯 ~~