旺季日子

乜野旺季 ? 搵地址報學校0既旺季囉 ~
近來好多親戚朋友搵我, 想問我借地址去報學校,可惜我地址係34校區而唔係佢地0既夢想 41校區, 所以都唔成事.
其實我真係覺得響香港幫細路搵學校讀書好鬼複雜 ,又要計分又要地址0岩又要信教 .... 入左學細路仲要學一大堆野去加分 ..... 仲未計佢地要補習補課呢d , 咩事呀 ?
我仲記得我去上宗教課時, 我參與0既班係夫婦慕道班, 即係2公婆一齊去上0既堂.當中唔少係為左細路以後入好學校有多d分計而去上堂. 大家都知係咩事, 修畢領洗之後, 仲係唔係咁神心,呢樣已經不在考慮之內.
其實人地係點樣想 / 目的,我真係唔係太介意, 唔多唔少呢樣係資本主義社會0既產物.
自我開始讀書以來, 我都知任何地方都有小圈子, 大家目標一致就會走埋一堆; 0岩 channel 又會走埋一堆; 有宗教信仰就可以入宗教背景學校, 呢d都係天經地義的事.
最要緊0既反而係做戲都要做到底,為小朋友入學而選擇信教去幫助加分值得諒解, 但都要知道人地0既宗教教義/習性/價值觀至得. 人家賣你一個方便, 你都要比番一分尊重對方囉 ~

睇罷某女專欄有感

先旨聲明,此姝並非阿Q朋友, 阿Q無呢D福份去識到呢D朋友 (費事有人自扣帽子又入我數呀0下~)

此姝以才女自居,經常響專欄中提及自己與丈夫之間的"地位"分別. 如,

婚前問老公,婚後會唔會比哂份人工佢管, 答案係可以, 就嫁佢囉 ~

經常強調 , 佢2公婆係男主內 , 女主外. 因為佢搵錢能力比男方高.

我比較傳統, 我覺得2公婆響一段關係 / 一個家庭入面係平等0既 , 無高低之分.

如果以搵錢能力黎分高低 , 咁人人都去做雞鴨鵝咪可以高高在上囉 ~

但係有少少腦都知 ,呢D野唔係用搵錢多少黎分架嘛 ...... 人貴乎自重. 除左錢 , 仲有尊嚴 , 仲有自尊, 人與人之間 , 仲有尊重存在. 若果關係內裡無左呢一D因素 ,呢段應該唔係婚姻來, 而係買賣 / 交易.

婚姻只係人生入面其中一課. 一個人由自我自大,家人父母呵護備至之下, 轉而與一個背景性格都不同0既人生活, 大家要用時間,經驗去磨合去相處. 當中大家需要互補長短 .... 咁又何來高低之分? 若真的要分高低,我個人覺得只會係修養及家教呢D個人修為上可以分高低.係一個有高尚人格0既人, 定係鼠輩狗偷 , 呢D就真係可以分高低.

在我上有關宗教課時, 有一個概念係幾好0既 : 唔好當自己係一個高高在上0既人, 每一個人由出生開始就帶有原罪, 人總有不好的習慣及缺點,身為教徒,比無宗教信仰者多出來的, 就是擁有有一個懂得自我檢討的心. 而並非單純一個教徒的 "身份" , 教徒身份不能令你高高在上,但卻可以令你比其他人知道了解得自己更多, 更快可以改善自己0既缺點.

奉勸在家庭崗位上認為自己高高在上的人, 人上有人, 天外有天. 認為自己高高在上, 只因為你未有見過出面的世界, 你未知高處有多高, 低處有多低, 最要緊的是, 你根本承受不了外來的衝擊, 所以會在一個你認為安全的環境之內自欺欺人.當出到外面的世界,你才知道自己的存在是多渺小.