又要開始另一個大舖蓆

又係裝修 ..... 今次係 57 號 .
其實好耐之前不少朋友都提過呢間破屋仔有好多設計空間. 問題係,以業權黎講,其實唔值得投資 $$ 落去.
不過而家娘家層樓有人收購 , 都係時候去想一想,出面無地方好似西貢呢度咁低消費. 就算交通費同時間,其實同響市區都係差唔多,響西貢坐小巴去旺魚, 分分鐘仲快過響九龍城等巴士出旺角 , 空氣好又 靜焗,去邊度搵 ?
報價返左黎,比想像中貴. 但因為係結構問題,所以都唔可以慳,只可以同師傅講下價.
而家開始要搬野喇 ~ 日日搬d , 希望可以早d攪掂開工.

休息 !!! 我要休息 !!

打從 10月中到而家, 我真係無好好休息過.
過埋聽日, 我真係要閉關 !!!
呢兩三個星期, 真係比我阿娘舞到我反轉...... 難得有假期, 都係比佢玩到一分鐘都無得停. 最高紀錄 , 係由上午九點一路舞到我六點,呢九個鐘係不停咁比佢催我返屋企,但返左又無實際野做到,坐響度你眼望我眼,等等等..... 等到接送時間,我又要行去拎車 , 行到去開左車無1分鐘 ,佢叫我唔使去接送,要我返返去 .....
呢一排日日都成點幾兩點至訓,太子道多野做,西貢又多野做,遲d仲要師傅開工整天台,d野一樣都未執過......
你叫我點捱 ?

眾裡尋她 - 洛神花 ( 收割篇)

今日見不少花萼都差不多可以搽採收, 為免浪費資源,留下了三個較老的花萼讓種子 "樹上熟" , 其他有咁上下大隻0既,都剪左落黎. 明日會去買D漿果, 煮果醬去~~
希望可以盡快將洛神花種入泥地上,讓她盡量結果. 明年就可以大展拳腳了 ~~~ ^^
將果實及花萼分開
好大隻呀 ~~~

採收了的洛神花,用水沖淨


果實內有種子,味道極酸, 果膠含量極高,係煮果醬的好伴侶 ~

劈乜Q - 自家制梅酒

今年春季 , 曾浸制一大堆梅酒. 用唔同0既酒 , 唔同份量,整左一大堆.
今次 , 先拎2隻出黎試 :
A :日本盛清酒260ML (15-16%酒精) , 100克冰糖 , 100克青梅.



B :中國九江雙蒸 , 100克冰糖 , 100克青梅.
先試 A , 酒味不太濃,易入口,較甜但仍 OK 架~ 酒色清澈
再試 B , 酒味重好多,底部有沉澱

雖說不是用日本青梅,但仍未有出現苦澀味.
下年可以大堆頭制作了 ~~

Q 花園 - 繁殖篇

唔少植物都開始有種子喇 ~
飛機草開左好多花,尋日採到0既枯果就有10粒,希望愈黎愈多.另外蔦蘿都收左一部份種子.


偶然發現0既陽傘花 (Holmskioldia sanguinea),剪左數枝出黎,會用唔同方法去繁殖,希望可以成功,再將佢發揚光大.



用園藝網0既方法去杆插玫瑰,進展唔錯呀 ~ 至少無黑腳 ~


什色西洋牽牛及野生藍牽牛下了種,希望可以收多一次種子.

Q 花園 - 近況

網友仔 CHRIS 送我0既馬齒牡丹, 開好多花好靚呀 ~


2星期前買0既聖誕椒 , 已經開始變色 ~ 好可愛 ~~ ^^


20日前買0既紫藍色玫瑰頭,因為天氣涼快又有好太陽,出左小花苞.



另外響一月時杆插成功0既黑紅色玫瑰花,因為落左開花肥,出左好多大花苞 !


日本青瓜又有果~~ 苦瓜都發現有2隻新果 !


紫羅勒快高長大呀 ~

近況 - 忙

公私皆忙.
舅父返左黎香港,住左響我地省城屋企度. 怕舅父唔多慣 , 所以日日都會放左工去佢度同佢執下屋,好彩阿娘日日一早都會上去搵佢,所以食野方面唔使擔心.
然後, 就係飯局 , 接送呢d野佔左我大部份0既時間, 星期六日仲要分比老爺0個邊,西貢執屋 ......
年尾係咁上下架喇 ~ 呢d出出入入情況 , 年年都至少要到農曆年後至會有好轉 ......