有恃無恐+肆無忌憚

d人又掟蕉喇~ 咩事呢你地 ? 一眾選民要睇馬騮戲, 都唔需要咁大陣象行出去投票選一班垃圾出黎響立會度做戲囉 ~~
一句民主,要平反六四 , 就可以肆無忌憚 ?
做左議員 恃住身份就可以為所欲為 ?
香港人幾時變得層次咁低 ?
上星期響巴士度 , 見到細路向鄰座0既父母掟蕉.
一眾有恃無恐0既 so call 議員,唔該你繼續去呃你0既議員津貼,要睇電視0既我有大把選擇,唔使你咁出力去做戲.

讀罷好友網誌有感

剛去過好友哥喇0既 blog ~ 睇到佢完成收錄禮都好開心.
最開心0既係 ,哥喇對自己0既選擇有感覺,會感動 ,呢一樣至係我最感到開心的一回事.
曾經, 我好怕哥喇只係為左逃避/躲避某些不開心事 , 才去教堂.但事實証明 , 哥喇小姐絕對清醒, 絕對自主. 並不為因為她選擇天主教, 而係佢知道自己要一D乜.
哥喇 ~~ 如果收錄禮令你感動的話, 我相信2010復活節你一定會大開水喉 ~~ 到時我會遞紙巾比你架~

喵乜Q - 阿Q的星媽夢 ~~~

媽 : 積呀積 , 你睇下人地阿正幾有型 ~~ 無頸架佢 ~~ 幾敦厚呀 ~~~
積 : ( 我無左頸九世喇,唔見你讚我 ??!! 挑 ~~~ 手指咬出唔咬入 )


媽 : 積呀積 , 你覺得點呀 ~~~ 去見下導演喇 ~~~ 話哂你又黃黃白白 , 阿正又黃黃白白 ,
可能可以比你做一兩集大茄喎 ~~~
積 : 阿媽你似推我去接客咁款喎 ~~ 我唔係雞, 我係貓 !!


媽 : 咁你去唔去0者 ????
積 : .......
媽 : 咁你都要有d表現比人睇下至得架 ~~ 做到大茄分分鐘可以做第一女角喎 ~~ 到時要魚魚有魚魚 , 要罐罐有罐罐 .....
積 : !!!!!!!!!!!!


啪 ~~~~~~~ ----> 阿積訓低0既聲 .....


繼續努力咁郁身郁世 .......


開始不支 ......


無鬼用 ...........

倦

以前成響會響某d時間 , 有一種停滯不前0既感覺 :
1. 返工做野,去到某個位,總係行唔前,原地踏步,好累 .....
2. 拍拖, 經常對住同一個人, 有納悶感覺 ,唔知想點咁 .....
3. 照顧屋企人,到某時候會有好多怨言, 雖然知係唔應該 ,但都照怨 ....
唔知點解會咁,於是我會行開一下,乜都唔理. ( 幾任性的說 ~~ 人不風流枉少年呀~ )

結婚後, 少左呢d感覺 , 大抵係對住一大堆無底深潭, 感覺係 : 挑戰永遠在眼前.
" 我又睇下你玩乜先 !!! "
又,或者係 : 唔頂硬上,可以點? 你唔行,對方照行, 就正如兜頭兜面響地下被拖行感覺一樣,唔喇喇林爬番起身,破相都有之 ~~

可能就係結左婚同未婚0既分別.

商業社會的利益

香港係一個商業社會 ,好多野都係錢字掛帥,名利行頭.
老豆身體不適入左醫院休養,某日,一神職人員行去佢張床度同佢打招呼 ( 老豆訓緊覺喎~~ ),自行介紹之後比我老豆打斷左佢0既話題 .
老豆話 : 香港係一個講利益0既社會,我就無利益比到你0既,所以你都唔好同我講D乜野.
然後 ,呢位神職人員就走左喇~
響香港呢個社會,連宗教都要干涉利益收獲,係唔係好可悲 ?
無利益 = 無用 = 唔需要尊重 ?
呢D事例,每一日都響香港發生緊. 最近更加接觸到一樣幾醜幾羞愧0既事.

作為一個香港人,響日本呢D咁自保0既民族手中取得獎項,實在對個人對國家都係一件極光彩以及有推動力的一回事. 我以前曾打過一間公司的工, 此公司長年與日本公司做生意, 一做就十多年.大牌子如 SONY , KENWOOD 等等都是主要客戶, 十多年來,我地公司都無權作出任何決定 / 意見. 所有原料/用品 都要幫襯番日本仔. 曾有一次, 因為印制LOGO的絲網用了較幼細及好品質的中國蠶絲制品而不是日本品 ,整批工件被悉數退回, 原因只是 : 不是日本制品加工 , 所以拒收.
話日本仔自戀又好, 自大又好. 外國人要在日本人手上取得一杯羹 , 絕不容易.
當然, 現今社會及經濟都較以前開放,日本人亦然. 香港有幸打破宿命 "主辦國才可在自己地頭拎獎" ; 但原來沒有利益輸送 , 任何事都會變成不重要, 甚至可以不被尊重.
香港政府辦事能力如何 , 人人有目共睹.九七之後,質數每況愈下亦一早比外國傳媒睇死 ( 君不記得 : "香港已死" 呢一個 TOPIC 當年牽起巨浪 ? 中國領導人火都黎埋係咁鬧.... ) 而家更加發展到下下同人講利益,講著數, 將一等香港人默默耕耘的成績扔到九宵雲外 , 為的只是 : 無利益.
有關事件, 可以睇睇林長焜 0既網誌.

我非創作人,亦非行內人,但我絕對尊重一眾用自己頭腦去建立起頭頂一片天的創作人. 得到外人認同及接受, 卻受到自己人的唾棄及奚落, 唉 ~~
香港點會比D 狗官攪成咁架 ????? 只識擦阿爺鞋底 , 只識為外人挽鞋 .......

一腳伸開D狗官 , 我地睇下為我地香港人增光0既片先 !!!!




為香港創作界增光


我什少響自己BLOG度叫人科乜科物, 但希望各位朋友,可以將呢一件事 FORWARD 出去,等多D人知道,原來香港愈來愈多0既創作人衝出香港,而且更加難得0既係被外人認同.


伸延閱讀 :
http://digicon6.com/vh/08/?rp=topflash#

近況

屋企有d野要處理 , 所以少出花墟少上網少寫blog .
今日終於有消息及回音,好開心.
做人就好似種野一樣, 永遠唔好放棄 , 以為舊年已經枯死左0既金線吊芙蓉,早2日出左新芽.
我希望所有事都可以係咁, 我都如願足矣.

買乜Q - 小包包

用緊0既散紙包係2年前 COSMOS 送0既禮品 , 用到甩皮甩骨 ~
尋日行過 ANS , 睇到呢一隻小包包 ,好靚 ~ @$75.00 / 隻 , 有9折

新梳化套

今年整左新0既梳化套替換 ~ 積積好中意呀 ~~~

買乜Q - AESOP

買左澳洲有機護膚品牌 AESOP 0既產品 ~
之前係用 SHISEIDO REVITAL 系列, 但實在太多野+煩+好累 ( 其實係好懶) ~ 最近好友P介紹用呢一隻野,睇過都覺得好簡單+易用 ~ 最緊要係少野呀嘛 ~ 幾支就攪掂 ~ 唔似 REVITAL 要用成七八支野咁煩 ~~
今日本來去左 LCX 度睇, 但件 SALES姐姐實在好唔掂 ~ 問一句答一句好行貨 ....於是我地走左去 CWB 0既連根拔度買, 0個位姐姐就好好喇 , 問清楚我地想要D乜, 響我地2個老人痴呆病發者口中一句有一句無0既 "意思" 之中, 知道我地想要乜野.
我買左要用0既2隻貨之後 , 姐姐比左好多 SAMPLE 我試 ~~~ 嘩 ~~~ 真係好多呀 ~~~~
我用得到0既 , 一定會再幫襯佢囉 ~~~