2008 父親節

今日我地一早就同老爺出左去,先去會所同契姨媽飲茶,然後就去行崇光超市,新華書城,delifrance 飲下午茶,自由活動之後,就去左聲哥度食晚飯.
今晚我地係羅漢請觀音,仲有 mimi gary 2公婆同波比,仲有2家父母一行十一人. 今次係第一次幫襯聲哥新場,地方當然無60樓咁好,但我地係去食野,唔係食環境,所以都無咩問題.
是晚我地點左 : 沙參玉竹龍骨湯,麒麟龍疐皮,一帆風順,龍蝦依麵,咕嚕肉,父慈子孝, 順德米線同八寶湯.本地龍蝦係聲哥代購($600) 加加埋埋3100埋單.又係又食又拎.
以人頭計,與新王朝時代無乜分別.但因為無左出名皮蛋酸薑,同埋桂花糕 , 所以真係好唔夠皮 ! 席間與聲哥傾開,原來佢地響上面搬落黎時,好多野比人偷左,海味如江瑤柱及罐頭鮑等等,無左一大堆. 我想,舅公佢地早幾日去食覺得貴左,可能係因為海味來貨貴左.
祝聲哥響新場仍晚晚旺場,步步高陞 !