過大禮 - 潮州人篇

潮州人嫁女同娶新抱, 方式及態度都係要面子,什至無面比(尤以守舊派潮州人為甚).

潮州人有佢地自己0既禮餅 ,嫁女餅 , 喜餅等等,著名商舖 "和記隆" 在九龍城無人不知.冷門一點的如黑豆球,"和尚帽" 都有制作. 但早前一家幾兄弟吵分家, 我們街坊只會去城南道裝修最平實的一間分店, 因為只有這店才真正有造餅師傅駐店, 所賣的餅亦最新鮮 !

潮州人極喜意頭,如我阿叔娶妻,大大小小硬幣都一大堆, 取其意頭 :有聲有氣,金銀滿地

意頭也會跟水果拉上關係~ 潮州人婚嫁中,一定會有柑(金) 及蕉 (潮語諧音為 "敬"),蕉, 仲係原梳連花的蕉(-__-"") 但呢一樣野都係極其傳統的潮州人才會有 (如我阿爺) .萬一唔好彩真係要有,就只好去山草藥店/水果店留貨, 大約預早一星期. 九龍城街市近 7-11 入口,有一間山草藥店有提供呢樣野 及 其他傳統婚嫁用品. 但極不便宜.

一開始籌備婚嫁,大家的EQ都會驟降. 所以其實無論是潮人與否,做父母都是替子女高興. 其他的,都別想得太多 ~~