無題

早2日在FB ,見朋友提及有一個女人,在地鐵中夾硬推開他人,然後坐響人地本來0既位上睇佛經.
又,在中大某職員自殺耹訊中, 揭發身為基督徒的上司, 原來曾性騷擾死者,令死者走上不歸路.....
某女星經常提及自己的教友身份,守身如玉..... 最後發現懷孕了.

一連串的事件, 都跟信仰拉上關係. 我其實幾BUY MC JIN 的講法.
雖然, 好多有信仰0既人, 做緊好可能係不恰當的事. 但同樣身為教徒的自己, 本份係要修練及堅定心神,忠於自己的信仰. 而並非利用教徒0既身份,去批評他人, 什至抹黑,誹謗他人.

的確, 好多時"教徒" 身份會令他人對你少左介心,多左信任, 但並不是免死金牌. 我0既經驗係,愈高調去宣示教徒身份的, 個人愈有問題. 最大目的係希望利用"教徒"身份, 去讓自己的所作所為合理化, 令自己一言一語理想化.

對於呢D人,我極度同情,因為佢地以為騙到了全世界, 到頭來最騙不到的, 反而是自己.

憶故友

今年的四月好難過..... 當某天我在望彌撒時, 收到糖花老師的訊息, 好友Y離開了我們......不想亦不敢相信這個事實, 在好友M確認之下, Y 真的離開了.... 走時沒有留下一句說話. 之後的2天,我整個人都空空洞洞, 在數天前,我才跟Y食過晚飯, 談心到半夜.... Y是為什麼離開? 發生了什麼事? 到之後再希望她走時沒有痛苦, 沒有遺憾......
直至在一星期前, 我及數名烘焙好友, 應Y的姪女要求, 到Y的家中收拾, 接收她的烘焙用品. 我本人百無禁忌, 在我所認識的Y , 是不拘小節,爽朗,愛朋友愛家人, 熱愛生命的一個好女孩.

大約係2-3月間, 我同Y + M 一齊去上糖花課, 咁有次大家講起自己有乜野家當 .... 放到一屋都係..... blahblahblah ...... 咁我笑言我D遺囑一定會係孖人煲/刀, LC , 蟹樹 , 曲奇模等等.... 我一定要寫明比邊個人, 因為我唔想我D孖人煲做左孤兒仔/D LC 兜比人拎去當花盤種花 ...
Y 當時笑到咭咭聲, 話佢都會唔捨得佢0既廚具, 希望都會有知音人/有心人可以一直用落去. 所以, 在接收物品的同時,我決定盡力為Y做多一點點.... 將她的廚具,烘焙用品, 用捐獻方式,給有需要的餅友接收, 餅友捐的錢,會再交回其家人.

自2009年後,今次是我重新正面去面對至愛親朋的離去. 過去數年,我會逃避, 什至不聞不問,以免在心底內的傷痂不停地受傷..... 但為了自己, 為了 Y, 我需要再面對現實. 在這數星期,對Y 離世的事再知多一點點.某程度上,我釋懷了.

對於 Y , 我與她認識不算長時間,我只知她姓梁,未婚,其他如家庭,年紀,背景等等, 都是一無所知. 因為我只是與Y交朋友,並不是查人家宅. 大家認識熟絡後,有點兒惺惺相惜的感覺. 做朋友,所要找的, 想都是這一種感覺吧... 舊年為好友V表弟結婚而要做MACAROON , 就係Y比左我好多信心,每次見到都為我帶來不同的MACAROON..... 只因為我曾講過: 其實我都唔知唔識真正0既macaroon應該係點.... 於是,佢一次又一次咁買來比我, 希望我對呢D餅多一點點認識. 有Y這一個朋友,是上天給我的一份禮物,在她身上所看到,所感受到的, 都令我對朋友有一種新的體會.

我極慶幸在她仍在世時,大家一起大笑大鬧過, 互相欣賞過. 上個月,我把一份禮物送給Y,跟她說:就當係你的生日禮物,年底時我可能無錢買~ 而家有錢買左送比你先. 就係咁,大家因為呢一份早來的生日禮物,多左數十分鐘的笑聲.

Y , 我永遠咁愛你, 希望在遠方的你, 繼續當你的快活天使~

玩乜Q - MACAROON

2010年上的第一課macaroon開始, 我已覺得呢一家野,響我屋企/親戚圈中應該係無MARKET的:太甜+我工夫不足.
除左學完翌日試左一次之後, 再都無造過.
後來在蛋糕裝飾課的同學仔VANESSA鼓勵之後,在學藝一年之後, 再戰馬卡龍~
馬卡龍其實只係一個餅仔的名, 在法國不同地方的馬卡龍都有唔同形態/味道/口感. 最令人心醉及最廣為人知的, 是巴黎馬卡龍Parisian Macaroon , 佢有七彩的顏色,餅緣有像LACE一般的"裙"邊, 加上中間的餡料,圓卜卜的好不可愛.
在差不多2個月內,在Amazon.co.uk 內買了不同的馬卡龍食譜 (比香港PAGE ONE平好多好多).香港的本地食譜, 我已不太買.坦白說,本地食譜真係可以做到野出來的實在不多,當然, 本Q技術不佳亦係主因之一. 外國食譜比較細緻,好多步驟都有提及,做唔做就由得你喇~ 外地買的食譜, 比起我在教室所學的, 多出好多步驟,比起本地食譜的, 更加無野好講. 除此之外,因為有心朋友的幫忙,我試到不同店家的馬卡龍, 於是好多先入為主的感覺及想法, 都有了點改變.
但有一樣係令我頭大的, 就是調色. 與朋友研究了一大輪, 最後都係得個吉~ (在最近上的一課macaroon, 終於明白原因.學費, 真係要交架.... >.<)
在綜合了幾家技術之後,就開始了我與馬卡龍大格鬥~XDDDDDD .
VANESSA 想要的, 係紫色的馬卡龍. 於是,又入左一批不同類型的色粉/膏(衰左喇) /水.
試左一大堆,唔想浪費, 就用來整左呢舊野.


最後關頭, 趕出了50多件馬卡龍~~ 內餡係在coup kitchen學的紅莓味餡料.



好多謝VANESSA比機會我試,我地並唔係要賺錢, 今次亦係VANESSA為表弟結婚而幫忙的大PROJECT, 坦白講你叫我做呢門生意, 我係蝕硬的. 但我仍喜歡去試, 因為在當中感受到,學習到的,並唔可以用金錢來衡量. 所以而家響邊一度有macaroon course , 我都會去報名 (當然,唔係乜野都報,一定要有口卑的才可以). 好多朋友好奇怪 : 你又學???你唔係識喇咩????
其實,我覺得家家都有佢本領,我識0者,但唔叻~~我亦相信比我叻0既大有人在. 我無想過做生意,我無壓力, 無包袱,學得亦輕鬆~
所以,耐唔屎響度玩下野~XDDDDDD
試用意大利馬令做macaroon

試做健康少少,無色素+低糖

都有失敗時候~~

最高貴0既係呢款......

最多人中意0既, 都係呢個~~ :D

糖花課程 @ WENDY'S Workshop - 繡球 ( 完成篇)

經過數星期努力, 終於造好喇~~~ :D

在數星期的學習入面, 跟老師無所不談,在我上最後一堂的那一天,我踏進教室時,發現老師在整理我的糖花配件, 然後跟我說, 我在上色方面有點點問題,所以佢會再重新示範一次, 希望可以做得盡善盡美.
老師一直緊盯著我上色,發現問題後, 馬上示範正確的手勢,問題解決了, 花瓣也漂亮得多了~
老師也從不會催促我,最後一課也未能完成,於是就再約一天,把繡球花都做好為止. .

翌日回教室補了大約2小時的課, 花也做好了~~


花瓣顏色一共有六個層次.當中不乏要混色, 要HIGH LIGHT, 要輕手融合, 最後才出到呢個如夢如幻的漸變色系.


上完呢一課, 我要到六月才可以再上課. 希望WENDY老師黎緊呢2個月, 一切順心順意~ 六月再見 ! :)

糖花課程 @ WENDY'S Workshop - 繡球

學完左個銀蓮花之後, 馬上跟老師再學繡球.
一直都好想學呢隻花, 因為都幾多用途~~ 但始終唔起心肝,因為未搵到一隻做法係令我有驚艷的感覺.
WENDY 老師開新班, 睇到呢張相, 我即時報名了.....

漸變的顏色, 像真度高的葉, 加上小巧的襯花, 心動喇~~~
以真花來講 , 我會中意綠繡球/ 紫繡球, 前者好有歐州風及環保的感覺, 後者就好有貴氣.
因為第一課未有時間上堂, 所以就響第二個星期, 由2點上到10點多,造好哂所有的花/葉配件.

第三課, 就要來上色了.....
以前見到大師級的糖花像真度好高, 係因為除左花瓣好薄之外,色彩多而且自然;尤其有漸變效果的, 像真度就更高了....
老師教上色,單單葉子就有4隻色, 花瓣, 有6隻色.... @.@
打底, 混色,融合.... 全都是學問,而並非是買左一大撮色粉就可以做到大師段的級數.
一下一下咁掃, 不能太大力.... 多一點少一點.... 落點歪了一點點, 出來感覺就不一樣了.....
一堂過去了, 我只為三塊葉+2串襯花+4束花上好色 ( 我一共有十束花...-__-"")



有層次又自然的花瓣, 用上六隻不同顏色下在不同位置造出來的效果......


但我好投入好開心,因為自己一手造出來的花, 慢慢成型了, 能不高興嘛??? :P

糖藝拜師作品@Wendy's Sugarcraft

在心如止水,日日埋頭做農夫之際, 好友去左跟另一位老師學糖花. 又將去學到的DIY flower paste 拎比我試,我心郁郁之下,又跟佢去學piping course . 亦希望比個機會自己死心~ XDDDDD
今次去的是Wendy's Sugarcraft, Workshop 內放滿老師的作品. 雖然知道唔係真花, 但仍好驚嘆點解手工咁精細咁細緻 !!
尋日, 我已經去上第三課了~係學繡球花束. 好多謝老師一直以來細心教導,令我都可以做到薄薄而又形態生動的糖花. :)


重新建立信心的唧花吊線作品




再來一個糖花!



預告

繼續糖藝進修之路

之前0既網誌,甚少提及我D糖藝進修. 原因好多, 主因係懶, 其次係忙, 甚至係覺得無乜值得比朋友分享 .....
由2010年底至今,我一直有上糖藝課 :學習唧花,糖花,蛋糕裝飾. 但可以見人的, 真係無乜幾多野.課程都有証書,甚至有master diploma ... 但坦白一句,要我做一個有裝飾的蛋糕出來, 我做唔到. 所以, 所有呢D証書呀獎狀呀呢D野,我無公開比人睇.
過去一年,認識左好多志同道合的同學仔, 大家相處好好之餘, 亦因為糖藝原因而走在一起. 我對漂亮高貴的蛋糕裝飾有所期望, 偏偏學藝一年之後, 都仲係得個望字, 好多野都唔明白亦無本事做出來. 所以,在証書課程最後一節,糖霜唧花課中段,加上其他原因及所以無中生有0既是是非非, 我已萌生放棄之念.
在所有課程完畢後,我將所有工具都收好,因為短期之內應該不會再拎出來. 後來好友到了另一教室學習糖花, 大力推介之下,加上我唔甘心, 所以就報左一課, 希望在當中再確認一下, 自己是否仍適合做呢一樣野.
上完第一堂之後,我驚覺自己原來乜野都唔識,連最基本的都唔識. 本來以為係自己0既問題, 但再一直學落去,發現之前所接觸到的,理論及概念都係錯的. 我一直想安慰自己 : 家家都有一套道理,唔可以話A係咁,B就一定錯.
但事實並非如此.
事已至此,我不得不承認, 之前所接觸到的,全部唔係謊言, 就係廢話.
當日相信老師一言一語而買0既工具,全部都唔係糖藝專用,而大部份只係麵粉花/紙粘土工具, 而不是FOOD GRADE/糖藝專用工具.
由老師口中得知資訊/ 理論, 全部被事實及結果所推翻. 也亦解釋左點解當日有好多技巧上0既野,做極都做唔好.
在我來講,錢用就用左, 既出之物不可回. 自己心甘情願比錢買野,我唔會怪他人. 但我會將呢個人重新評價, 將佢放響 "零接觸"位置, FB都BLOCK 埋佢 ~ 因為我知道當呢個人知道我去另家學藝,我又要聽佢講廢話.

當日以支持心態去佢度讀糖藝, 到頭來原來做左羊古. 都OK架,我當上左一課, 我無損失, 錢無左可以再搵再儲, 又唔係買到破左產. 學識左去認清多一類人, 對我來講, 都叫袋$$落左自己袋.

好多謝好友們, 同學仔們, 為我擴闊眼界 !
大家都一齊比心機, 無乜野係做唔到架~~