Q。私廚房: 10月 2008

2008年10月31日

Crabtree & Evelyn 2008 聖誕禮品目錄

又係放血的時候 ~~
今年價格比上年下調左 2 成左右, 可能係市道+人心惶惶問題,所以以往0既 $895 禮品無哂,最貴都係$695,比多個七折 VIP , 唔使$500就有一份又大方又得體又靚0既禮物.
聽日去行下收下新料先~ 好耐無入過蟹樹喇 ~~~ ^^

2008年10月29日

改名 ?

好友說 : 你個 BLOG 要改名喇 , 叫私花園 ,唔係私廚房喇 ~~
=__="

Q 花園 - 下一年目標

1. 洛神花
( 所有照片取自 : http://home.educities.edu.tw/woodman/image/f70413.jpg )

洛神花的花萼才是日常我們食用/飲用的部份.

2. 日本青瓜, 刺青瓜

3. 白玉苦瓜, 山苦瓜

4. 白瓜

5. 紫花熱情果

因為季節唔同,再唔係種瓜果作物0既好時候,所以就要處理一下天台仔0既植物喇.

首先將就黎枯萎0既瓜籐拔走,騰出天台另一邊有太陽的空間,改種勒杜鵑及玫瑰花之用. 拔掉的瓜果騰剪碎後丟進堆肥箱內.

再下來,將所有薄荷都轉用同一款式的花盤(方形花盤) 我現在有柳橙/朱古力/萍果/葡萄柚/萊母/香薄荷/綠薄荷, 希望有3-4月時可以在花墟/香薰園再找到新的薄荷.

早前從花墟入手的玫瑰花,也把花盤都轉成同一款式 (高身花盤)及換泥, 再放到有太陽的地方去.

上星期在花墟買的玫瑰花切花,我把枝幹都留下來,一部份沾上生根粉杆插,餘下的用生根粉開水浸3日後再杆插, 希望可以成功.

把堆肥箱都取出來翻一翻土 ,2個月前的堆肥都差不多半熟了,應該可以用在2009春播上.再把上星期在星巴克取來的咖啡渣取出,加上枯萎瓜籐及枯葉等再弄多了一箱堆肥.

拔走植物的花盤, 我會洗淨及日晒將花盤消毒,另將泥土取出及處理,然後用在春播之上.

冬天的Q花園,將會是香草及盤花為主. 再努力咪書,在2009春播時努力~

Q 花園 - 娘家有D乜

西貢娘家絕對係種植0既好地方~所以我將唔少響省城生得不太理想0既野都搬入黎呢度種 / 休養 / 培苗.

佛手瓜 ~
響省城實在唔適合種呢D大型蔓藤瓜果,所以就拎入黎,本想種落地,一想起十二月呢度張開工,即時打消念頭.種番響盤度.

刺芫荽 ~
係版友仔 CHRIS 送我0既小苗,屬越南香草的一種, 用黎驅蛇一流~~

小紅楓 ~
而家響省城實在仲係太熱,所以就拎入黎,響幾日適應期之後,尋晚落左少少葉肥.

Q 花園 - 碰碰香進展@29-10-2008

呢一盤係比蝸牛蹂躪過0既 , 色係淺左d , 但都幾壯下.

下星期, 會將佢地移去可愛0既蛋蛋花盤入面 ~~ ^^

2008年10月26日

Q花園 - 雪花木

@$10@花墟 , 好得意呀 !!!!!!!

換左盤之後, 靚哂 ~

Q花園 - 托花所

美女A 家中裝修好 , 我都要將佢D花比佢番喇 ~
仙人掌 / 多肉植物類 - 比佢呢D懶人就最好 ~

另一盤粉掌, 比起原先 SIZE 大左成2個碼 !
1個半月前,佢就好似左手邊呢一盤咁大 , D花係淺粉紅同綠色 ....

0岩0岩標出黎0既花,因為有陽光,所以好紅 ~

2008年10月24日

Q 花園 - 薄荷家族

快高又長大 ~

連萍果薄荷都生得好好 ~

泥土配方 : 科學泥,沙,金沙,基肥(豐收一號)

生日點樣過

今日放假 ~ 去食好好味肥爆超標早餐 (雙蛋+煙肉+火腿+多士+熱央多奶 )
然後 ....過海去行永安, 碰０岩今日係第一天大特賣呀 ~ 用 699 買左套原價 2500 0既餐具 , 一堆煲墊 ( @$35 有七折 ) , 4支重磅分菜大匙羹 (@$22.00 七折 )..... 人多得滯無 mood .... 走頭 ~
過去隔離十蚊店睇園藝野 , 噓 ~~~ 無野睇架!!! 最大收獲係買到我同大夫都好中意0既沙律汁 , 我地掃哂d貨 !!
然後坐巴士去鵝頸橋 . 落車時去小巴黎食左個晏晝,茄汁牛腩粉+龍眼冰, 大夫要左個香茅豬扒飯 + 鹹檸七, 埋單 $81 ~
去新華書城買左五本簡體字祖國園藝書 ~ 一本廿幾蚊人仔, (rmb1 = hkd1.25), 然後行過隔離十蚊店睇園藝野 , 又失望 .......
然後返過海, 拎左d野返屋企先 , 再出去花墟行街街 ~~~ 夜晚同阿娘一齊響屋企打邊邊 , 我地買左蟹腳,豬梅肉,肥牛,烏冬, 大量菜 ~ 食完邊邊仲有甜品 , 大滿足呀 ~~~

要多謝一眾祝福我0既朋友呀 ^^ 我都祝我所有朋友每一日都咁開心咁滿足.

2008年10月23日

Q 花園 - 碰碰香進展

又一次証明,種野好分地區同座向
前日同ok san 拎來的碰碰香, 一盤拎左返西貢 , 兩盤仔響省城. 好明顯地,西貢呢一盤 recover 得好快.
兩個地點都係放響露天通風地方,省城係東南(左手邊) 西貢係東北(右手邊)

響省城種蝴蝶蘭,死哂. 搬入黎西貢又翠綠又壯
好友 ta 姐拎黎托我照顧0既紅掌 , 個半月大左成個碼,而家仲係咁標花,足足有八個頭, 可以好意頭咁返屋企賀ta姐入伙.
柳橙薄荷入左黎,係咁標係咁標,仲走埋莖.
你叫我點捨得呢一度 ?

2008年10月22日

又講掟蕉

( 以上照片經後期加工,鳴謝好友長長借出大作比我亂攪 )

坊間好多唔同0既反應, 我都係堅持 : 掟蕉有失議事廳尊嚴.
佢地0既解釋係 : 一早入會已經開宗明義, 旗幟鮮明 (要掟蕉?) 而且佢地有反映訴求0既"權利"(只有掟蕉至可以反映?)
即係話 .....
響超市買貴左野,我可以上長江李超人間房度掟蕉
老闆要我 OT 唔比 OT 錢 ,我可以去佢房入面掟蕉
我D存款響銀行 , 仲要我排一輪隊至可以拎到自己D錢, 我又可以對住 TELLER 掟蕉
我納左稅但政府話要100%回本比迷債苦主, 我地可以對住曾生 / 苦主們掟蕉
邊得黎咁多蕉比人掟呀......

真係國之將亡,必有妖孽.

Q 花園 - 碰碰香

一直響園藝網見人家講起 ,樣子好可愛 ~ 跟倒手香是表兄弟 ~ XD
不同的是, 碰碰香是清新一點的柑橘水果味 , 沒有倒手香那一種霸道 ~
網友 OK SAN 把家中的碰碰香剪來送我 ~ 開心死 ~ 回了一大堆禮 ! (其實係想有人接收多一點盤栽令我可以迎接新貨抵港 ~ ) XDDDDDDDDDDDDDDDDDDDDDD

今日一早起身時,碰碰香經過整晚休息 , 好樣番好多 ~