咩世界呀 ?

一眾尊貴議員,唔該有番d修養喇 .
點都好,郁手郁腳就係唔0岩,掟野吵鬧呢d,只會響街市出現 .
如果真係文明人,真係為香港人謀福祉, 唔該收歛一下.
都唔知選呢d人出黎做乜..........

阿曾生 ,所謂生果金,一直以來係香港政府唯一可以回饋長者0既福利,區區數百,令長者知道香港政府並無遺忘呢一群人.而家你話要資產審查,不如你地自己審查番,呢一班長者為香港付出左多少,比過幾多稅,同香港修左幾多橋築左幾多路先喇 ! 而家一人加左三百幾蚊,唔係好大件事咋嘛 ? 一百億都可以面不改容拎出黎 ,反而同香港一齊成長,一齊建設香港0既長者,就要為左幾百蚊好似乞衣咁同你拎 ?