食乜Q - 一粥麵

今晚要去新都城買即棄隱形眼鏡,所以就同大夫求求其其去搵間野醫肚.
上次經過呢間一粥麵, 發現佢同大家樂係同一集團 , 但明顯地人比較少及清靜, 唔太忙,廚房出品可能會正常少少 , 所以今次就去試一下.
快餐店我地多數會去大快活 , 美心就免了,無一樣野係入得口0既 ; 大家樂,人太多,打完仗咁拎左野食之後,發現食物都唔多似係人食0既 ......
今晚去一粥麵,大夫要一個蔥油雞套餐 ,有足料菜乾湯 , 白飯及 1/4雞 ,比大家樂平宜左幾蚊, 但質數絕對係一眾快餐店之上. 我要左個福建炒飯,都 OK 0既,有瑤柱絲同蝦仁 ~ 一共用左七十幾蚊.




以基層黎講如此消費有呢D質數,叫做過得骨喇.唔好話快餐無好野食 ,要食高級野就唔係去快餐店. 你無理由用五星酒店質數去同快餐店比較卦? 傻架 ?

另, 響經濟低迷之下,八時左右的商場靜得嚇人......



呢個情景,就跟2003年時沒兩樣 ,不同的是,當年人人都怕沙士不上街 , 今次卻是經濟低迷金融海嘯. 當年我要結婚,什麼都便宜,要擺酒大把 OFFER 比你,金價得番 $3890 ,只要你肯上街,消費,上館子,做大爺包場都可以. 過多一段時間,會不會歷史重演 ?