自我放逐2009羅省篇 ( 5/11/2009)

今日係響羅省最後一日, 今晚就要上機打道回府 ~~

食完早餐, 阿姨同我地去左越南埠. 次次來罹省, 我地都會黎呢度. 因為當年呢度好多賣珠寶玉石的店. 咕咕同阿姨經常響呢度買首飾比太太同羊太. 泰國鄰近緬甸邊境, 所以玉石來源多選擇, 佢地經常響相熟店家買到好野.

我地呢d為食鬼, 一到步當然係去行超市+食肆喇~~ 越南埠0既鮮榨蔗汁好好飲, 我地又入去一間飲品店度買, 呢一間店仲會加入酸柑 , 所以佢0既蔗汁會有一陣柑橘香氣~仲好醒胃唔會一味死甜 ~ 呢個小MALL 全部都係越南土產 / 水果 / 糕餅/ 食肆. 但可能呢一帶治安稍遜, 一直有幾個交通警響附近巡邏 , 呢樣野響我來羅省咁耐都係第一次見.

超市內有平到嚇死人的法國武當紅酒



飲品店




越或糕餅甜品店





法式蛋糕店





水果店

呢隻橙色0既野, 並唔係用黎食, 只係用黎烹調出食物顏色 (橙色) 而已, 屬於天然的食物顏色.



我地響水果店買左D芒果同石榴~ 響糕餅店買到有綠豆夾心的拉椰糕. 然後就出發去食晏. 是日午餐係響一間潮州粿條店.
潮州粿條 , 即係河粉 , “貴刁” 亦即係粿條0既潮州發音. 我地響香港食到0既沙爹牛河, 就係屬於潮州粿條之一. 比較正統少少, 我覺得只有佳寧娜似樣少少.
呢一間店好多人幫襯, 停車場都要等位. 我地用左20分鐘至有位 ( 車位同人位都係) . 呢度0既食物份量偏大 ( 細細碗無人會黎食啦….) 所以除左uncle Wilson 之外, 我地都係叫幾樣野黎share .



芽菜同青檸....唔係越南野至有架咩?

有幫你開胃的醋醃辣椒

沙爹牛河, 我覺得辣左少少, 可能我唔食辣喇, 阿姨同羊太就好中意喇~~

豬骨湯, 我極喜~~ 好好好好中意呢個湯~~~ 才USD1.75 咋 !!!!


潮州撈河 , 只係將湯河0既湯分開而已 , 配料份量一樣咁多.
潮州湯河 , 好大碗, 一個人根本食唔哂.


食完呢一餐, 我地就去左福祿壽商場, 呢個商場門口, 有3個幾層樓咁高0既福祿壽像, 是次卻因為商場裝修而見唔到呢3個像~ 入到商場, 同以前差好遠……. 人無咁多之餘, 店都少左好多. 本來期望好大0既咕咕都開始飯氣攻心想訓著咁….. 行左一陣, 我地就打道回府~ 途中去左頂好買麵包 ( 係呀, 即係我0既手提行李之一) 仲有去中東超市買左D什莓( USD1.99 / 盒, 死都要食番夠本呀…… ) 去中東餅店買左D酥餅同蛋糕.



途經一個organic farm “Smith’s Farm” , 我地入左去買左D士多啤梨同牛油豆 ( 阿娘好中意食呀~~ 佢叫牛油豆做豆角仔) .



返到去屋企, 我好眼訓….. 於是響梳化倒頭大睡~ 到大約5點至起番身執行李. 響呢個時候至知死…好多野….塞唔落…. 一拎起就知超哂磅…… 響羊太又鬧又叫又嘈之下, 終於塞哂落箱度…..
是夜晚餐響Fleming’s
呢間食肆都係屬比較高一點消費. 大約要6X-8X 一客主菜. 阿姨笑曰要補償”滿清十大酷刑” 之痛, 所以大手筆請我來吃~~是夜我叫左一客prime rib eye. 足有16安… 我竟然可以食哂 !!!!!!

其他配菜有cream corn , 蘆筍 , 焗薯等等, 我都食唔到咁多. 因為件扒已經好好食. 我對其他野根本提不起興趣.

食完飯就起程去機場, 大約有45分鐘車程吧, 我到羅省來, 最唔好意思就係要阿姨姨丈車出車入. 因為在外地, 車子性能同路面情況都不適應, 加上保險問題, 我都什少響米國開車. 到左機場之後, 阿姨同羊太陪我入機場check in , 期間羊太又緊張喇 , 又嘈又鬧又EE哦哦 ….. 攪到我比D海關同警察望到實. 最後行李係超重左少少, 但都照比我過. 入左閘之後, 經過左一埋X-RAY , 我手提行李中的玻璃水樽同大大舊天鵝仔水晶因為過唔到X RAY 所以要拎出黎比海關睇 . 攪完一輪就放行, 經過DUTY FREE , 又買左D GODIVA 朱古力, 務求要盡情利用手提/ 手袋 / 膠袋0既所有空間, 拎哂所有中意0既野番香港.

上到機又有小插曲….. 我個位比一位阿差坐左….. 我比個BOARDING PASS 佢睇話個位係我0既, 佢唔理我…. 於是我叫空姐來, 佢又唔睬空姐…… 最後一個SENIOR 空姐要求佢出BOARDING PASS 佢都唔理……於是響求人不如求己0既情況之下….. 我自己黎解決~

“ 作死呀你坐左我個位 !!!!!! “---> 用盡我超過100分貝0既港女tone 大叫

阿差即時坐直左少少, 用佢d咕嚕咕嚕中東話想講野……

“ 你死番埋你個位度呀 !!! 我唔同你客氣架 !!!! “ ---> 繼續 > 100分貝港女無賴TONE + 手指指 .

阿差即時彈過中間個位狂講 “ SOLY SOLY” ( SORRY SORRY ) , 阿SENIOR 空姐強忍笑同阿差拎 PASS 睇去確認佢個座位….. 第一位我搵0既空姐唔知幾時彈左去後面 PANTRY 度狂笑緊~ 之後我又回復我一貫斯文大方0既語氣, 同空姐講聲: 唔該哂你~

阿差可能心有不甘, 成程機不停扮傻, 將2邊手肘叉開頂住我, 我呢d潑婦點會比你烚到呀…..

每次我睇準阿差訓到淋lum 林時, 就會一”月爭” 鬆埋去…… 嘿 !!!!!

鬆得幾野, 阿差就變乖哂喇~~~ 坐得四四正正囉~~

坐左十幾粒鐘就番到香港喇~~ 大夫見到成車野 ( 一共有6舊野: 2 0急+1手袋+1揹袋+1膠袋+1dutyfree 環保袋) 都嚇左跳~~ Q0既米國之旅, 就係咁響成車野0既壯觀形勢之下完滿結束囉~~

自我放逐2009羅省篇 ( 4/11/2009)

呢間就係我地住0既地方, 亦係阿姨的靚屋~~


今日阿姨同我地去 ROGER’S GARDEN.







呢個花園通常會幫客人設計花園, 賣一D花園/ 休閒裝飾用品, 就好似花墟0既繽紛咁.

今早比之前幾日涼左好多, 又好大霧, 但不至於凍, 行花園就真係一流喇~~ 我特登早左起身, 換左相機0既電池同SD咭, 著得輕輕便便就出門口囉~~~

去到門口, 我已經睇到我好中意0既素燒陶盤, 仲有好多多肉植物. 加州係一個好地方, 放乜野入泥都會生到叭叭聲. 呢個花園賣0既野唔平, 品種亦唔係最多0個間, 但已經睇到我心花怒放~~~ 響香港好多花友中意0既million bell 百萬小玲, 響呢度都生得好好~~ 仲有好多色~~




另一多就係玫瑰花 ~ 其次係多肉. 每一類/ 品種都分為唔同0既區去種,有熱帶雨林區, 有蘭花區, 沙漠植物區. 此舉可以令客人容易表達佢地想要0既花園主題設計.




佢亦有絲花產品, 食用植物反而少, 可能周圍都有organic garden 喇~ 食用香草/果樹/ 菜變得唔係咁馨香

響佢0既聖誕裝飾品區, 有唔同主題0既聖誕樹 , 每一棵都有個名. 另外就係好有鄉土氣息0既木制擺設 , 一切都好鄉村風.

另一樣響羅省周街都係0既就係天堂鳥喇~


行完Roger’s Garden . 我影左成200幾張相~然後阿姨同我去CAFÉ 買左D三文治同飲品, 準備向Carlsbad outlet 出發.

再去Carlsbad, 其實係想同 “咕咕” ( 我地潮州人叫舅父0既暱稱) 行下天鵝仔水晶店. 上一次亦因為我無idea 想買D乜, 所以無買到D乜野. 今次一於要殺殺殺~~

先去左天鵝仔 :

巨型水晶聖誕樹, 香港要成 4000 蚊, OUTLET 價 USD300.00 再來一個7折 , 咕咕一買就係3棵, 一棵送比我, 一棵送比細姨, 一棵自己 ~ 好開心呀 !! 本來我都係要買, 而家咕咕送比我, 好好好開心 !!!!

聖誕版水晶碟 , 香港要賣 890 蚊 , OUTLET 價 USD52再打7折, 連稅後都係40蚊美金, 我地一人自己買左一隻.

阿娘買左心口針, 阿姨又買左水晶錶, 我地人人都好開心, 個sales 更加開心~~

然後又去左Coach , 今次輪到我買左野, 一個長方形BRAND SIGNATURE PATTERN 斜揹袋, 折左之後USD80 蚊~開心呀~~

舅父響TOMMY 度買左d衫比個仔, 然後一行人入左去CLARKS , 一共買左六對鞋, 我一對, 阿娘3對, 舅父2對, 拎左佢六隻鞋揪, 女裝鞋平均一對 USD30.00 , 男裝鞋一對才 USD60.00 . 我返香港睇到 , 佢一對鞋閒閒地700幾800蚊走唔甩. 我買0既金色ballet 平底鞋, 香港要成HKD1,299 (!!!!!!!!) 該煨呀 ~~~ 邊個話香港係購物天堂架?????
行左2間店, 就咁囉......

最後成績


是夜晚飯又係住家飯~有三和燒味+羊太靚雞, 好味~~~

自我放逐2009羅省篇 ( 3/11/2009)

今日阿姨同我地去左Tustin 0既 Market Place.響出門口之前發生小意外:
滿清十大酷刑 – 夾手指~~~

事緣阿姨開0既係七人車, 我坐響阿姨司機位後面, 可能阿姨慣左開車後面係無人坐0既, 所以無留意就閂門 , 咁0岩當時我隻左手就響前後座之間車門0既T柱度, 於是…
我 : 哎呀 !!!!!!!!!!!!!! 阿姨 !!!!!!!!!!!!!!!!!!!!
姨 : 咩呀 , 叫咩呀 ? 出門口呀, 趕時間呀 ~~~
我 : ……夾……夾…
姨 : 咩唧 ??!!
我 : (驚+痛到出唔到聲….. 只可以用右手手指低能地指指下…. )
姨 : (終於發現咩事 ) 死喇死喇 !!!!!!!!!!!!!!!!!!!! ( 拿拿林開番個車門)
我阿娘都開始發現咩事,佢同阿姨 2條友叫到黐哂線, 走左落車入屋搵野比我搽, 2條友響屋同車房之間走出走入…….. 我睇下隻手, 好出奇地無想像中咁血肉模糊 / 又青又紫 / 紅腫 / 骨折…….. 後來阿娘用支獅子油同棉花比我撻住隻手, 我就襯戒指仲可以除出黎時就除左出黎吊響頸鍊度. 費事夜D隻手如果真係變左豬蹄時就大鑊, 到時切戒指就大件事囉 …….

好彩地無損我血拼心情~~手唔痛之餘仲同阿姨講笑, 笑到流哂眼淚~~~ 到左MARKET PLACE, 我自己去左HOME DEPOT , PETMART 度睇野同買種子, 阿娘佢地就去左LOEMANN’S / ROSS 度行.
典形羅省景-棕櫚樹

Home Depot 一角

黑色花, 見過未?


我買左好多野, 然後同阿娘佢地一齊行T.J. MAX , 呢間野好多野買, 價錢又平~ 好似一盒BURT’S BEE 禮盒咁, 有MULTI WASHER + RES-Q + HAND SALVE + LIP STICK + 種子一包, 都係 USD6.99 , 響香港, 一盒同size 0既RES-Q 就要成 HKD80.

買哂野原來都成2點多, 我地去接LISA 放學, 然後去食越南粉~ 我地叫左d粉卷之類0既野食, 仲有牛肉湯粉~響羅省, 超市 / 街外賣0既沙河粉 (未煮前) 都係暖暖的, 感覺好新鮮, 所以次次黎我都一定要食番夠本至走.

青檸梳打

粉卷, 醬汁係是拉差+辣椒豉油

牛河


食飯前, Uncle Wilson 同我去左Costco 掃貨, 我買左成千幾蚊野呀…… (港幣喇梗係….. )
“感覺上” 係買齊喇~~ 當然, 感覺0既野, 係好霎眼嬌的…… 一閃即逝…….


好喜呢隻水樽~~


是夜晚飯響屋企食~~~