上海之旅有好多個第一次....

食魚生 (拖羅來的 ~~)
食大閘蟹(肉/粉)......
用新相機 .....
食到有 "菜根香" 的素菜 ....
各式隱世小店.....
有中國特色的西菜......
第一間 GODIVA CAFE 的蛋糕 ....
仲有就係一日食超過三餐...

上海之旅 20/10/2010 – 田子坊

是次去上海, 一半是為探一探杯麵呢位好姊妹 , 一半係好友A盛情力邀而造就.
因好友A是先在上海公幹, 後半期才會會合我地, 所以杯麵就自行與我在附近逛一逛.
由杯麵家到田子坊, 才是十數分鐘的行程 (人行呀….) 有關田子坊 , 我早前曾留意過好友的網誌, 感覺不錯.
在田子坊側邊有一個小菜市場, 我呢D師奶不自覺就走左入去….
呢個街市場比到我 … 好初期澳門舊街市的感覺: 生0既熟0既野都放埋一齊, 海鮮魚類都放滿一地…. 特有的泥土味道等等…. 因為市場不大, 所以無5分鐘就走番出來~~~
走到入田子坊, 感覺係一個充滿創作的好地方. 古舊建築仍在, 但人就換上紅鬚綠眼遊客 及 一大堆香港人 .


杯帶我到佢比較喜歡的 "丹" 喝咖啡.


在門口有一堆木檯椅


入門口後, 一排排的咖啡豆


然後係一行又斜又窄的長樓梯…..


別有洞天


不同的 “包廂”


最後我地揀左呢個窗口位來坐~ 窗外都是不同的香草, 長春籐 ,黑骨芒 及其他植物. 到達時都差不多要天黑了, 陣陣晚風連同甜薰衣草的香味吹入來, 想點先???? 我好想訓覺架喎咁樣…….


是次上海之旅, 阿Q有好多個第一次. 響田子坊, 就係第一次飲綠茶LATHE ~ (識我0既人都知我唔飲綠茶的…) 面0既泡泡好綿密, 配埋淡淡0既綠茶味極討好 ~~


阿杯就叫左個是日咖啡 ~


田子坊是一個消閒好地方,有不同特色 / 主題的小店舖, 中有西都有, 任君選擇~
好明顯咁口語化0既應該係廣東人/香港人.


呢間叫月沁的, 香港的大眾書局都有佢0既精品賣, 剛開了樓上café




另一間以TEDDY BEAR 為主題的CAFÉ


逛到天黑了 ，於是我地就跳上的士食晚飯去~~

自我放逐 2010 - 上海之旅

是日係坐中午機,不過為左方便大夫返工,我響9點多10點就到左機場,同大夫食完早餐就入閘了.
如是者響禁區內不停咁聽廣播 , 擾攘左一輪,又 delay 又等乜水物水..... 終於開機喇~ 架機行左一大輪, 本來響跑道上, 轉頭又返左去停機坪, 攪乜呀??
" lady and xxxxxxxxx ....... MECHANICAL PROBLEM AND WE HAVE TO RETURN TO XxxXXXXXxxxXX......"
本來12:00機, 最後1:20至開到機.
響機上面,老馮唔食野,不過就食左杯HAGGAN DAZ 雪糕~ 然後就拎左部新玩具出來試....
大鑊... 唔識用~
=___="
航程唔耐, 2粒鐘就到~~~ 一出閘就見到阿杯,真係唔話得~~~ 阿杯又要招呼我,又要接機,又要帶我去食野....
返到去杯麵屋企,佢2位PR 就出現喇~ (唉~~ 陳積積+雞包係唔係要檢討下呢....)
木子豆豆先生


木子麼麼小姐


先乖乖捧上陀地費 (南瓜雞罐罐) , 再執好D野入房, 就跟杯麵出去喇~~
爆脂之旅揭開序幕~~~

自我放逐 2010 - 沒有世博的上海

阿Q 又要減壓~響好友慫恿之下,走左去上海幾日~
上海比阿Q0既感覺係.....幾浮誇0既 (睇到電影入面0既上海人+ 生活....)
今次去左上海, 感覺不一樣喇~
首先,我無去世博~唔好問我世博野~
第二, 我唔中意食名店,南翔饅頭呢D,一見佢樓下D人我就煩,唔好話叫我入去食....
響香港插哂旗開哂店0既,我都唔會去, 阿杯響上面住左咁耐,佢一定知乜野好乜野唔好~我一於二仔底死跟~
但可能係因為世博關係,通街係人,令我好煩躁~~到當地食肆及店子購物(非遊客區),當地人都平和得很.
此行最主要係食+食+食~以前響香港接觸到0既上海菜,又油膩又一味係黑醬油... 到步後第一夜的素菜館, 及最後一夜食的上海菜,都令我食得極開心~因為又清又少油,食材新鮮而且烹煮得宜,一上桌,未見其形先聞其味,唔使睇馬上就知道係用乜野來煮~~~
因為有阿杯同萍果0既照顧,所以是次放逐都食到好好味,價錢又抵0既好野~~~ 響呢度又再多謝多佢地一次~ :)
除左食,仲去左唔少地方逛,感覺文化氣息濃厚,有不少"有文化" 的展覽,就算如HERMES的皮具展覽,卻嗅不出一點的銅臭( 我一見某富豪d女友拎住d手袋,就覺得眼冤) ; 踏足新天地,雖然都係一個遊客區,但保育/保留得不錯的建築,令我呢個井底蛙阿Q都可以感受到上海獨有的古樸氣息.
咁又唔好講得太死,遊客區都有去,一係南京步行街,人多到不得了.....唔係為左幫阿娘買張小泉瓜子夾,打死我都唔會去..... 另一係城煌廟,一早去到人不多,好好行,一到十一點左右,人頭湧湧,攪到我炆炆掙掙....最後走左去廟後面的小區/小商場避難~
希望一日寫D一日寫D ,將開心野記低哂佢~~~

準備自我放逐

去老死度玩,講左好幾年,都未去得成, 今次終於成事~
不過都唔去得耐,去3日而已~ 老死問 : 想去邊呀?
阿Q話 : 去街市呀,南貨店呀咁喇 .....
老死無言~ XDDDDDDDDDDDDD
我呢D人真係無出息....
去台灣 , 唔係行夜市就係行街市...
去泰國 , 唔係行街市就係行超市.....
去美加 , 又係唐人街街市同鬼佬超市 !!!!!

陳積積

好一隻優閑的貓, 閒時愛看窗外景......



$%@#$&*()*(*)%#$#
PK仔你可唔可以唔好坐住我D野呀?????

準備浸糯米酒

早前CK曾提及有糙糯米呢樣野.
糙米食得多, 糙糯米真係唔識~ 尋日去開買餸, 響新三陽買酒餅時就比我見到呢隻米喇~



本來想用日本糯米造酒, 見到有糙糯米, 又唔貴, 梗係要試下喇~~~



等我拎番D浸酒瓶出黎先~~~ 過2日涼番就可以做喇~

玩乜Q - BROTHER 衣車 XL2120

上星期,大夫見到豐澤有衣車減價,BROTHER 最平$1299入門版.
考慮左幾日, 都係決定買~ 都想左好耐,一來自己真係手腳麻麻,二來我D家政又唔合格, 有D 陰影.... 我記得以前考家政用衣車,學左好耐都學唔識. 架衣車幾廿萬個窿,學左幾星期都學唔識. 穿得掂d窿,又整斷針,最後落得紅筆字收場.
呢隻紅字,比我阿娘鬧左廿年,直至結到婚為止....
有時響街度見到d布藝野好靚,但心想自己連衣車都唔識用,呢d野都係得個想字. 有時明知d野貴,都要比錢買,要比錢人賺.
早前好友小寶幫我整菜盤0既防虫網, 見到而家d衣車,得5個窿! XDDD 操作都唔難,睇睇下又心郁郁...
於是響星期六,同大夫去左太古城,響豐澤買左阿Q生平第一部衣車: BROTHER XL2120
小寶教左我好基本0既穿線方向同要留意0既野, 再睇下說明書,終於成功咁打左一個線芯 .
再睇下睇下, 終於成功穿到線 ! XDDDDDD 然後成功咁用到架衣車, 車到一行線~ 再睇下個鐘 :
用左一粒鐘時間~ XDDDDD 不過我好滿足架喇~ 我真係識用衣車呀嘛~
所謂一闊三大,有架衣車,就要有工具.我去左10蚊店執左D小工具,較剪,拆線刀,尺,粉筆呢D. 然後用隻過年食完0既曲奇禮盒裝住做針黹盒.




黎緊想做0既第一件手作仔,會係圍裙, 用左10蚊店現成圍裙來做樣辦, 再響十蚊店買左塊25蚊布來做.

樂活Q - 果醬班@YVES KITCHEN

尋晚去左田園小屋上果醬班~跟BONNIE學做果醬.
接觸BONNIE 的果醬,大約係響2004-2005年左右, 我買左佢0既果醬書 "戀戀果醬",當時仲係對煮野唔多明解0既我,跟足佢方法+食譜+處理方式去做, 做左我生平第一樽果醬 : 公主玫瑰果醬.
買料都嚇死,淨係買莓都用左成200蚊 ! 不過, 做出來的果醬, 真係好好食!食左一啖,我馬上:
1. 有D想飛0既感覺
2. 想:我以前幾廿年食落肚0個D....究竟係乜野來架? 唔同味0既?????

然後,就做左士多啤梨醬....cranberry紅莓醬 ....另外都試過做黃雙如0既玫瑰果醬,不過佢食譜唔及BONNIE 般清晰及詳細,響好多步驟上我加入左BONNIE0既concept,最後都係成功左~
比起上課時間早15分鐘到達小屋,上次因為人多,所以無拍照~今次人少少,而且小屋快要搬了,我就拍下小屋數角.... (小屋的陳設我好中意呀....尤其係廚房頂那盞燈~ )




是夜做左兩款醬 :
奇異果士多啤梨醬




菠蘿橙皮醬


然後... BONNIE 及泰媽媽不停將唔同0既醬拎比我地食....玫瑰果醬,木瓜橙皮醬...泰媽媽辣醬...食到梳打餅都沒有了...同學仔把自己的白麵包都分享出來, 最後好客的泰媽媽,把米粉都開出來煮比我地食 !

期間BONNIE分享左不少造果醬的竅門,配搭及不同食材的處理方法.好得意...我覺得唔似上堂,似朋友傾計+分享多D~XDDDDDDDDDDDD
BONNIE 有一隻銅鍋,好漂亮! 好有granny's kitchen的味道,原來係出去搵人打造的~我一見隻鍋, 我就想用佢黎整焗雞飯...海鮮飯....好味~
離開小屋時已經差不多11點喇, 好期待新的小屋~ 再次多謝BONNIE 及泰媽媽的款待~ :)

煮乜Q - 再來柚子蜜 ( 改良+有薑版本)

星期日去左BONNIE 0既田園小屋, 睇完果醬 demostration 之後, 就明白點解之前0既柚子蜜會失敗左~
於是,尋日用餘下最後2隻柚子,再做一次.
材料: 柚子皮,糖,檸汁,日本柚子果汁, 薑絲,蜜糖

1. 柚子洗淨, 切左皮出來, 再切絲.
2. 糖同果皮/水果比例: 糖約為水果0既6成份量. 我用左沖繩0既粉黑糖,好貴...唔捨得....於是搭左一半冰糖碎落去..... 撈撈撈....
3. 柚子皮開始出水,就開爐小火開始煮(料太少怕燶...)
4. 煮煮下覺得佢好寡... 於是切左D薑絲落去.....
5. 見佢糖開始好杰,又加左D青檸汁落去(無檸檬得青檸,頂住先..),繼續煮....
6. 見D柚皮絲開始變色,熄火~
7. 放入容器,再加蜜糖落去撈.....



見到D色水+個樣開始似番街上買D柚子蜜了~不過我覺得可能會好似酸梅醬咁,`要放一段時間至會好食.

仆槌了

一早就收到阿娘打電話來, 早2日睇0既樓,阿娘尋日仆槌買左了.
響經紀幫忙游說下,業主減左30萬.都叫好過無呀~~
地點唔錯,有電梯有管理包車位.30年樓齡, 內街,新裝修,低層.3房2廁,廚房拍得住我屋企0個個,不過應該要改動一下.
阿娘又要搵迦南了~~ :)

又去報了烘焙課程

今次係報 COUP KITCHEN 11月0既課~
今次可以學的不多,唔係時間不對就係課程唔合心水.
摷左一大輪,決定去學黑朱古力蛋糕及拿破侖.
加埋十月0既柚子蛋糕及YVES KITCHEN 果醬班, 真係好忙下.
朋友笑我浪費金錢,我又覺得唔係.響早前上過0既卷蛋課及macaroon,發現去上課所學的不只是整蛋糕,而係仲要學手勢,知道食物處理方法,混合材料的常識 ....呢D係唔會響食譜度教你. 但一件成品成功與否, 真係與手勢及技術好好大關連.
上烘焙課時, 又要留意食譜有無錯,又要留意老師手勢,真係分一分神都睇少好多野, 唯有留心一點. 回家後,更加要試一試. 再調整好所有步驟, recall memory ,那學費才會付得甘心.
我好早之前去過二記學迷你月餅,學到0既係好皮毛.什至連個奶黃餡都係現成的. 唯一安慰是學到包月餅手勢.
但當我發現COUP有月餅課仲會教埋做奶黃餡時,所有月餅課都額滿了..... 唯有下一年的九月再去學.
雖然我知道配方如何,但....當中好多步驟都好矛盾.出來的味道是對了,但手感口感卻有不足.....所以我決定,無論如何下一年一定要去COUP學月餅.
我一直都好想學opera cake,不過以我的程度,都係學多幾樣野至講.
至於cake decoration,再後一點吧, 急不來~

食乜Q - 金蘭花泰國菜館

其實呢間店,響1X年前我就去食過. 當時係比佢個糯米釀雞翼吸引到所以去食.
第二次去,已經係1X年後, 仲係新相識左個好朋友阿通菜,呢間亦係通菜0既飯堂來~~
呢間店開左好耐喇,價錢唔貴,什至可以叫做係平. 不收小費,貼士,你比左佢,佢追你到天腳底都會比番你.
食物方面,都係咁上下0既野,黃珍珍金寶等等有0既野,佢亦有.
星期六同好友VERA及IVAN 去辦完婚紗相0既事,就去左呢度食晚飯~
2位準新人食物方面有限制,所以我地都係挑D清淡少油菜式.
泰式柚子沙律,用泰國金柚做,醬汁只是少許魚露+青檸汁面洒檸檬葉絲,好清新~



炒菜2碟



明爐烏頭.
另有一碗湯跟上,湯材料有香茅,酸梅,南薑等


泰式燒雞

烤豬頸肉


菠蘿焗飯



埋單 $43X , 一人都係@$105 ~好抵食~