2011 加國之旅 - 23/6/2011

我地今次留響溫哥華都係幾日,27/6就會過番Winnipeg. 所以響溫哥華所行所睇0既真係唔多.
今日一早,舅父就同我地去左Top Gun度飲中茶. 呢間TOP GUN D 野唔平,但有會員制 (XDD) 係MEMBER就會平D ~ 食物質數唔錯呀~ 響美加,中式點心難食極都有個譜, 因為好多用料都新鮮.


飲完茶, 我地就去左行鴨巴甸商場.響地面呢層有一間好大0既Daiso Shop ,亦即係大創產業,香港叫做十蚊店的東東. 我當然要入去朝下聖喇~~ 成間舖分上下2層,呈長形,比旺角10蚊店仲要再長一D. 上層係文具,美容用品,節日裝飾; 下層係家品,園藝用品, 廚具,浴室用品等等. 貨品種類都幾多, 但廚具呢D就好少喇. 好多香港人響入面行~總括來講,好似香港咁~ =_=
行完一輪,就去左對面街0既另一個小MALL, 比較街市FEEL 一D的小商場. 入去主要係為左食燒肉~XDDDD
真係好好食的燒肉~~~ 好多人排隊~~~ 舅父去左買燒肉,我就同DENNIS 去左買水果.呢幾日都會食得幾癲, 有水果仲唔買咩~~ :P

行完食完,我地返去酒店休息一下. 細姨想飲咖啡,於是DENNIS就車左我同細姨+羊太去 Richmond Centre ....噓~原來響酒店對面....早知就行過去.飲左一粒鐘左右咖啡, 就差不多時間去食晚飯, 所以就起程返酒店,換衫再食過.
夜晚響釣魚台食飯~ 舅公極度推介~~~ 好香港式的酒樓, 食物質數亦好好~~~ 個避風塘蟹做得好好食呀~~~

食完飯,我地就去接LISA & UNCLE WILSON 機喇~~~LISA出來時個樣好好笑,原來佢幫佢媽咪拎左好多野過來,條頸仲成幾條鍊.... XDDDDDDD ; 去到今晚, 全部外地來的親戚都到齊了~~~ 齊哂人喇~~~
LET'S PARTY !!!!!! :)
(相片後補)

2011 加國之旅 - 22/6/2011 溫哥華篇

今次去溫哥華係參加婚禮, 好多親朋戚友都會來. 所以舅父租左酒店,出出入入都好方便~~
是次我地住0既係Hilton Airport ,酒店範圍唔大,最好係就腳~ 對面係Richmond Centre, London Drug ,過2條街係sky train ,仲有2個有好多野食的MALL .
我地大部份人係住5樓, 舅父一家就住6樓,房間不大, 但好雅緻,好多野都齊: 咖啡機,風筒, 熨斗呀都有.
每間房都有小客廳~細姨間房更正, 有小露台~~~ 房內有wifi,浴室用品全部係crabtree & evelyn 的Le Source 系列 (原來Le Source 有漱口水的....)


但我地間房就奇怪左d .....咖啡機點會響廁所入面架? =__="


最後我將佢搬左出書檯上面. 我地休息左一陣,就出門食晚飯去.今夜係契婆婆0既契仔,UNCLE STEVE 請我地食飯, 地點係隔離街尾的CACTUS CLUB CAFE . 當時大約係6點鐘左右, 天仍好光亮~餐廳門口有數株楓樹 ( 坦白講我去左數次加拿大,係第一次見到真的楓葉.) 我地的檯係響半室外,有高高的heater在旁邊. Michelle & Mike ,Jennifer & Alan , Alden , 契爺爺契婆婆同Uncle Steve 佢地都到左.


食物都唔錯呢,大家都食得傾得極開心~
咁勞碌 , 梗係要番杯透心涼cocktail喇~~~ :)








食完飯之後, 我地又去機場, 接姨丈及大姨佢地喇~~
接完機,放低行李, 又去食宵夜~~ XDDDDDDDD 去鳳鳴食粥粉麵呀~~~ :)




好耐無試過咁齊人了 , 大家雖然好累, 但都好開心呀~~



今次來溫哥華,感覺比較好,唔太凍(我次次來加拿大,都係見雪的.....) 落左機無耐, 就可以訓覺休息. 所以整個行程都無乜JET LACK ~~~
聽晚, 就要去接LISA同UNCLE Wilson喇~~
(相片後補)

2011自我放逐加國之旅-22/6/2011

今日開始我的假期,我安排左所有野,響一早會做好哂家務,買定哂食物,然後去銀行保險箱取物及買外幣 ,去醫生度拎出門藥, 點知所有所有野, 比羊太一個電話打亂哂.
亦好彩羊太佢同我講真話,我馬上轉plan ( 轉乜春呀....只係做左緊要0既野先) 於是老陳一個人響屋企0既時候, 就食少左好多好野了....
同羊太睇完醫生,上樓睇完敏感發作0既豬頭B ANSON, 我就返屋企拎行李,開車去羊太度接佢,然後去接老陳放工, 一齊入機場. 因為ANSON敏感發作, 所以呢次飛去加國,羊太頭幾日又擔心又訓唔著, 燥底到不得了, 直至由他人口中知道BB 好番哂之後, 情況至有改善~~ 我 ? 咪瀨哂野,做左出氣袋囉~
上機當日,外面刮大風, 三號風球又風又雨, 響禁區入面同羊太食左翠華, 行左一輪. 飛機delay左有一個鐘. 最後起飛時,雨停了, THANK GOD ~


香港到溫哥華才12小時機,問題不大,唉~~今次坐加航,悶蛋到爆, 又無乜好戲睇.航程中段開始, 羊太開始來料.....
"你要報D關呀0下..."
"得喇, 我會喇...."
"聽唔聽到我講, 叫你報關呀."
"都話知囉, 成日講..."
"........."
(10分鐘後)
"有無報到呀??"
"得喇, 成日問, 而家報咩,起飛都無3粒鐘....."
"問下都唔得....你D態度衰到呀..."
(再10分鐘後)
"你唔報我自己報."
+____+ "你自己報,咪你自己過關囉~ 我又無話唔同你報"
"咁樣講野咪衰囉你"
"你唔好成日問, 我都話左你聽會報囉"
"咁你報乜呀? 你都無問我"
"問你做乜??? 唔通報我地2仔乸走私魚翅花膠冬菇海參呀?????" (反眼....)
".........."
如是者成程機就係咁過.... 生不如死.
好喇, 12粒鐘之後落地喇~~~好戲在後頭~~~~~ 每一次我同羊太出門,過入境署及海關,係一大難題來. 我本身無問題,走慣私XDDDDD 羊太呢D, 硬係要GET到人地ATTENTION , 非查佢不可咁. 過入境署時,羊太一如以往, 呱呱叫係咁問我個職員UP乜,攪到人地要比D不屑眼光我 / 佢,就算我響入counter前點remind佢叫佢唔好出聲都好, 佢都硬係要講一輪野的.
是次我報關,報左3條 Tiffany 頸鍊, 因為呢3條野一睇就知過左限額.我亦好老實咁同職員講要差唔多CAD120-150/條. 問多幾個問題,個入境署職員就將一張花碌碌0既報關單比番我,放我地去拎行李.
一路行去行李帶,羊太一路唔停口. 我叫佢靜D, 人地見佢咁,唔查佢就奇.佢仍係唔收聲. 拎完行李,最難一關在面前.
左手邊係出路,直出機場大堂 ; 右手邊係查行李0既地方,入面全部係黑頭髮黃皮膚東方人. 海關將佢地0既行李"倒"哂出來查, 係, 係"倒" 出來.
我若無其事行響前面,將張報關單交比閘口0既人,仲問佢要唔要查, 佢話唔使,當堂心中大喜, 心想甩難~ 點知......
後面響起一把男聲 : " Where are you come from??"
我別過頭, 見到有個海關響欄杆邊指實羊太, 而傻下傻下0既羊太有點兒呆..... 嚇到我呢, 喇喇林走番轉頭同個海關講佢係我阿媽,我地一齊0既. 佢即刻同閘口個人拎我地張報關單睇, 再望一望我,然後....
" You can go now. Have a nice day"
DLS .... 死左好多細胞.....我望一望羊太,佢而家至知驚,開始有點兒面青.... 我用潮州話同佢講快D行,唔係會比人捉入去倒行李....佢至如夢初醒喇喇林行人.....
一出個閘, typical 羊太回歸, 開始鬧我. =___="
"好在我叫你報關, 如果唔係就死喇,我成日講你就唔聽,係要多多野講....blahblahblah......"
女人.....唉~~~
出到LOBBY, 就見到舅父, 妗母及細姨,佢地見到我同羊太個樣,不期然咁笑出來~~ :)

2011 加國之旅

今年六月, 我同阿娘飛左去加國一轉. 因為表妹MICHELLE 結婚喇~ :)
大約響2年前,舅父已經開始幫表妹辦嫁妝~舅父三父女感情好到不得了,2009年時本來要結架喇, 主人翁忽然改變主意, 令我地大吃一驚, 以為出左乜野問題,嫁唔出了.....
原來, 只係兩小口希望儲多D錢, 同埋表妹想考埋個會計師牌,安安樂樂咁嫁~~ 得個女咁識得諗, 怪唔之舅父錫到佢燶喇~~
響四月0既時候,就辦好左機票. 知道市價如何,我一毫子價都無講. 買到機票都叫偷笑了.....2個人機票加加埋埋D什費, 要$15100 ~ 然後一直要搵送比表妹0既禮物, 嫁0既就一個0者, 仲有2個未嫁....一買就要有三份, 最後選左Tiffany 銀頸鍊... $$$$$$ -___-"
響公事安排上面, 不得不私下搵客同佢地傾掂數,叫佢地走貨要響5月底前7月頭後, 當然殺到埋身無得改我都會做, 但容易出問題, 遠水不能救近火,始終都係差一D. 唯有叫個客體諒下; 到最後,客戶們都好幫忙,船公司又好幫忙, 阿Q今次又係無揹黑鍋~~ 感謝感謝~~~~
其實, 最大筆支出響邊?
衫囉, 我十年都唔買一套衫.仲話要西式ball又中式宴會,仲要係幾場....死得喇... 最後係laura ashely 攪掂. 同其餘兩個表妹一個表弟講好左架喇, 佢地結婚我都係著呢套架喇~ 唔好旨意我再去買衫.......
阿Q亦破費買左部notebook. 用來公事上用,同埋響可以上網0既地方,正正經經咁上網. 唔好成日用手機,好鬼累.......
一切安排好,就努力沖刺+工作. 響6月22日正式離港放逐去.

朋友

近來發生好多事,都係同朋友有關.
點都好, 希望我D朋友人人都順心順景, 雖然大家唔多見面, 但得知你地一切安好, 我就放心喇~

懶Q自白

又四個月喇~~ 成日話寫BLOG , 家下又四個月喇~~ 哼 !
skip 左去skip 左去~~ 由2011 加國放逐開始~~ :)

聖誕即興馬交一日遊 - 澳門旅遊塔

呢類咁高0既旅遊塔,以前曾響拉斯維加斯上過一次, 之後都無再去同類0既旅遊點度睇. 以前去過多倫多,CN TOWER 響附近我都無點提得起興趣去睇. 今次去馬交旅遊塔, 只因為船票package包埋, 唔好浪費~
可能唔係咩大日子,遊人唔太多, 大部份都係國內同胞, 因為唔太多人所以我都頂得順~~ -__-"
響地牢有一間食店,屬於快餐店類, 但食物一D都唔快餐FEEL ~





呢個angel cake , 才要58葡幣!!!


可恨我地響香港食左早餐 ....但都忍唔住要咬番D野.... XDDDDD




呢個塔有2層,室內及露天, 我無乜興趣走出去吹風, 所以都係留左響室內.
好HEA 咁坐左一陣~~


少不免去行下呢塊白痴玻璃 , 然後又好白痴地唔敢踏落去,下意識咁響邊邊的地方行.....

塔外風景~


差唔多時間了, 要到葡京會合dormouse , Edward 以及佢地0既朋友食晏了~~

2010結婚周年馬交之旅 - 法蘭度餐廳

第一次去係2009年的聖誕~ 同艾倫先生及萍果小姐一齊去,食到不易樂乎~~
今次只係同大夫去,戰鬥力明顯下降, 加上睇完show之後仲約左隻熊去宵夜, 所以都只係係咁以叫左中意0既野食.
店中裝飾依舊~



頭咁大0既麵包~~


西班牙水果酒




馬介休沙律


燒雞


葡式乳豬, 必叫~~

其實太多了,食唔哂,仲包走左一隻麵包, 數件雞....
無期望就無失望~~ 志在開開心心過一日嘛~~
大夫~~ HAPPY ANNIVERSARY ~~~ :)

七年未痕結婚周年之旅 - 馬交2日1夜自由行

2010年結婚周年, 我們到了馬交一遊,為的就是傳聞快要徹退的太陽劇團 (前稱索拉奇藝坊) 劇目: ZAIA
在十多年前起,我就愛上此劇團:如迷如幻的化妝,尤如意式歌劇的音樂, 震撼的舞台設計.....在以前已經看過ALEGRIA , SALTIMBANGO , O'S , MYSTERE , QUIDAM ...



由於是2日1夜的行程, 所以我地都係預算好悠閒地過左2日.... 行到邊食到邊玩到邊~
少不了去行玩具店,食木糠布甸, 呢D另文再貼
是次住響威尼斯人酒店,好大間的酒店,因為酒店愈起愈多,氹仔跟以前都不一樣了.....

酒店入面有一商場叫大運河,係仿拉斯維加斯凱撒酒店而建.行下行下, 真係以為自己響米國了.... 點知轉個角, 見到: 南北行~ 馬上醒了~ XDDD

我地0既結婚周年晚餐響黑沙海灘法蘭度餐廳, 我地都係叫左乳豬,水果酒等等以前食過0既野, 穩陣呀嘛~
(又係另文再寫)
食完飯, 就返酒店睇ZAIA ~ 睇完show, 約左好友VV去食宵夜~VV帶我地去左新益度食小炒~嘩~~ 個魚皮撈好食到呢........
( DITTO)
第二日去左食酒店自助早餐, 其實本來都好OK架,不過一見D內地人食相,真係唔開胃.....後來響旅遊塔下食店,舒舒服服地食多一輪補番數 :P
( ....DITTO ...AGAIN)
行到邊食到邊都可以話好輕鬆, 但亦有不足之處.2個人話易又得, 話難搵食都得. 第二日夜晚上船前, 我地就響官也街一間店度食小菜晚飯,唉~~難食到嘔 ! 我發誓日後都唔會響呢D手信街度食飯 !
( OF COZ DITTO ...)

其實起程前有小插曲,差D令我此行烏雲密佈, 好彩最後都化險為夷.
話說出門前收到內地工廠通知,船公司抽起了某票貨,謂因收貨人指引云云,基於係FOB條款,工廠又出左貨,雖說道理響我度,但都要做D工夫.... 於是響車程入面用smart phone 狂出 email..... 最後問題開始解決+明朗化時,我.....
暈
車
浪 ~~~
最後仲嘔..... 頭痛...... -_____-
好彩上船後不會太拋,我小睡片刻後就回過神來. 哈~ 就當係嘔乾嘔淨,清坎舊貨,迎接新貨抵港,等我去馬交狂食喇~~ :)

最後, 好多謝老陳安排~~ :)

新一年新計劃~

繼續做好自己要做的事, 盡番自己本份.
不斷學習,不斷檢討~ 對人對事都係.
過去一年, 我終於令自己抹去好多不快,好多仇恨. 對於一D令我不快0既人及事,我只有寄與同情及祝福. 令自己人生路上增添仇恨, 實在係笨得可以. 人家錯, 卻將報應堆在自己身上,不是跟自己過不去,就一定是腦麻痺~~
上天要我去受到考驗, 我會全力面對, 否則對唔住人亦愧對自己~
關心阿Q 的好友們, 阿Q實在感激, 有您們一眾的關心祝福,阿Q無以為報.
日日夜夜咀咒阿Q的(XDDDD),我更多謝您地~因為您地0既存在,令我看多了人生黑暗面,更珍惜現在擁有的一切.亦慶幸一早看清您們的真面目,令我走得快好世界~ 感謝感謝~
愛我的,討厭我的, 阿Q都排名不分先後送上祝福~ :)

上海狂食之旅有感

上次到上海,除左好開心咁同好友過左幾日之外,仲對於食地方菜多左一番感受.
好多時大家都響度討論係唔係正宗正統0既時候,其實有無想過"正宗正統"何來?
正宗正統的地方菜, 真係食得落香港人的口嘛? (我叫你食正宗潮州野,你會想去死囉~~~)
正宗正統,我覺得都係因為時移勢易,地方文化有變,正宗傳統亦會偏離了原本. 在阿Q自己來說,我願意去試正宗傳統,但未必會欣賞,更唔一定會推介.......口味人人不同,更唔可以話人地0既唔好,自己0既係最好~
有朋友話: 你食0個D 都唔係正統上海菜.
Q覺得, 我從無講過我食0個D係正統上海/地方菜, 我只係話我去上海食左呢D野而已.
再問呢位朋友: 何謂正統呀? 我唔曉呀~~
朋友話: 醉蟹,肘子,馬蘭頭....呢D咪係囉, 我見你一樣都無食過.
Q 無語.
人人心中都有一套自家正宗傳統的定義.在阿Q來講,正宗傳統因人而異,原料正宗? 手勢正宗? 又抑或係造菜的人心態正宗?
響上海食0既野, 大部份都係好友推介,值得響上海食0既野.
我從無覺得要"食過某D野,至算得上係食過正宗地方菜"
只會覺得, "響呢度同阿XX食過呢D野, 不枉此生" :)

過年喇,又開工喇~

要開工造果醬,造曲奇餅,造馬蹄糕.
天氣冷,我想造一D薑味的果醬,在寒冬中加一點點暖意~
曲奇餅呢一個課題會一直延伸到三月初,好友VERA婚禮才完結,我答應替她焗制綠茶雪球曲奇作回禮. 剛向ANDY SIR 報讀了我好喜歡的三款曲奇餅(古古力,紅茶及杏仁)課程,希望我可以學得好喇~~ :)
馬蹄糕,都是自家屋企食譜及用開的料,每次食馬蹄糕,就想起婆婆的手勢,以前婆婆總會在備料的時候留多十多粒馬蹄比我,因為我好中意食生馬蹄,一見婆婆蒸糕就會黐響廚房唔走..... 所以,"馬蹄糕情意結" 有的是太婆及婆婆的心思,阿娘的心機及我的回憶~~~
所以呢,我好多謝好友們的包容, 我好清楚阿Q整d既野食,一定唔會係最好食0既野,人上有人,天外有天,好過我0既大有人在.(而且好多都係情意結來.....唉~) 但各位都好比面咁食哂,我真係好多謝你地比咁多信心我. 希望我可以比心機日後整多D好野食比你地喇~~ :)