Q 花園 - 100% 完工

尋日送哂d草+ 果樹黎 , 大功告成 ~

買左一棵百香果, 仲有好多花苞 ~

長春籐 及 花碧榕

矮灌植物 3 盤


呢個月, 要買戶外桌椅 + BBQ 爐 ~

Q花園 - 夜冷淘到寶 ~~

放工時經過夜冷店,一隻隻素燒盤影入眼簾 , 血拚馬上展開 ~ 合共獻金一百五十個大洋 ~

好中意呢一隻盤0既粗糙感,好原始 ~一大一細都買哂 ~ 好重身 ~ 但大呢一隻0既內籠都只有10寸直徑 ~




唯一一隻有上釉有顏色0既裝飾品 ~ 大草菇一隻~~

呢隻茶壺好可愛 !!! 不過未想到用黎裝乜野 ~~



呢個好得意 ~ 我會用黎種長春籐, 掛響牆上好似個水壺倒水出黎喇 ~~




呢一隻細細隻咁,簡簡單單 ~ 用黎放黑骨芒好靚 ~



回家發現,心葉毯蘭開花了~~~ 好開心~ ^^

Q 花園 - 新成員

鐵海棠2盤 @$20.00


椰子葵種子 @$28.00


上星期買的太陽花都開左喇 ~~


自制堆肥箱
材料 :
發泡膠箱1隻(底部設一孔)

隔網一片 (防止泥土及肥料東西流走.)

膠喉咀一隻 (我用硬膠杯鋸去底部代替)



大約用途係會將泥/洗菜時摘下的菜梗及葉/枯葉/一層一層放,期間會分解而產生水份,將水份利用喉咀引出,用作澆花,而堆肥經過數個月的分解,便可成為堆肥用作農作物的肥料.

制成品 :

Q花園 - 二期工程

因為打風,所以送貨的事,遲了又遲,終於在星期六下午,快遞公司致電給我了~~時間剛剛好~ 拎左香草比某網友後,去麥當當買下午茶,然後驅車回家,貨都差不多到了.
人算不如天算 ..... 星期六做唔得幾多野,加上送來的長椅椅腳攪錯左 , 所以星期六數小時工作之後,都係無乜野睇. 長椅後的花架, 也是這一次買的 . 層板我全部再打多幾口鐵釘加固.


星期日喇 ~~ 一早去花墟飲早茶 , 行左一個圈買左少少野 ,之後去深水步買五金用品, 諗住返去開工喇 ....點知 .....
一返去撻左落床....訓到四點至起身......=___="""
努力努力做野之後...........
先睇整容前 :


放好所有木地板 , 然後發現自己又計錯數了......


唔理咁多 , 整左個空調罩先.


然後將第二行0既地板放去第一行 , 先做好及加固網片 及 地板, 做完都天黑囉 ......

今日日光日白影多張 ~


因為椅腳有問題, 所以聯絡了賣家,賣家馬上將對的椅腳寄出, 我另再買多2塊木地板, 一拚用快遞寄出, 3天內會收到. 因為今次沒有大件東西, 所以賣家可以直接寄來香港給我.
本來好心急,想去花墟買兩塊攪掂佢,但實在買唔落手 .... 人仔24蚊一塊, 同港紙108一塊 ....差咁遠,而家買2塊送埋上門,都係人仔133.
急不及待, 先把瓜菜都移到新做的花架去, 乖乖地快高長大喇 ~~

食乜Q - 聲哥懷舊菜

聲哥係新會人,所以就勾起條根去食佢0既家鄉菜~ 合和都真係迫人太甚,呢一度,又只可以做到8月底.
是次只係訂左一冬瓜盅,黑貓提議的陳皮醬燒骨,ENCORE的煎釀鯪魚,聲哥建議的炸鮮奶,台山鴛鴦菜,陳皮荷葉蒸唇腩.
聲哥D手勢如何,唔使我再講~ 睇相就知~

冬瓜盅 ( 聞到鮮味0既冬瓜盅!!!)


煎釀鯪魚

陳皮荷葉蒸唇腩 ( D魚好滑!!!)


台山鴛鴦菜


炸鮮奶 ( 你地無食過0既,真係... 唉 ~)


陳皮醬燒骨 (工夫多+繁複,但整塊腩骨都充斥著陳皮味)


桂花糕


是夜每人兩舊,因為訂十人份量,十二人到場,食得岩0岩好 ~~~
聲哥話 , 一有新地步,第一個一定通知我地!!!

劫後西貢

打風唔成三日雨,係0岩0既~ 打得成風, 第二日幾靚 ~
之後唔打字喇 ~ 睇相喇 ~




不過,比起家園盡毀0既蜜蜂,我地算好好彩喇 ~