八號風球種種

尋晚聽到貨櫃碼頭同內河碼頭都收工,都會有八成打得成喇 ~~
於是上淘寶網睇野,睇到成2點. 訓覺時覺得大夫好滾.
今早就知出事,發燒喇~喇喇林同佢去睇急症,雖然只係發燒,但體質同病歷問題,都等唔切佢個家庭醫生開門. 去左將軍澳醫院, 人不多,但因為唔係急症,所以都係要等一等.攪左一輪照埋心電圖,就去拎藥,然後出番省城.
上到省城屋企, 就要檢查所有窗,因為今次又係東北/東南風,仲要係八號波,所以有d位仲係有滲水問題.
我就上左去天台睇,因為一早已經將掛起0既重身花盤放左落地,同埋將所有高身植物向內放, 所以都無乜問題. 花架經左今日大考 ,合格喇 ~ 不枉我搵料問人攪成個月,朋友教 : 花架要通風 , 要頭輕腳重,戶外木板係最好選擇 , 將木地板用一字碼連埋,再將木網片碼實在木地板上,頂部四隻角要碼實,如斯下來,除非係龍捲風, 否則好難會吹得郁.所有野都連實哂,位置又得一面受風, 無落帳篷0既應該無問題.


因為大夫病, 所以中午同夜晚都係食粥,響西貢出省城時,去左街市買少少野.街市開檔地方唔多,買左免牛,蕃茄,潮州鹹菜,芫茜.下午食左粥, 夜晚就將免牛及芫茜加入下午煲好0既粥入面,咁又攪掂兩餐.
雖然今日係放左一日假,但好似仲忙過返工.