Q 花園 - 種植常識

因為經常到園藝網找資料, 都學到唔少野~
下種 :
1.按種子包上指示, 在合適的季節及月份下種
2.種子有不同培植發芽方法,要小心留意,要多泥少泥;泥蓋過種子,還是放在泥面上; 要不要泡水;要不要放黑暗地方.
3.坊間有不同大小育苗盤,或可利用2"-3"小花盤.
4.苗長高後即可定植 (約2-3星期) ,所以在下種的同時就要開始準備定植時的花盤/基肥.
5.種子有不同的質數,在出芽後,挑走弱小的苗,把資源都集中給強壯的苗.
6.苗盤底部出現根鬚,就可進行定植,把苗移到大盤中.
定植 :
1.在下種子的同時,已準備好日後移植的大盤.先放蛭石/輕石,泥,基肥,混合好的砂泥.基肥位置要小心量度,如用緩解肥的不要讓植物根部接觸到, 以免傷到根部而出現爛根.
2.將小盤中的苗連同泥一齊取出, 放入大盤中央位置, 將泥輕輕壓實.
3.充份澆水.
4.按植物不同需要(長葉/開花/結果)施肥 , 肥料放置地方亦有學問.
5.用的泥土亦有學問,塘泥,培養土,砂,珍珠石等等有不同用途.除某些特定植物外,疏水疏氣的泥土是大部份植物所需要的.
6.定植後亦有需要按植物生長情況/速度而考慮轉盤.如食用菠蘿,我睇書就知要轉成2-3次盤.
7.唔好貪心,一苗一盤.

跟住落黎0既,就唔係好識喇 ~如施肥,自制堆肥,殺虫常識,有機種植,各種繁殖方法等等,呢D都要慢慢學.

我仲有試其他0既繁殖方法如杆插,水浸出根,分株等等,成績未知.但絕對可以訓練耐性.

最近下的種子就有鼠尾草,甜羅勒,紫羅勒,檸檬羅勒,紫蘇,洋蔥,甜豆,金蕃茄,日本青瓜,紫色圓茄子. 羅勒,鼠尾草全都發芽了,金蕃茄質數參差,洋蔥都出根了. 青瓜及茄子就因為因為昨天才可種,所以未有野睇.

阿 Q 又好開心喇 ~~

心花怒放 ~~
^^

Q花園 - 火龍果

響公司附近0既店買,有果有枝 , 幫好友D買多一支 !
好似火柴頭 !!!XDDDDDDDDDDDDDD

又打風

今次明顯比上一次犀利 , 但都無十號波喎 ~~
前日放工後同大夫入左西貢的哂d貓出黎省城 , 去買埋麥當當至返屋企.
成晚都訓得唔好, 因為天台大廈水箱閂得度門唔好,成晚好似打仗咁嘭嘭聲.
訓到四點幾, 貓好嘈又有膠袋聲 .... 原來雞包"著"左個背心袋響身度暴走, 積響後面追, dog 見到又fee fee 聲 .... 起身同佢地攪完一輪,除番雞包件背心至再訓......
第二朝又要返工, 唉 ~
尋日放工後返返去西貢,奇蹟 !!! 比想像中好 ! 無傷亡無水漬無漏水!!! 不過因為天文台話仲會有狂風雷暴同驟雨,所以咋咋林清哂2邊天台0既垃圾 + 枯葉,清哂去水口垃圾.
最好笑係2棵木瓜樹,上次吹西北風 , 棵樹歪哂~ 今次東南風, 吹番正佢! 仲直過之前未打風時! 不過有2隻大木瓜跌左落黎 ......

人懂自重 , 他人必會重之

自己都唔尊重自己身份, 叫人地點尊重你? 說話反轉黎講, 有就話無 , 無就話有,最後自打咀巴 ,前後矛盾,不能自圓其說.
是日阿Q真係眼界大開.
一樣米真係養百樣人,如果養虫 ,會養得更多 ~ 所以世上如此多春虫虫.

阿Q的九形人格分析

結果係 516

五號：豐盛的簡約主義 - 儲備有限資源
五號所看到的世界就只有太多渴求，處處都是無窮無盡的要求和苛索，而自己所能付出的卻非常有限。他們相信要從這個無盡的苛索中自保，必須先擁有充足的資源，能夠自給自足。五號所指的資源，包括時間、空間、體力、知識及金錢。
在五號吸取最多資源的同時，他們會盡力阻止資源流失，包括避免與人接觸、逗留在私人空間、減少個人慾念，他們會思考付出的資源成本和可得到的回報的比例，會力圖擴大這個比例，形成一種貪婪的情緒；而他們會保持在一個觀察者的位置，與身邊的事物、甚至自己的情感抽離，從而減低被苛索的機會，在這充滿苛索的世界生存。

一號：標準的求正主義者 - 維護秩序與規律
一號所看見的世界是，如果所有人和事都符合他們內心的標準時，世界便會變得完美了；因此環繞著一號是一系列的標準，達到標準是應該的，人只可以做「正確」、「好」與「對」的行為，而進行一些低於標準，亦即「錯」、「差」或「壞」的行為，又或有此等衝動和慾望，則會受到審判和懲罰。
一號相信，透過成為最「正確」、去修正錯誤、及滿足自己「內在標準」的要求，才能生存，人生才會有價值。因此，對於自己及別人「錯」的行為、衝動或慾望，一號會在內心不斷發出類似「怎可以這樣？這樣是不對的！」說話去批評及表達內心的嬲怒，但同時又會內疚自己有這種憤怒的感覺，因為嬲怒也是「不應該」和「不對」的！


六號：忠誠的懷疑主義 - 穩守安全與挑戰不可預計的危機
六號所看到的世界都是充滿威脅和危機，所有事物都難以預測及難以肯定。基於這份感覺，他們會懷疑及探測所有人與事物背後的真正面目，從而取得一份凡事皆「可控制」的安全感。他們相信要建立人與人之間的信任是非常困難，為求保存生命於充滿危險的世界中，他們會選擇逃避、遠離這些危機，又或是面對、快速衝破那份危險。而要處理那份無處不在的危險，就得要有充裕的警備及預防。若他們選擇面對危險，他們會勇往直前，以即時行動去掩蓋不安情緒；若他們選擇逃避危險，他們則會透過向他們信任的人發問問題、搜集資料、進行分析，務求找出一個最好的方法去預防有任何危機出現。

加埋一齊就唔知點解, 不過樣樣都幾中 ~
有興趣0既朋友,可以去阿Q推介0既九形人格做問卷玩一玩 ~~

打風日子 - 提早收割

白瓜 及 通菜 , 聽日拎比阿娘食 ~~ ^^

又呵欠

-_-"
我真係無睇死佢 / 睇錯人架~
有一D人, 真係死性不改架.
男人老狗, 比八婆仲要煩.
唉 ~ 去變性罷啦 ~

又感恩

( 阿Q今早上班時在路上拍的照,只是野花一朵~送給各位好友)
今日與好友 VERA 談心想起以前剛認識時的種種, 至今大家都相識了差不多十年 (以後別說網上無真情呀~~)
每一個時期我都對朋友有唔同的感受,當香港經濟最低迷時,人人都遇到不同程度的難題. 但咬實牙關地人人都捱過去了.近年見朋友們都事事順境 (我眼見+覺得) ,我也真的很感恩.希望黎緊0既日子, 阿Q 的所有朋友都事事如意,心想事成.
朋友之間總要有緣份. 跟 VERA 說起時,腦中走出一個個的面孔,由十年前剛認識的一大堆朋友,好似比筲箕咁篩下篩下,只剩低我地呢一班一年仍會慣性地相聚幾次,無所不談的朋友. 緣份,絕對係好難得. 我也跟 VERA 說 : 有的時候盡量留住及珍惜,留不住的時候,也就不會後悔.(只是我個人想法, 也不是不重視朋友) 事實上,要走的留不住,要留的也趕不走.
近日公司發生的事,令我知道人的層次可以低得嚇人.今時今日,也沒有什麼可以令我動氣, 只要理解到, 有低層次的存在,才會有高質數的產生 ,氣就動不來 ; 再說,面對層次低的人及事,也要抱著同情心,去為對方背景想一想, 人也就不會動氣.
PS.以往我常提及,朋友為我做的事,我永遠都記得. 問題中心不是朋友們為阿Q作了什麼事,而在人人有煩惱的情況下仍不嫌煩地為阿Q著想及關心,才令我好生感動.這份福氣,阿Q真的是受不起.

雞包都係電視迷

一齊睇家好月圓大結局~仲係坐頭等 ~
**攝於中場廣告休息時段**

又係 : 家好月圓有感

星期日喜孜孜在家中收看大結局.當然最想看看壞蛋收場如何~
幫兇最後倒弋相向,指証主謀,看得大快人心.
就如自己的親生女,都要為阿媽贖罪,向母親 "騙"回股份,親手交還給受害人.

一直覺得,劇中紅姨去得太盡,只為一口氣(不為錢).若果見好就收,日後安樂日子大把有得佢過.愈黎愈過份之餘,身邊同謀自然會心寒 : 今日剃人頭 ,他日人亦剃其頭.於是,本來只差那麼一點點就成功的,就這樣捱不過去.

睇住紅姨將所有說話反過來說 :
1.將自己不是說成是人家不是,
2.明明係自己去跳樓講成係恩人去跳樓 ,
3.自己去搶人老公講成係人地黎搶佢老公 ,

睇下睇下,嘩 ~~~~ 真係好似某人 !!!! 我即時同大夫講 : 嘿 !!! 阿x 一定有好收場架!!
所以, 人在做,天在看,比人屈唔緊要,亦唔需要報復/反擊,因為始作俑者自己會行入去坑入面,我地唔好同佢一般見識.

中國食品又毒害人

究竟呢d人幾時至會醒 ? 而家終於害到自己0既下一代.
我一直唔買唔用中國食品就係咁解, 無可能發生0既野,都會響中國制品/食品入面出現 : 假雞蛋 ,毒牛奶.... 呢d一直被認為係營養豐富0既食物,經一經中國人的手,就變成毒物 .
以前屋企一直用開的珠江橋牌調味品,梅林牌罐頭,中國粉絲,米粉等等, 全部都棄用多年, 轉用李錦記,淘大或日本調味品 ,外國入口罐頭,台灣米粉等等.雖然其他品牌不能擔保一定無問題,但有質量監管至少會比較安心一點.付多一點去買安心,都是值得 ; 若然真的要中招 ,也心甘命底.
最近另一個習慣是在吉之島旗下的十蚊店購買日本制的食品 / 調味品.按容量大少當然是貴了一點.但 :
1. 容量少,二人家庭不用吃太久,不用過期.
2. 大部份食品都經日本厚生省檢証過,質量會多一點信心.當然,要出問題要回收的,至少會比政府的反應快.
3. 不少食品原產地都是日本,因中國加工品問題而衍生的毒物事件相對會少一點
4. 店家會不停轉賣其他工廠的同類產品,因長時間食問題食品食得過量而影響健康的機會會降低.

Q 花園 - 小花園近況

有好多朋友問起 , 所以貼下相 ~ ^^
因為仲係對種野響模索階段,而家好多野都係試試下.另外買左好多書黎屋企睇,包括 "日常家居堆肥活用百科" "栽種有機菜" 等等. 要有成績加上堆肥需時, 所以有好收成,應該要等到下年春天喇 .
近況就係咁喇~ 因為放工後都天黑喇~所以只拍到呢一d相.


種香草 (尤其係薄荷) 令我有番d信心. 另外也也烏咁種0既通菜 , 都生得好好!!

白色花架移左入小屋入面,加上小水池,應該可以改善一下室內太熱 / 乾的環境.

網友 chris 送我的太陽花,加上早兩天在十蚊店購入的小花盤.

暫時唯一似樣少少0既收成 :
白瓜仔~ ^^

插水鳥

聽到長輩W的內幕消息真係嚇一嚇....
睇黎今次好多人跳樓都唔掂.

又係水晶梨

發現阿娘個雪櫃入面有隻大水晶梨!!!! 比起我之前送比佢0既 ....
我好自卑呀0下羊太 !!!

阿姨手信 - Laura Ashley 環保袋

阿姨去日本送比我0既手信 ~
好中意 ~~~~

陳積積的 table dance

經濟又將會倒退 ?

油價下跌 , 但電油又唔減價.
金價上揚 , 但我唔捨得賣左D金佢.
傻仔們一直以為是中國奧運影響升跌,井底蛙呀~~
米國次按風暴 ,其實早在2年前已經開始出問題. 米國佬控制全球經濟著實是事實.問題是,唔貪就唔會貧.金融風暴最需要貪心的人去墊屍底,今日雷曼兄弟真的要關門的話,只是幫米國佬卸掉一個不想負擔的包袱.明天又會有"新"的雷曼兄弟上場.

以上0既野,影響我唔多. 其實我最想0既係:
經濟跌,物價都要跌,咁我煮餐飯都會平D.

羊太初會陳家三貓

而家逢係星期五六日,我地都會帶哂三貓出省城,等佢地慣下市區生活+環境.
星期日,我地邀請羊太來家中做節,於是造就左羊太同陳家貓0既第一次相會 !
以受羊太得竉度黎計 :
第一位 : 陳 .....DOGDOG !!! ( 出人意表 !)
陳狗狗小姐,出名好 SOCIAL ,朋友黎我地度,佢好多時都出黎迎賓, 但好多時佢都唔多好老皮.但羊太黎到時,佢條友仔儀態萬千咁出場,成舊雲咁飄出黎,羊太簡直係眼前一亮,加上係名種貓,加哂分喇 ~
全程陳狗狗小姐都無乜出錯,無抓傢俱無抓人無咬人,同平時根本就係兩個樣,羊太仲專登入房搵陳狗狗, 肆無忌憚咁摸佢頭頭+手手,佢都無反抗!!!! (証明左,貓都識睇形勢+擦鞋)

第二位 : 陳積積小朋友 ( SO FAR SO GOOD)
呢條友仔出黎見人時間唔多,但個樣都叫可愛,羊太都會望住佢笑. 大部份時間係"柄"響廁所浴缸+用浴簾遮頭.

第三位 : 陳雞包( 唉 ~ )
陳雞包個樣已輸左頭威(佢同成日入羊太屋攪攪陣0既野貓極似樣,羊太極討厭呢D"烏里單刀貓".)
羊太一入屋,陳雞包響度抓緊梳化椅 .... 衰埋, 尾陣都無埋 ~
個樣輸蝕 + 當場斷正 ~ 我都無野好講 ~

一年咁快又中秋

真係 .... 快活不知時日過囉 ~~
又到中秋喇 ,不過今年中秋極不爽, 熱到黐肺!!! 天台仔一滴風都無 ! 早知唔BBQ就咁大食會算喇 ~
今年學整月餅,於是買定料響迎月夜整月餅食~~ 整左一底比好友們品嘗後,我打比阿娘,睇下佢係唔係響舅公度打牌,於是做埋快遞 , 將一盤沙律同另一底奶皇月餅送埋上門比佢地當宵夜.
老爺0既工人阿思都有黎 bbq ~~ 仲幫我手做月餅呀~~ ^^

新鮮出爐0既奶皇月餅 , 真係好好味 !!



( 以上照片 , 鳴謝好友大R !)

下年目標 : 自制奶皇餡 ! ^^

朋友,祝你一切安好.

遇到唔開心0既事,人人都有獨家的處理方式.
所以, 朋友你知道有人關心著你就好,唔需要因為應酬人家而跑出來,期待事過境遷你再出山, 仍是充滿笑靨的一個天使 ~~
雖然只有寥寥數句, 但我放心了.

我愛水晶梨

我可以咩都唔食 , 一日三餐水晶梨 ~
今年水晶梨好貴呀~~~ 成廿蚊一隻.
但都買左 ~~
好味 !!!!

Q花園 - 小水池

買左金魚泵返來之後, 就試一下效果 , 都得喎 ~~~
大貓貓流水座放響屋仔入面,為植物增加一點水氣,希望芒類植物可以有D起色.




貝殼流水座就放左去屋企飯廳入面,仲考慮緊用唔用盤裝住佢好.

做節

羊太又搏命 ( 整 ) ~
我地又要搏命 ( 食 ) ~

了起條筋 , 想食 ......

仿彿隔住個芒都嗅到一陣鮮味.
還記得聲哥一句 : d 火鴨皮下欄野邊可以上檯比人食....

Q花園 - 夜冷淘到寶 之 二

大貝殼及整座流水器都是在夜冷店 "譚才記" 購入. 裝著大貝殼的盤子在宜家七折購入,大約70塊錢(就是愛這盤子殘殘舊舊的樣子)

今晚在 B&Q 購入的戶外桌椅都送來了. 明日又動工,花園仔又有新景象~讓星期六來 BBQ 的朋友有個歡愉晚上~~

是日家好月圓 有感

又一証明,人在做,天在看,好多野真係要還的.
劇中紅姨及嘉美,不停在人家背後做小動作,什至制造機會去奚落他人,最後得出的結果卻是出人意表.紅姨落得掟電話 / 手指襟云井+要食藥+頭痛, 嘉美就碌大眼+O咀,到最後一分鐘都唔相信自己真係比人揭發.
現實生活入面, 有好多事都係人不為己,天諸地滅. 但總要過得人過得自己. 我自己身處呢一間公司,近來不停出現無厘頭,唔LOGIC,什至可以叫做戇狗狗0既事,如果同電視劇相比,真係差九條街 ( 係我公司0既質數+層次太低,比人知我響度做真係肉鬼酸. ) 我地打工0既,只可以當時運低見鬼 ,唔可以放響心上.
另一方面,都要無時無刻提醒自己,千萬別像人家一樣,拎假黎丟,要識分莊閒,做人要上進,野係學唔哂,做人做事,係要對自己負責. 連自己都呃埋,成世人就係咁過, 翻唔到身架喇 ~
共勉之 ~~

皈依的前前後後

在領洗前及後, 我都經歷過同樣的事 ,但心情絕對是兩樣.
同是教友的,可能會比較明白我的心態 / 心路歷程. 但對於一些無神論者來說,他們怎都不會明白我的想法. 我不可以對這些朋友說 : 是神 / 天主 / 耶蘇幫左我云云 ......

當然,我的想法,又可能會跟別的教友不一樣.我比較現實,喜歡實在而有事實跟據的事情. 近半年來,我所覺得的是,無論人家對你做了什麼壞事都好,千萬別要以其人之道還自其人之身.人家作這樣的事,一定有其"原因" :性格使然 / 立心不良 / 無心之失. 但有一樣事是絕對的 : 作了什麼事,一定要付上代價. 然而就像中國有句說話 : 若然未見,只是時辰未到. 在徐錦堯神父不少演說中,聖經故事 / 道理,是跟佛家 / 儒家及不少中國傳統思想沒兩樣. 中國人愛說 "報應", 在我來說就為之"代價". 報應二字,總有點狠毒意味....

所以,今次事件,我無像上一次般的反應,什至說都沒有說一句給大夫聽.到了第二天,才跟好友A說說笑笑地交待整件事的過程. 再下來數天,我心情也沒有兩樣,也沒有心跳不安,更沒有情緒低落. 一星期過去了,我還覺得要多謝2位兩老闆 :
小的把我召進去問話, 令我可以交待清楚我對他倆兄弟分家/權力鬥爭根本沒興趣,他實在是看得這公司層次太高了. 給人家祝我長命百歲,我可真是無福消受. 我也沒有惱小老闆說出這話,因為佢要祝長命百歲的人,是說三道四的人,我無說三道四,所以根本無需介懷. 星期六打雷了,我也是照出門口走上街中.
最要緊的是,佢好清楚咁解釋左 "包底" 點解 ~ 春虫虫如我, 受教了~ (我聽左人地講好多年,都唔知點解)
大的不哼一句,令我可以清清楚楚說出我心中2句說話. 旁人可能覺得此二人不作聲是不應該 , 但我實在多謝他倆呀~~ 要是他們出聲,我可沒有那麼盡興 ~

我不能說,我領洗之後就可以如此轄達.但信仰著實可以令我在事情的另一端,另一角度再想. 我一直覺得很多人都將宗教"神話化", 令人覺得難以接受,難以解釋.但經過不少事之後,感覺上信仰只會令人清醒,重新思索事情的根本,檢討自己之後,再將是非黑白分得清清楚楚.

Le Creuset - 新點子

在 yahoo 搜尋中,打進 "le creuset煲仔飯" ,一大堆好建議/食譜就出來了.
買了一隻西洋人的鍋子做中國菜 , 很過癮~~

我記得第一次在 PANTRY MAGIC 中買到了一隻"仿LE CREUSET" 的生鐵南瓜鍋,就是不懂得用,東西都焦掉了...然後鍋子就淪為了廚房中的裝飾品. 在上過了孖人的廚藝課後,才知道自己用錯了方法.
在不少朋友 MSN/EMAIL 給我的食譜中,有用鍋子作麵包,煲仔飯,咖喱鍋,牛尾煲,焗飯等等.看得我喜孜孜的~~~

其實生鐵鍋子有不少牌子都是好東西來,只是 LE CREUSET 先聲(色)奪人,外形及顏色都殺死人~不能不買.
在太子大廈有一間叫什麼 " PAN HANDLER" 的店,有不少生鐵鍋子選擇.
在煤氣公司亦有一牌子 "STAUB" , 有一只青口鍋是我的最愛,像隻巨形青口.但因體積問題,實在不敢買.... 但真的很漂亮呀.... 金鐘西武店亦有專櫃.
要數經濟之選,當然是 ikea 的生鐵鍋子喇,大大的一只才$500 多塊錢,是 le creuset的1/5價錢呀.新近的顏色是寶藍色及藏青色~
其實,如果掌握到生鐵鍋子的使用方法及火候,什麼價錢的鍋子都是一樣.

小R的心得很有用~
http://blog.xuite.net/mouwou/blog/14564350

迎接新貨抵港

登登登 ~~~~~ 燒烤爐是也 ~~~~~
走遍新界香港九龍 , 終於無心插柳咁買到隻爐~~ 仲係響我從無想過0既Indigo買.
是次買到0既係一件 mark down product. 50% OFF , 一隻圓形0既有蓋大爐烤爐,盤底深,無咁易燒焦野~ 原價要成 $8xx , 而家4xx 就買到,全隻黑色,鋼水比市面普通紅色金屬更重身及實淨. 其實店內仍有其他選擇,有一隻氣體爐,大大座有側檯面板 + 轆 + 蓋,才$900,以市價黎講真係超值.但一想到氣體罐儲存問題,我就放棄了~
因為聚會人數問題,我地會再買多一隻長方形爐,亦即係平時用開呢一隻.用黎做串燒極正~
另外要去海港訂凍肉,去買炭/汽水/什食等等~~


** 相片後補 **

又黎開心事.

希望一切順利 ~ 趕及下年開花季節. 訂單已有,但過唔到 SGS , 乜都假~
SGS , 靈靈聖聖 ~
收到客0既EMAIL,其他野都好順利,表妹們上哂手,剛完成2單大制作都皆大歡喜,期望表妹們收到新0既回禮 SAMPLE 會更雀躍~

煮乜Q - 月餅

早前得萍果小姐通知,二德惠有脆皮月餅班,於是找到快要做人家小媳婦的素顏小姐一起去上課~
其實在早兩天,在太古城的日式百貨公司內,呆呆地站在 INNOTECH PROMOTION COUNTER 前, 看到推廣員手造了廿多個月餅,人家的手法及動作都先打了底.

因為擺了大烏龍,遲了十分鐘才到課室.失禮了~
攪了一大輪,出爐了 ~~~



還有禮盒哩 ~


一面做一面跟素顏小姐說笑,二人雞手鴨腳地攪一大輪, 還烏龍地連蛋汁差點都沒有下......另因為月餅模子本身的花紋角度問題, 所以,打模出來的月餅都有點兒.... 缺憾 ~
不過焗出來之後, 也不太覺眼呀~~ 相中有深有淺的顏色, 分別是我的 (只上2次蛋汁)及素顏小姐的 (上了三次蛋汁) , 馬上見到了分別 ~ 我以後都要上三次 ~
下課以後,馬上回娘家去,阿娘比面地吃了一整隻~然後又留下了2隻 ~
大夫來接我,我上車後馬上強塞了一隻入大夫口中 ~
準備再到店中買料,造一批棗蓉+松子仁 , 另外造一些芋蓉 (我可是名正言順的潮州妹呀~ 一定要做芋蓉月餅呀 )
後記 :
除了筆記之外,師傅額外的成功貼士 :
1. 牛油+糖粉打勻, 成牛油霜狀,勿打發過火變成白色 ,否則餅皮會起筋,焗起會龜裂 ,成品就不會好吃.
2. 用糖粉打發會比較色澤均勻及少黑斑 ; 沒有糖粉可以砂糖,但焗完會多點黑斑.
3. 加入吉士粉+麵粉+奶粉一起打發 , 加入蛋汁打至成麵糰即可停 , 過量打發會起筋.要知道有沒有起筋, 用手指按下麵糰凹下不會回彈代表成功.
4.麵糰及奶黃餡都不可以"搓" , 只可以用摺合方式,加上手部溫度將麵糰/餡揉至軟身. 否則會出哂油,出來的月餅就不會油潤.
5. 麵糰乾身,可加入少許牛油揉摺至柔軟.
6. 餡料中的蛋黃在出焗爐時噴上燒酒,可以令蛋燥腥味去除 及 表面不會黏糊糊
7. 同時有上下火的烤箱, 可以 200度烤焗10-12分鐘,以不超過15分鐘為限.
8. 只有上火 / 下火的烤箱,預熱時只開面火 220度, 不開底火. 到達溫度後,才開底火烤 6-8分鐘. 然後關掉底火, 開面火 210 度勌烤至餅面金啡黃即可.
9. 進爐前餅面塗三層蛋汁.
10.出爐後,以1:1 糖+水的糖水掃餅面. 就可造成脆皮效果.

樂 ~

阿Q 這兩天真的很高興,真的真的很高興 ~~
XDDDDDDDDDDDDDDDDDDDDDDDDD

正確使用煮食鍋

星期六的烹飪交流會, 最主要是給一眾敗哂身家比孖人牌0既客人,睇下何為之正確使用鍋具及廚具.
如我黎講,最近至夠膽用直火用響孖人鍋上,以前一直都係用電磁爐,獨沽一味係煲湯 ,蒸野. 炒野 / 煎野,唔敢呀~~ 千幾銀0既野,用到噹噹聲兼花面貓,好肉赤 !
睇完示範之後,明白左幾個道理 :
1. 火候
鍋具品質,同火候絕對有好大關係. 鍋具品質好存熱好,用的火路就不用太大.通常是中火,什至是小火已足夠.所以鍋底什少會燒焦 / 出現彩虹紋

2. 下油時間
示範0既哥哥仔,用左個好好0既方法去話比我地知,鍋具點為之 "夠熱".
開爐,燒中火30-40秒. 滴數滴水到鍋表面, 如:
A. "咋" 一聲燒乾水/起泡, 即係話未夠熱
B. 水滴落到鍋具表面,成走珠形態在鍋面滑行,即代表夠熱,可以下油.

3. 食物溫度
食物溫度亦有影響,在冰箱取出來的食材,要放上一段時間才可下鍋,以免因突然鍋子減低溫度而造成黐鑊.
在油下鍋後,見出現紋理及白煙, 就可以轉小火,下食材.

明白左呢3點,就可以大大減低煎爛野0既機會.

至於冷油冷鑊炒菜 ,程序如下:
1.不用開爐,下油
2.下菜, 帶有少許水份更佳
3.下蒜茸 (用李錦記)
4.開爐 , 蓋上鑊蓋,中小火煮.
5. 見蓋邊出現白煙+水蒸氣,嗅到蒜香味即可以打開鑊蓋,兜數下就可以上碟.

哥哥仔話,呢種試熱及落油方法 ,適用於所有不銹鋼及生鐵鍋具.

買乜Q - 血拚家品部 之 星期日篇

第二日,即係星期日,又去太古城喇~ 唔係我地癲成咁要日日去, 而係去柴灣探完 LULU , 去太古城飲茶,然後行街.
當我以為自己響前一日已經破"夠"財0既時候,又出事......
LE CREUSET 七折.
我成日同大夫講 , 如果要我買隻咁貴0既煲,我一定會買隻燉鍋,仲要係大大隻圓形呢D ......
由$26XX 變成 $1888 , 真係....
唔買唔得. 於是好似做賊咁,去比錢,CHECK 貨,仲唔敢拎走住,費事比老爺睇到牙牙聲.放左響孖人姐姐檔口入面,擇日取貨.
我買0既係橙紅色燉鍋.

** ( 照片摘自 www.lecreuset.com ) **

入去 Laura Ashley, 又跌 ....

** ( 照片摘自 www.lauraashley.com ) **

本來唔只呢隻雀,但我用唔同0既理由去說服自己 :
1. 好靚呀d鐘 !!!! ( 0車.... 鐘面都無 laura ashley 牌子0既.... )
2. 好靚呀個門牌 ( e ..... 自己油都得喇 .... 我有 strecil 呀~~ )
3. 好靚呀d布 ( 哼 ~~~~ 大花大葉 ..... 唔要~)

-____-"

買乜Q - 血拚家品部 之 星期六篇

星期六日, 都是極開心的日子,無憂無慮地到處走,當然,好容易會跌錢喇.
尤其是去太古城.
星期六,報了名參加孖人專櫃的烹調交流會. 買買埋埋一堆煲,唔敢用.你話點算 ~ 是次示範位哥仔教識左我點樣至可以煎魚煎到條魚響油入面跣黎跣去而唔會甩皮甩骨, 炒肉碎唔會黐鑊,冷鑊冷油點樣炒菜,點樣做蛋炒飯而唔會黐鑊兼有金包銀效果 , 乾燒焗蛋糕等等.
睇完野,老陳身痕,又買野喇 ~ 當我以為我可以免疫時,入到超市,失守(手)了....
巨蜂提子 @$149/盒 , 買 !
北海道手撕菠蘿 , 買 !
熱情果 , 買 !
movenpick 雪果葩 , 買 !
=___="
以上, 係第一日戰績.

呢幾日做左乜

好多野做 ~~~ 屋企執屋執野都執一大堆. 公司又多野做, 走出走入未停過.
當然,我都樂在其中. 至少,仲係真係有野做+識做野,唔係學人地咁, 楂住雞毛當令箭,以為拎住幾千銀petty cash同條 password key 就以為自己位高權重 , d危機意識真係低到無倫.

唔好講廢人.

身邊唔少朋友都經歷緊唔同0既事 :
細 winnie 今日入院,聽日細佬就出世喇 ;
某網友鼓起勇氣,同男友"分居" + 冷靜. 我覺得佢好理智,版內各人你一言我一語,佢都仲係好清楚自己心中所想.
尋日我地去柴灣探左 lulu , 咁就過左2年,時間過得好快.
上個星期整整7日,我都無返娘家;原因為老豆同阿娘攪到我左又唔係右又唔係, 咩都話即刻做 ...
"我要搬入去,今晚即刻就搬 ....." ( 入面乜都未有,搬入去做乜?)
"你即刻打去電話公司,要 xxxxx個 plan....." ( 十月至到期 , 而家去傾 ? )

一星期唔搵佢地,靜哂,無哂要求.