羊太初會陳家三貓

而家逢係星期五六日,我地都會帶哂三貓出省城,等佢地慣下市區生活+環境.
星期日,我地邀請羊太來家中做節,於是造就左羊太同陳家貓0既第一次相會 !
以受羊太得竉度黎計 :
第一位 : 陳 .....DOGDOG !!! ( 出人意表 !)
陳狗狗小姐,出名好 SOCIAL ,朋友黎我地度,佢好多時都出黎迎賓, 但好多時佢都唔多好老皮.但羊太黎到時,佢條友仔儀態萬千咁出場,成舊雲咁飄出黎,羊太簡直係眼前一亮,加上係名種貓,加哂分喇 ~
全程陳狗狗小姐都無乜出錯,無抓傢俱無抓人無咬人,同平時根本就係兩個樣,羊太仲專登入房搵陳狗狗, 肆無忌憚咁摸佢頭頭+手手,佢都無反抗!!!! (証明左,貓都識睇形勢+擦鞋)

第二位 : 陳積積小朋友 ( SO FAR SO GOOD)
呢條友仔出黎見人時間唔多,但個樣都叫可愛,羊太都會望住佢笑. 大部份時間係"柄"響廁所浴缸+用浴簾遮頭.

第三位 : 陳雞包( 唉 ~ )
陳雞包個樣已輸左頭威(佢同成日入羊太屋攪攪陣0既野貓極似樣,羊太極討厭呢D"烏里單刀貓".)
羊太一入屋,陳雞包響度抓緊梳化椅 .... 衰埋, 尾陣都無埋 ~
個樣輸蝕 + 當場斷正 ~ 我都無野好講 ~