買乜Q - 又係鐘

同大夫響將軍澳行街 , 睇到一個好靚0既鐘. 打左折之後 $384~~~
本來係響永安睇中左, 但太貴喇,要成千銀......

裝修Q - 磁磚

因為西貢舊居要重修,所以又要去裝修街度睇一下,拎番D UPDATE 資料.
最中意就係睇磁磚 ~ 因為磁磚係影響到間屋整個感覺最重要一環. 響裝修街出現左好多新店 , 走入其中一間,睇到一D幾歐州復古0既磚.

呢隻一副 1ft x 1 ft 0既石仔磚 , 有d似歐洲0既石仔路咁,心水係用黎做廁所牆 high light :


呢一隻係光身+令面0既馬賽克, 好似一d瓷器咁,因為鴛鴦色, 所以用黎做 highlight 亦唔錯 , 心水係用黎整廚房 :


呢一隻都係有鴛鴦色0既磚 , 另有作 high light 點綴用0既花磚, 呢個如果配合到, 想用黎裝修飯廳 :

種乜Q - 毯蘭

老爺拎過黎0既毯蘭 , 不知不覺地開花喇 ~~
我都係時候開始我個天台花園計劃 ~~
^^

煮乜Q - 梅酒近況 ( 未足2個月)

7/4/2008 浸 . 尋日睇開始變成琥珀色 ~~~~
因為每一樽0既用料/份量都唔同, 所以出黎0既野都唔同.
不過有好明顯分別就係 :

日本酒 , 極清無沉澱 , 梅亦無縮水


中國米酒 , 有沉澱 , 梅有D皺皮

盤栽

近來愛上種小盤栽 ~原來屋企有本"種子盤栽" 我都唔知~ 上星期搵左出黎,即刻跟黎做.
而家種左0既有日本柚子 ,蜜柚,小麥草,金錢樹,金線吊芙蓉.

食乜Q - 西瓜

早兩日買左隻兔子嘜小西瓜, $48/隻 .
西瓜只愛食馬來西亞瓜仲一定要係兔子嘜 !

馬來瓜有一陣清新西瓜香味,中國瓜就無喇.
馬來瓜0既甜味係清新0既,中國瓜係帶少少"澀"味
馬來瓜肉質爽脆, 中國瓜係軟身.
阿娘教落揀西瓜秘方,出事機會係少於5%
1. 瓜蒂要枯乾,所謂瓜熟蒂落,熟瓜至會好食.


2. 西瓜底0既點點位要細,原因不明


3. 手拍西瓜有回彈,証明瓜中心部份水份不多,起沙 / 吊囊機會大

長洲行

上一次去長洲 ,我想係十幾年前喇~今次去,只為見識一下一年一度的天主教聖母巡遊.
長洲是個華洋共處的好地方,中式有太平清醮,西式的,我想就是聖母巡遊吧~ 除左搶飽山之外, 聖母巡遊一樣有飄色睇哩 ~
今次同尤生尤太 ,好友萍果一齊去, 因為肥仔倫出差喇,所以無佢份.
我地響中環>長洲碼頭度等,住船入去. 同船有好多著左黃色衫0既人,有某堂區徽號的.於是, 全程我地都係跟住呢d黃衣人喇 ~
因為時間尚早,所以我地知道教堂地步之後,就去左 Maria 介紹的華威酒店內飲中茶,食點心.五個人食左八個點心+一炒河粉+一兜湯米粉, $275埋單!!!好好食 !!! 好抵 ~~~


以上只係一部份點心

呢籠叉燒包無可能會響市區酒樓出現 !!!!

呢一兜鍋米好多芫茜 ! 我係芫茜怪 ~~~ 狂喜呀~

呢碟係鯪魚球, 好鮮味同彈牙!

下午參加左一個講座及一個集體活動. 然後就參加聖母巡遊. 是次巡遊以頌思歌曲代替大鑼大鼓,以四位天使飄色代替神話角色.

但因為我地要響6:30之前出番去中環,所以行左一半就走左喇~
可恨地 :
無買平安包紀念品
無食螺絲薯片
無食大大粒魚蛋
無食串燒
無食茶果
無買野

替朋友高興

好友A公司運作方針有變 , 我第一次知道時,很替好友擔心,因為始終會有人事變動.
今日與好友一起到長洲參加宗教活動,在船上談起,一切安好之餘,好友的返工時間亦因此而更穩定.我聽到後,真的很替好友高興!!!
我以前也試過類似的轉變,分別在,是我轉了工作環境,而不是公司運作有變.
由日夜癲倒的生活,變成定時定候. 由日月無光,變成日出而作日入而息,感覺真是很好! 當年轉工後,我每一天放工就到超市鑽,買吃的喝的回家,讓看影碟/電視時有所寄托.星期六日的日子,可以睡到幾時就幾時 , 可以去做 GYM,可以約朋友,可以跟家人逛街. 最要緊的是,身體健康得多,因為過八不食, 所以身形亦瘦了很多.
衷心地希望,好友 A 日後健康,家庭,運氣都事事如意! 讓我們今天說過的旅行/渡假計劃慢慢成真 !!!

笑死我的貓頭鷹

好累好累

呢個星期, 過得好累 ........
若真的以生命來影響生命, 代價係唔係大左d 呢?
睇到d不知所謂0既野(救熊貓好過救人) ,我真係覺得, 如果只係想make some noise , 呢d人未免真係太無腦.
返工搭車睇住d學生打尖而面無懼色
響麥當當買野 ,d人比到執到錯哂
睇報紙見d人十幾歲為情自殺,為過癮去殺人殺貓
為左一己之慾去包二奶三奶四奶,置糟糠之妻於不顧

我有時真係想,出問題0既係我地呢一輩0既人,係響城市嘆慣食慣不知滿足0既人.
而唔係要一班四川農民去受苦囉 .

四日 ,96小時

好多希望,都變成失望 ,但亦有令人振奮的時候,經歷了百多小時被救出/發現,為傷者及施救者都同時打上一支強心針. 亦是傷者的鬥志,一直支持著一眾救援人員. 在一片頹圮敗瓦中, 大家都互相扶持.
幸運脫險的,在逃亡路上互相照應,一支水十多人分,有香港人在路上,一直被內地同胞照顧著,內地同胞只有數條小黃瓜,二話不說就把小黃瓜送給陌生的香港人吃.
這些都不是我們"心目中"的內地同胞.
香港是一片福地 , 近日的災禍令人們都反思 :
1.一直都身在福中不知福
2.一面倒認為內地人不事生產,只會到香港來討著數 ,爭居港權

自以為高人一等的香港人,在這天災之中,有多少真的有反思? 我們都不知道上天為何有這樣的安排,是不是以一個生命來影響另一個生命 ? 在另一邊廂的香港,一家人齊齊整整, 卻要吵鬧終日,孩子寧願在外面流連都不要回家. 天災令四川的家庭完全破裂,孩子沒了父母,父母再也見不到孩子,枉論要吵架,想見一面都是奢想.
事實上,在這數天,這天災真的令我們好好地反思自己的所言所行.

理性的宗教

好友萍果轉寄一篇徐錦堯神父的專訪,很有意思 .
http://www.cns.hk:89/ga/kjww/news/2007/06-15/957789.shtml
香港天主教神父徐錦堯：回歸十年宗教自由如往常
當中一段 :

三重身份不應忘

　　作為德高望重的神父，徐錦堯常常為信眾授課，有三項內容必不可少。“我的講義裏，天主教、中國文化和理性三者必須並存。”徐錦堯拿給記者一本他撰寫的名為《主日八分半》的教材，翻開一百八十篇中的每一篇，他都能以中國文化和社會科學與心理學等強調理性的學問，去解釋天主教的道理，並教人如何活出一個積極、快樂而有用的生命。

　　“教材中的天主教東西，為我們保留宗教的靈性特質；有中國文化，則保證我們是堂堂正正的中國人；有理性的思考，保證我們能與世界接軌。”徐錦堯認為香港的天主教徒應該具備這三點，而且應該具備“香港人、中國人、基督徒”三重身份。

　　“是香港人，所以我們不會移民；是中國人，因為我們的民族和文化的根都在中國；是基督徒，所以我們還有一個世界性的胸襟和視野。”

　　香港回歸祖國十週年，為了表達慶賀之意，公教教研中心將於七月一日當天在德貞中學做彌撒為祖國祈福。徐錦堯說，這是他們愛香港、愛祖國的方式。“假如人人愛國家、人人愛香港，中國內地和香港一定會越來越好。”
~ 完 ~

一個理性的宗教,會令人投入生活,與現實相融. 不食人間煙火,已經不再浪漫.
心胸廣闊,接納其他事物,其他宗教, 更加係一個人 (我意思係非教徒)基本需要有的胸襟. 身為教徒,接受不了新事物,一味在硬啃聖經經文, 是枉費了自己時間,消耗了生命.

煮乜Q - 冬瓜粉絲煲

冬瓜半斤去皮切小塊
粉絲一扎剪短浸軟
蝦乾10隻 洗淨浸軟 / 冬菇5隻切絲(冬菇水留用)
云腿一小片切碎
雞湯1.5杯

倒埋一齊煮到冬瓜軟身入味 , 曼後洒上云腿粒即可
真係咁整架咋 ~
XDDDDDDDDDDDDDDDDDDDDDDD

天災人禍

近來實在是太多意外...
1/5 西貢大車禍, 十八人死亡
緬甸雨災
四川地震
還有無數家庭慘劇,支解案 ....

老豆曾有名言: 居安思危.
天災人禍避不了,唯有在日常生活中令自己的遺憾減到最少.以免有一日死亡就在眉睫,只可眼巴巴地乾睜眼,死不甘心. 在結婚時,我有想過自己有什麼遺憾,遺憾只有一個, 就是不能讓婆婆親自呷一口茶.
今天我再想, 都只是這一樣.
我自我慶幸,很多事都可以放開,同自己方法去令自己好過.以前很多事,過不了就是過不了,日子久了,很辛苦. 過不了又如何?日子難過還需過, 每一日太陽都會升起,月亮星辰都會隱藏在地球的另一邊 ,每一天都要面對現實.於是,我變成了 :
忘記應該忘記的,記住應該記住的
不關事的人和事,都不要放上心. 我見不少活生生例子,每一天早上帶著包袱出門,夜晚帶著比早上重一倍的包袱回家.每一天面上都寫著怨懟,苦惱.在我來說, 實在是荒謬到不得了.我想我爸媽把我帶來這世界,不是要我來拿包袱吧 ?
看過 lulu , Irene 活生生例子,我更知道人一生說長不長,說短亦不短.但鑽牛角足以毀了一生,不放不放仍需放, 有一天要走了,萬般帶不走,揹了好久的負擔也是帶不走......那....這麼多年,不是白揹了麼 ?

比面派對 - 婚宴

其實之前都寫過少少有關自己0既睇法.
可能我朋友不多, 婚宴也去得不多.但都是高興事嘛,加上是朋友,我都會好投入.我好喜歡看人家的成長片段 , 先別說關事不關事 , 無以前就沒有現在 . 人生大事,少不了生老病死,大喜日子,看看人家如何成長,也是窩心.
我想作為客人,應該把問號放在為什麼新人們挑什麼照片,有什麼意義之上. 而不是批評人家好看不好看,是不是晒命等等.作為主人家,應當有主家的風範;作為客人,亦應有客人的風度.
如果無心去人家婚宴,就唔好去.
如果只想炫耀自己婚宴, 亦唔好麻煩人家.
其實好怕人家將婚宴變成比面派對.那....親情友情那裡去了?
不是朋友,就不要監人乃後要人付人情給你補貼酒席 .與人家不熟, 就大方說句不去多謝邀請.
又要去又要鬧, 又要收又要嫌,說穿了,就是私心太重.

阿娘讚我耶 :p

煮野手勢開始似佢 ~
發達囉 ~~~ XDDDDDDDDDDDDDDDDDDDDDDDDD

煮乜Q - 肉碎白靈菇

(五人份量)
免治豬肉 - $20 ( 用醬油生粉及胡椒略醃 )
白靈菇 - $20 (切片後出水備用 )
芹菜 / 芫茜切碎
調味 :
蠔油,紹酒,糖,醬油,水

1.燒紅鑊下油,放豬肉炒熟及用鑊鏟壓成碎粒.
2.加入少許紹酒,再加入少許水, 再加入己出水的白靈菇片
3.轉小火略為炆煮
4.將調味拌勻後慢慢倒進豬肉汁內推成薄茨
5.洒下芫茜 / 芹菜碎,關火即可上碟

* 呢個菜好好送飯 ~ 湯汁多少可隨自己中意.

再母親節

今日正日,阿娘為怕同襯家們爭 / 撞日子,通常都會好識做地唔會搵我地.
但我同大夫出去茶記食 bunch 時,就撞正阿娘0既一大班好友~原來佢地都約左阿娘打牌,不過未夠鐘,佢地去食d野行下街~ 於是我打電話比阿娘,叫佢今晚打完牌黎我度食飯 ~
我食完野,上左屋企搵阿娘,阿娘好開心地 show 個手袋比我睇,佢好開心呀~另外阿姨都為佢揀左一隻celine手袋.個花都係 classic signature logo print, 阿娘用開0個d款.
下午同大夫出左去砵蘭街睇裝修料,睇下係乜野價位. 因為西貢舊屋0既漏水問題愈黎愈緊要,所以都要的起心肝整好佢.大約會響年底,乾燥一點的日子才開工.睇完料就返九龍城買菜; 是日媽媽節,所有野都貴左又唔靚....好辛苦咁買到條細鱗同一斤芥蘭仔,咁就無左成80蚊 ..... 另外買左d燒味加料,買左阿娘中意食0既提子同山竹, 才打道回府.

今年母親節,係我第一年煮野比佢食0既母親節呀~

母親節

我家對於慶祝母親節, 都是好隨意.因為本來每一日都是母親節,所以,那用專程在五月第二個星期日來慶祝 ?
話雖如此, 乜都唔做, 為娘的始終有點戚戚然~~人家問起,很難交待 (即係晒命耶) ~~~
於是,星期四放工後,一行數人就開車入元朗食泰菜 ~
細佬及弟婦介紹,元朗劇院側的 mint 薄荷葉泰菜.
我地拎左支紅酒去,因為細佬之前幫襯過,免左開瓶費~5個人 $768埋單~
所有食物上都有韭菜花及薄荷葉裝飾.


泰式蝦刺身 _ 新鮮好食 ~~~ 金寶0既行埋一邊~


芥蘭苗 - 用豆醬炒 , 好正 ~~


春卷 - 幾得意 ~ 味道好 ~~ 加入檸檬葉絲, 有驚喜, 一定要即食~


串燒


柚子沙律 - 好多菜太生 ,唔0岩我口味.我比較中意九龍城金蘭花0既柚子沙律.

唔知咩鴨 - ......賣相 .....好似條頸打左結咁.....我唔喜鴨, 食少少 OK 喇 ~~


咖喱蟹伴油酥餅 - 普通喇 ~~ 不過不失



蝦醬炒飯 - 賣相精細 + 有心思, 青木瓜絲帶起成個炒飯0既鮮味 ~


放在飯頂的是炸魔鬼魚邊, 即係炒魚皮~~香口得有點像以前戲院門前的煨魷魚 ~~



飯後走過去食 b仔涼粉~~阿娘狂喜話抵食~~ @$57.00 / 兜, 5個人食完仲要打包~~


最後,一個 coach 手袋為羊太2008年母親節劃上了句號 ~~
( 相片取自 coach 網頁 )

奇蹟

今日慕道班其中一個話題 , 係奇蹟.
響宗教角度,有神蹟與奇蹟之分. 神蹟,係由無變有,突發的, 對我地黎講,係無乜野意義.奇蹟,可能會發生響任何人身上.正所謂,"世事無絕對".
我一向討厭任何宗教將所有事神蹟/奇蹟化,將一樣野化身到無所不能,叮噹一樣.更怕人家將某些事當作奇蹟什至神蹟化,沒殺了其他人及事 (如坐飛機被upgrade都當係奇蹟一樣....=__="")
個人來說,係唔係奇蹟,好個人及主觀呀~~當自己鑽左牛角尖,而事情只係順水推舟而得出一個結果,你突然從牛角尖中開竅, 都可以當成為一個奇蹟. 奇蹟 , 我覺得只係一個感覺,而呢一種感覺,可以催化當事人去反思去檢討,令自己去明白,事情有好多個可能性,有好多角度.鑽牛角好易令人離開正路,走向極端.
不少好友都聽過我老豆以"人民科學" 去分析五餅二魚的故事,無論著眼點在神蹟,定係事實. 最終,令人知道分享及施比受更有福的道理, 才是呢一個故仔的終極目標. 係五個餅定係五十個餅, 幾多個人食, 還重要嗎 ?
當懷有一個感恩的心,去面對所有人及事,就會有奇蹟.

是日迷思

係你想我想得太複雜 , 定係你本身就係個麻煩人?
經歷會令人成長. 好明顯, 你唔係~

近況

好多野想,好多野做,好多野要處理.
所以, 很多事都提不上心.提不上心找朋友,提不上心做家務, 提不上心寫blog.
老闆下星期起出差3星期,希望我可以用呢一段時間調較好心情.
各位好友,謝謝諒解.
PS. 尤其是對 ethel,真的很抱歉.你回來這麼久日子我都未有找你,我準備好心情馬上會找你.近來心情確實是很複雜,希望得你諒解.

阿娘手勢 - 九制甘草梅

我阿娘 ,乜都識整, 今次勁到呀.....醃制甘草梅 !!!!!!!!!!!!
材料有甘草冰糖陳皮青梅等等 , 青梅制法都是不離 : 去溼 > 陰乾> 洒鹽 .另加上阿娘幾廿擔心機的四十年陳皮+甘草煮冰糖水 , 再將制過的青梅放入浸漬 .


今日試左一粒,雖然不及街上賣的啖啖肉. 自家制的核較大粒,肉就少.但味道一流,酸甜比例好,最要緊是,吃過後喉嚨有一股清潤感覺,絕不口乾,與市面上糖精貨色不能並論 ~~~

返左一星期工

工作量無左 2/3,好事也 ~~
我覺得我而家0既人工同工作量至成正比.不過因為無電腦用,好似呃緊人工咁.
新同事真係好幫忙,亦有傾有講.大家協議有唔開心唔中意就要講,唔好收埋,今日的事今天做.有乜講乜,唔好單單打打.
pk 的人都收歛左,至少唔會成日返黎響我面前行出行入.本來就應如此.
今日同通菜小姐(新同事) 分左工,大家負責部份工作,以免大家行番舊路.
今日亦係出糧的日子,同通菜出左去葵芳新都會食晏,我地去左和民,好愜意的一餐飯, 相約星期五到椰林閣食晏. 總之中午時一定要離開公司 ~~