Q。私廚房: 12月 2007

2007年12月28日

2007年12月27日

食乜Q - 23/12邊邊@HOME

同大夫響屋企打個簡邊~~~ ( 簡???? XDDDDDDDDD)
真係幾簡單,得三樣野 : 日本蟹腳 ,牛肉粒, 菜
一邊係蟹鍋湯底加京蔥 , 一邊係家樂牌濃湯寶.

日本急凍蟹腳 ~~ 呢度有一磅半左右.

肥牛粒 ! 無野好講 !! 愈食愈咀尖,真係唔知點算 !!!!

食乜Q - 23/12@TOWNGAS AVENUE

大夫於一星期前訂位,在23-12/2007 食一頓聖誕午餐~
頭盤 : 煙火雞沙律配金巴利汁 / 車打芝士焗原隻帶子(2隻)

我比左一件火雞大夫,大夫比隻帶子我,變左咁.....

湯 : 野菌忌廉湯

主菜 : 香煎原條龍利魚伴帶子配香檳牛油汁 / 炒馬利拉蜆扁麵配白酒忌廉汁
無龍利魚,轉左做 SEA BRASS

我比左D魚大夫,大夫個扁麵就變左咁.....
變身前 :

變身後 :

甜品 : 焗木瓜金寶配云呢拿意式雪糕
木瓜無左貓屎味 !!!!

節日曲奇配咖啡或茶
曲奇好硬 .....

餐包得一個狂喜餐包0既我極不爽 ~~

@$178/位 ,用匯豐銀行信用咭 / TOWNGAS AVENUE MEMBER CARD 會有九折.

買給自己的聖誕禮物

@$88.00 / 隻 TASTE 有售.
會用黎做燉蛋甜品,或冰鎮蕃茄 ~
SALES姐姐預告, 1月1日後 LE CREUSET 會漲價 10-15%

上兩次慕道班,曾提及呢個問題.
咩時候會令你想起有神可以打救你 ? 當然唔係你食好住好訓好嘆世界0既時候, 多數係不如意/唔開心0既時候.
其實 , 響呢d時候去各人傳教, 真係好易成功.
問題係 , 個 concept 對嘛 ? 我唔認同.
到左順境時, 又係走左去 / 無左件事, 咁無意思架喎~ 響人家順境時去傳教, 仲戇居 ~ 聽你講只係比面你.唔聽你講鬧到你一面屁 , 就真係自招.
我經常都話 , 宗教係一種精神,要對佢有感覺 ,至可以全心投入.宗教唔係層壓式推銷,多人經你信教就等於你工夫了得,宗教入面, 係無 TOP SALES. 好多教徒,認為自己活得比非教徒快活,認為非教徒生活不開心不如意 , 就是不信主的懲罰, 心態如此,如何覆行作為一個信徒的生活信條 ?
上星期朋友A轉交了一份領洗文件給我,是伍執事轉交給我.有一份野要我寫,係慕道期的心路歷程.然後再見主教,詳談是否適合領洗,我是否100%願意, 我是否合資格可以做一個教徒; 我尚未有決定, 反正有時間,我再向執事了解一下再作打算.
之前有向我傳教的人,我拒絕你地,是因為你地對宗教及我都無尊重過.當日我唔需要宗教,係因為我無感覺.感覺唔係你講就會有,我唔中意自己呃自己,唔中意自我催眠,更加唔中意人云亦云. 如果你地唔承認, 就當你地說項工夫未到家之餘,更令人對宗教多了一重誤解.
今日我信教,係因為有感覺,就如執事向我講解過的 "聖召" . 呢個感覺並唔係響我最軟弱時出現,而係響我最清醒時出現.我好清楚自己響度做緊乜野,至少好清楚宗教不是避難所.

2007年12月26日

2007 聖誕大食會

一年一度朋友黎我度開餐0既大日子 ~~ 今年多左六位朋友黎~~ 所以有成廿人!!
菜單同上年一樣, 另加左一大堆自家制0既食物 !!!

鮮竹卷 : 餡料有冬菇,粟米仔,,椰菜,木耳絲,紅蘿蔔, 磨菇片,金菇(先出水),大量芫茜蔥.
先按次序放入材料炒香,加入蠔油及少許雞粉調味. 關火後才拌入芫茜蔥, 離鑊待涼.
是次我買左深水土步 "樹記" 的腐皮. 剪成八份後包入餡料卷好.
要食時才煎 ~~~~

雞翼
點解好食 ? 因為用左聲哥雞汁囉 ~~
再加大量二鍋頭及玫瑰露 !!!!!

烘麵包粒
呢個係睇左 amy 0既recipe之後做0既 ~~~ 有別於出面油炸貨色.
麵包切粒後入焗爐,用150度烘至脆透一期間要不斷撥動麵包粒.
將牛油 , 加埋蒜茸之後置鑊中開爐 , 融化及有香味時放入已烘透的麵包粒, 翻炒至麵包粒都索到牛油.
再置入焗爐內用 180 度烘至金黃色即可以食.
仲可以隨意加入喜愛的香草 ~~~