選舉

我無登記過做選民~ (幾無公民意識呀....要打靶喇 ~~)
講真的 , 我覺得選左出黎0既人,真係有做野0既,無手指0既都數得出. 臨近選舉就走出黎頻頻亮相,攪下旅行收買人心, 選完無論選到 / 選不到, 都會銷聲匿跡無哂影. 感覺上佢地都係為左議員津貼至咁 "為得人".
上個月0既選舉, 我推老豆去投票~因為係輪椅關係,所以好多地方/人都會幫忙;但投完票之後, 我就見識到d候選人有幾為得街坊喇 ~~
我地去到電梯門口 , 因為只得我同老豆2個人,所以我去按多一下制,等個門開多一段時間,再去推老豆入電梯.通常響呢d時候,附近有人時都會幫忙按住個電梯門; 當時附近有咩人呢? 咪就係幾件候選議員囉 ~
有無人幫忙呢? 無呀 ~~
有無反應呢 ? 都無呀 ~~
最衰格的是, 有一個最近電梯門0既, 擰歪面囉~~~ ( 我當時真係鬧左句 "咁仆街架" 出黎)
我所謂0既附近, 係三步路0既距離 ~
所以,響0個一刻開始,我唔覺得我唔登記做選民係好無歸屬感的事.

早兩日港島區的補選,我更覺騎呢 :
乜而家做到議員...好似做歡樂今宵咁? 飯碗舞????
兩位阿太,安生姐姐我覺得佢返官場,好似姣婆守唔到寡咁,好怕見到佢有一日會敗走官場,千年道行一朝喪.(我係幾中意佢架~)
孽瘤 , 經廿三條一役之後,我覺得佢好樣衰 ~ (想點0者? 政治智慧+反應都唔夠,仲要藐咀!!!)到今時今日,都唔去為當年d "愚孝" 向公眾交待立場, 就想人地投佢一票 ? 我仲記得當年五十萬人上街叫佢落台呀 ~
其他0既 , 有個連佢講乜我都聽唔清 ,有個成日話佢無錢攪宣傳, 有個就話選舉比人控制+籠斷.....
乜野人黎架? 無體育精神,凡事撒賴,遊戲規則大家一早好清楚,無人搵槍指住你去交按金架喎 ~~