潮州妹

我屋企係潮州人, 所以比人成日開口埋口叫我做潮州妹 ~~
我又無乜所謂喎 ~ 潮州妹唔好咩? 潮州妹刻苦耐勞,人人都話嫁人唔好嫁潮州人(大男人),娶老婆就一定要係潮州妹 (任勞任怨)~
大部份潮州人, 都係有情義0既人(李+成除外),不過響香港呢個時勢,好多人金錢至上,情義都扔到九宵雲外.
太子爺結婚在即,未來太子嫂都係潮州人, 因為屋企有突發事件,所以太子嫂響好多事上面都要重新步署,由聯婚變成男家迎親 ; 又因為早前與大老闆響表達同理解上出現問題, 所以響金錢觀念上出現分歧,作為準新抱 , 當然是有介心 ; 為免日後被人家說三道四,準新抱開出支票,將女家酒席全數退回未來老爺.
準老爺心情如何, 我唔知.
旁人就覺得唔0岩喇 ~~~ 認為女家酒席比左就比左,唔使退回,呢d係"理所當然".
準新抱有此一著, 我覺得合情合理.
某程度上,潮州人對於一d對自己及家人唔公平0既指控,係會咬實唔放,直至對方認衰 / 錯為止.
之但係如果冤枉好人, 潮州人亦樂意認衰 , 各對方賠個不是.
太子嫂是次事件,我自己亦曾經比夫家冤枉過 , 認為我是貪錢才嫁大夫,所以婚後,我堅持繼續工作賺錢,住在自己娘家, 不與夫家任何錢銀瓜葛拉上關係. 夫家兩老曾經試探地將物業加入我的名字,我斷然拒絕之後,更聲明婚前已向大夫聲明 , 婚後男家/丈夫所有錢銀/信用咭/物業與我全無關係,當日大夫答應我才下嫁 , 否則我會馬上離婚.
很多人話我蠢,因為男家很多事都是 "應份" 的.
係唔係應份, 當事人心中當然有定論, 我自己則認為,人家的錢與我無關, 夫家的錢是老爺多年來辛苦賺回來,要留,都是留給有血緣關係的兒女配偶, 而不是外人. 將心比己,我自己賺的錢,都不願意分給人家喇 ~

看官可以話潮州妹戇居+小心眼+計較, 但我們天性如此, 為自己及家人名譽慣左封後門, 真係死性不改~