自我放逐 之 終結篇

就咁過左三星期,訓夠陪夠想夠,就要返工喇 ~
心態已經唔同左,壓力無左一大截,工作能力回復八成,又可能有"通菜"幫我, 我擔子輕左好多. 最緊要係,而家唔再唔開心,對於d閒言閒語都無咁上心,反而有d可憐佢地,返工已經辛苦,仲要千方百計去要人難受, 好話唔好聽, 佢地都要好挖空心思至可以令我有反應,對於呢d人,我只有同情.
我想黎緊0既日子,我都係順其自然,累就請一下假,唔好咁投入,做個會令老闆珍惜的員工,好過盲目地做一隻牛搏老闆青睞.
聽著梅艷芳的 "般若波羅密多心經" 人好靜,好鬆弛.
生活本應如此.