Q 的非滋剋星

一星期打左2次邊爐加上自我放逐,換來一粒大非滋~
我由起非滋到復元,大約要5-7日, 最痛就會係第四- 五日,即係今日.
因為非滋生響口唇邊,所以成日都好似合唔埋口咁,食野飲野都好痛. 今晚響屋企執執下野,發現有盒余仁生0既龜苓膏 !!!
救~星~到~ !!!!!!!!!!!!!!
呢隻野係表姨介紹,食左之後非滋會極速好番,至少都唔會痛!!最緊要對我呢D體質0既人好有效, 所以我成日都會買一兩盒睇下門口~~今晚一見到,仲唔即刻拎黎食???!!
我響十二點左右開黎食. 而家係兩點,非滋已經唔痛!!!
我好怕西瓜霜 (都無西瓜味 !!) 搽鹽我又頂唔順 (會死架我 ~~) 我多數都係濕熱引起0既虛火,所以多數係舌尖 / 唇邊,食野都會痛到飛起.加上我體質不能寒又不能燥,呢隻龜苓膏亦比較溫和,所以我會幾推介比各位好友~~
余仁生精制龜苓膏 @$28.00 ,各大余仁生分店有售.
我買呢一隻係無加其他材料,尚有其他如 : 人參 / 靈芝 等等,價錢當然會有別喇
如果有朋友都有飛滋問題,都可以一試~