Q 花園 - 轉營

Q花園將會轉營Q菜園.
種花,都係得個睇字. 種菜就唔同, 又有得食,做得辛苦D都值得.
其實一直都有種瓜菜,但數量唔多,好多時種左出來, 淥個麵就OK,想食到一斤菜,都無得幾多次.
響園藝館溜了一段時間,好多農友教我好多知識,種出來成績愈來愈好. 至少,我唔需要響花墟買現成野返來,都可以自己用種子種得似模似樣.
早上個月起,我丟左好多花(種到半生不死 ) ,將D花架送比朋友 (花架只可放小盤栽,我種菜就變成無用之物)
成個天台即時吉左好多~
尋晚就用角鐵砌左一隻菜架.

類似菜架我已經有一隻,一直用緊好好用. 最緊要係,呢種檯面式種植, 對腰骨0既負擔同損害係最低0既.

而家砌多一隻,就會種多好多菜, 咁以後就可以長食長有喇 ~
下星期希望可以有時間,去到元朗買多3隻菜盤.