上海之旅 - 22/10/2010 Cafe Godiva@ 新天地

響MMBUND 無食甜品, 為的就係呢一餐~
其實早2日,我已經食過GODIVA 古古力~
(係萍果小姐親手造的~榮幸呀~  )


我前一日已經跟杯麵來過, 不過因為餐廳入面有function , 所以都係入唔到+食唔到, 於是今日再同萍果一齊去過 ~
來GODIVA前, “經過” 佳家湯包,又食一籠….. (多謝好友們知我心意~~陪我入去癲~~~ )
CAFÉ GODIVA 響新天地入面, 店內都係一貫白+深啡裝飾, 樓下係朱古力零售, 樓上係餐廳, 沿L 型樓梯上到樓上, 右手邊係餐廳所在, 左手邊就係甜品/ 蛋糕存放櫃 , 牆上仲有大大個的 Madam Godiva 燈箱裝飾.



一行三人, 響蛋糕櫃前面黏住唔走….. 蛋糕, 靚到好似件藝術品咁 ….. 最後極清醒的杯麵, 睇住時間做人, 的左我地2個埋檯坐, 叫左野食先……


我地每人都叫左一杯朱古力凍飲, 另加一件餅, 3個人就響係咁….埋沒左響朱古力”海”入面努力品嘗……
佢款款飲品都係一樣樣0既.... 影一杯就夠喇 ....


又唔記得係乜野蛋糕,伴碟0既係熱情果及香蕉~~ 好夾 ~~~


心太軟, 真係軟的, 不是流的~~


類似咖啡味的蛋糕~




以價位來講 (相比於香港),唔貴~我覺得什至可以叫做平. 飲品人仔36/杯,香港亦一樣,不過只可以TAKE OUT 無得比你坐. 蛋糕平均都係$35-40/件,正是坊間 TONY WONG 等等名店的價位. 有其他如朱古力火鍋等等 , 2-3人用才 $120人仔.
位處新天地+HEA 住嘆+有音樂, 仲想點呀?

上海之旅 - 22/10/2010 HERMES "縫製時間"展覽會

在趕往下一場的路上,經過呢個展覽會, 好奇之下, 就同杯麵萍果摏左入去.....
Hermes 比到我嘅係幾"貴族"0既感覺 : 馬...馬球服.... 細緻的皮具車工... 貴氣的茶具/餐具.. 奈何近年被標誌成 "某富豪的身邊女人專屬" ( 一笑~ )
呢個展覽場地係公開的~~~ 任何人都可以參觀~~ 一進門就有導賞員帶領,場內不準拍攝,加上趕時間, 我地就咁行入去自己睇.
場內展品多數係古董來, HERMES商標從歷史中走過的足跡,皮具形態演變, 真係令我呢個大鄉里大開眼界..... :
全皮制馬具, 緊身胸衣 (!!! 個杯位真係做到巧奪天工XDDDDDD,皮黎架大佬~~~ ) 萍果型手袋 ( 仲係翠綠色架) 仿似六神合體的行李箱....
現場仲有一位女師傅響度造kelly bag , 不過我睇左好幾次, 佢都係用一舊野響個手袋皮邊度磨磨下, 並無其他動作.... XDDDDDDD
因為時間關係, 我地要趕下一場,所以很快就離開了.... 臨行就取了一本展品介紹慢慢睇~
出左展館門口, 感覺好舒服, 無一點銅臭味,橙色的廣告宣傳與黃昏的天色令人感覺愜意非常.....心想如果呢個展覽係響香港展出,我會唔會有機會入到場睇呢?

好友通菜為我拍的照

我地係唔係好靚呢 ~~ XDDDDDDDDDDDDDDDDD

早前上過的烘焙課

呢d都是在 coup kitchen 學的.





呢d就係響elf 學,其實仲有ICING COOKIE , 不過實在好醜樣,唔好放出來.....





已經報左 WILTON 0既 CAKE DECO COURSE,期待中 ~

上海之行 - 午餐 @ Mr. & Mrs.Bund 22/10/2010

我呢個阿毛出城, 正所謂出外要靠朋友, 一見到杯麵同萍果講左去某地方食晏 , 萍果臉上發光, 我就知呢一間一定係好野來~ XDDDDDD

餐廳本身對住外灘海邊~光線充足令人精神抖擻~~我地叫嘅係商務午餐, 人仔兩舊水一位有兩個course (頭盤 / 甜品+主菜) ~ 兩舊半就可以有三個course (三樣齊哂) , 因為我地呢一日係狂食之日,往後仲另有安排,所以大家都係要頭盤+主菜) 人仔兩舊唔係平, 只不過,之前都係幾十蚊咁洗,而家來一個二百蚊, 都唔係好過份0者, 又唔係餐餐都係咁食.....
返黎講番食野~ XDDD
一坐低,就有麵包及多士等等小食...
唔 .... 真係好似...貓罐頭耶......



萍果要嘅係好中式嘅法式西餐. 我呢,就要左D穩陣野, 杯麵就要左D好骨子嘅野.
頭盤:

萍果的焗大蔥 – 好軟滑,無大蔥嘅辛辣味, 但蔥的香味留在喉頭久久不散.


杯麵的意式生牛肉片 – 又係阿Q的 “第一次” 食生牛肉 ~原來係好鮮味的~(當然係要靚野+新鮮喇) 我把沙律菜及醬汁包著牛肉一拼放入口中, 人間美味啊~



我的凍羅勒蕃茄清湯 – 呀~~~ 好靚! 無想過湯會咁樣!! Presentation 好中式, 湯中有一粒圓圓的冰粒,原來係有羅勒味道的冰, 湯有冰在中間浮沉,就可以保住溫度,羅勒味又可以慢慢釋放出來!另外,仲有一塊平時會被廚子棄掉的蕃茄核,響湯入面就好似一塊..... 雲~



主菜:
萍果的”袋蒸”黑鱈魚伴飯及 蕃茄沙律
魚放在耐熱膠袋中蒸焗, 保留到魚的鮮味唔會過老,濃濃的魚汁是精華,一點都不會浪費. 亦唔似一般粵式蒸魚,被倒汗水弄得水汪汪~





杯麵的烤焗豬腿伴火柴薯條及檸檬醬
豬腿肉外皮香脆惹味 , 肉質想不到的滑溜, 配檸檬醬好清新, 薯條好香入口又化, 正~




我的 慢煮三文魚伴菜沙拉
三文魚慢煮方式, 煮得剛好熟, 魚好鮮味, 沒有一般食肆弄得有油益味. 魚塊上有一片薑,一片檸檬皮, 一片紫羅勒葉 及一片蒜, 每一口魚肉夾配其中一片, 都有唔同滋味~~~ 好好食啊~ 菜沙拉不是一般的西式菜, 是:
底部舖了青豆泥, 荷蘭豆, 甜豆莢, 芥蘭梗(!) 青瓜片, 青蘆筍 …..



我睇到另一桌叫的菜, 實在好漂亮, 所以都拍下來了, 似係分子美食呢~~~

上海外灘行@22/10/2010

杯麵返左工, 萍果跟我約好左佢響和平飯店附近等~ 點解係和平飯店? 地標嘛~ 的士一定知道, 唔怕比人地唔知兜左我地去邊~
呢度係遊客區, 名店林立~
外灘比我感覺係奇怪 ,好"古董"但又CYBER (個塔囉...) , 新舊建築加埋人來人往, 我有少少FEEL 到當年舊上海會有幾繁華.…..




午飯後我地都響外灘游走 ,杯麵帶左我地去半島酒店後面街逛, 呢度偏離左遊客區, 無名店,無食肆, 好舒服的一條街 : 圓明園路 ~ 一列空置中的古舊建築群, 無時無刻提緊我 : 呢D就係舊上海嘅氣息~