在趕往下一場的路上,經過呢個展覽會, 好奇之下, 就同杯麵萍果摏左入去.....
Hermes 比到我嘅係幾"貴族"0既感覺 : 馬...馬球服.... 細緻的皮具車工... 貴氣的茶具/餐具.. 奈何近年被標誌成 "某富豪的身邊女人專屬" ( 一笑~ )
呢個展覽場地係公開的~~~ 任何人都可以參觀~~ 一進門就有導賞員帶領,場內不準拍攝,加上趕時間, 我地就咁行入去自己睇.
場內展品多數係古董來, HERMES商標從歷史中走過的足跡,皮具形態演變, 真係令我呢個大鄉里大開眼界..... :
全皮制馬具, 緊身胸衣 (!!! 個杯位真係做到巧奪天工XDDDDDD,皮黎架大佬~~~ ) 萍果型手袋 ( 仲係翠綠色架) 仿似六神合體的行李箱....
現場仲有一位女師傅響度造kelly bag , 不過我睇左好幾次, 佢都係用一舊野響個手袋皮邊度磨磨下, 並無其他動作.... XDDDDDDD
因為時間關係, 我地要趕下一場,所以很快就離開了.... 臨行就取了一本展品介紹慢慢睇~
出左展館門口, 感覺好舒服, 無一點銅臭味,橙色的廣告宣傳與黃昏的天色令人感覺愜意非常.....心想如果呢個展覽係響香港展出,我會唔會有機會入到場睇呢?
沒有留言:
張貼留言