上海之旅 – 地道美食 之 早點篇@21/10/2010

杯麵雖然係招呼我去佢度住, 但佢仍要返工的~
所以第二日一早, 響佢屋企隔離嘅學校一奏起國歌: 次賴~~ 次賴~~~ 次拉~~~~之後( 自動鬧鐘, 永無失拖~~ ) , 我就起身梳洗, 跟杯麵出門去~
杯麵又帶我去街市, 嘩~~ 有好多野食呀~~~ :P




杯麵同我去食呢一檔仔野, 好似薄餅~ (後來去LA CREPES 時睇到, 真係同法式薄餅差不多的~) 只賣3蚊人仔~ 喇喇林同杯麵買一條, 一人一半扯落肚, 好好食呀~~~ 有油炸鬼,芫茜,榨菜粒,甜麵醬,雞蛋, 一D都唔欺場 ! 啱哂我呢個芫茜怪~
















響第三日, 即係萍果來一齊住之後, 我又係一早跟杯麵出去, 又食多一次薄餅, 仲買多一條返去比萍果. 另外又去左買生煎飽, 4蚊人仔有5隻, 好多汁又熱辣辣 !
門口仲掛左阿發哥同一班人(店員?) 的合照, 証明發哥都愛生煎飽~~~ XDDDD






我買左呢堆早點之後,就返去杯麵屋企, 萍果仲未起身, 我又出過去行超市,買左D家品+調味料, 返到去屋企再叮番熱比萍果食, 相隔已是2小時, 仍係咁好食!!! 堅呀~~~
響萍果未起身時, 忍唔住解構左呢隻生煎飽.....