阿杯唔知係唔係人多得滯迫到暈暈地, 即刻響乜野方向都唔知 , 乜都唔理喇, 跳上的士至算.
一上左的士, 阿杯又回魂喇 ~ 教司機去我地下一站目的地: 佳家湯包 +鷹翔炒栗
落左的士後, 我地先去左呢一檔鷹翔栗子買炒栗, 佢有三款不同品種的栗 , 一人店前收錢, 一人炒栗, 卻有3-4人揀栗, 認真係揀手貨~~
我地只係買左五蚊人仔, 就有半袋用粗糙雞皮紙袋包住的栗子~~ 呢隻雞皮紙袋好有感情, 好耐以前響香港, 就係用呢D紙袋
我好中意同阿杯去掃街的, 因為阿杯唔會理咩環境, 食左至算~咁至食得開心~
2條友響街度就起勢咁咬, 卜卜聲之後, 又香又糯0既栗子好好食呀~ 佢唔係好大粒, 但好香好甜. 同香港嘅完全係2回事.
買完栗子 , 就去左佳家湯包.
好靜英英的一家店…. 人又唔多個, 點睇都唔似好好食 ( 黐線Q , 人多你又鬧,人少你又話…. )
價位? 自己睇喇~
因為一早講好左, 少食多餐, 所以我地2個都係叫左一客鮮肉小籠飽. 我八八卦睇下隔離檯 :
2位港佬 + 5籠小籠包 = 我汗顏ING ~ 唯有同杯麵卜卜聲偷偷地咬栗子等食飽~
飽來了~~~ 個樣無啥特別~
一放入口, 嘩~~~ 一個唔為意 , 都未經味蕾鑑別D湯就”沖”左落喉嚨 !!! 好彩無嗆到. 喇喇林食第二個, 真係好味呀~~~ 湯汁好鮮甜, 皮唔薄又唔厚, 剛剛好呢~~ 香港D SO CALL 小籠飽請靠邊站 ~
阿Q響呢一個旅程學識:見好就收~食到就夠~ 所以2條友食左一籠, 就好開心咁離開~~~ 將呢個咁美妙0既感覺定格響阿Q個腦入面~
** 後記:阿Q行左2條街之後, 喉嚨丁仲有鮮甜嘅肉湯 “餘韻” 認真唔講得笑~
沒有留言:
張貼留言