得萍果小姐及其blogger好朋友帶竭,我地是夜響朗豪酒店 lobby lounge 又再食過~~~ 事緣手上有即日到期的現金劵, 所以就本住食得唔好浪費, 使盡佢~~ 我唔識叫野食, 所以交哂比萍果同佢響上海做野嘅姑仔及杯麵楂主意~
酒店對面就係新天地~對住落地大玻璃,感覺好hea ~
大堂燈光時暗時明, 就係咁, 我無喇喇切左舊拖羅都唔知 (我完全唔知係乜來,以為係一件 paste / fish cake, 用支叉係咁啄落去 ~__~ 失禮哂…… )
(不過由此証明, 呢件拖羅, 真係嫩口又無渣~~ 唔係點可以比我用叉啄開一半 ?? XDDDD )
焗薯仔
賣相好靚呀~ 小小的一件~ 薯仔中間有一小孔,有D肉醬之類0既野響入面. 不過我覺得薯仔好似硬身左少少, 如果再軟身D我會中意D~
蒜茸蝦
金屬小鍋上,另有多士數片~~~ 茄汁底加好香蒜片~~ 頭盤一流, 食完會好開胃~~~
蕃茄羅勒凍湯 伴 麵包條
紅色的湯, 上面有一團忌廉加羅勒打成的小球,慢慢融化在湯中. 呢個係我第一個響上海飲嘅凍湯~ (後來仲有一餐都係飲蕃茄凍湯,但presentation 完全唔同的)
XXXXX 咩咩吞拿魚 乜乜乜 (開始唔記得D名…. 成日掛住食,無鬼用…..)
沙律菜,一堆醃菜…. 青芥末醬,加上兩件方型吞拿魚塊, 又造就左阿Q另一個”第一次” :
食 ~ 生 ~ 魚 ~~ ( OKOK , 即係食魚生~ )
其實好似之前咁講, 黑孖孖+眼朦朦睇唔清….. 不過, 食落又幾OK呀, 好得意嘅口感, 我實在講唔上食到鮮味/魚味/腥味~ 因為我根本未食過生嘅魚,又點可以話係D乜野味呢? 只可以話 ,口感好得意, 軟軟地, 食落唔討厭 / 反胃~ 知道係乜來之後, 都不會反感~ XDDDDDD
火腿牛角飽三文治
(其實D食物名好長…. 不過我真係無記住架….)
因為之前已經食過晚飯, 所以呢一樣我都無點食到~~~ 不過影相時覺得好香~~
甜品 – 萍果批及心太軟
樣樣試D ~~ 萍果批好香甜, 肉桂味不太重, 我喜~~~ 心太軟呢, OK 喇 ( VALRHONA 72% 朱古力), 咁平穩嘅野, 好少會出事嘅 ~
我地每一叫左一份熱飲, 萍果的姑仔飲左3杯香檳~因為有現金劵關係, 最後只係補番100蚊就起身走人~ 不過等埋單時期間有小插曲,侍應拎錯左單來,要我地找 14xx ~ 一睇張單, 都唔係我地食0既野....
佢嘅茶壺好得下~~~ 打直打斜一樣可愛~
茶壺入面入面有分隔位~
因為酒店係新開張, 人不太多 (聽講收費唔平呢~) , 紀念品店都未開張營業~
沒有留言:
張貼留言