版友心得 - 牆紙 DIY 事項

多謝 ROBOT 心得 !!

1. 牆紙膠漿好易用，有 d 開好晒既就咁塗上底就得，我用粉開水果隻就要跟比例開. 仲好方便，我用左兩個星期六晚就搞掂晒，最正係貼唔晒，只要捲返起 d 紙就搞掂，d 漿我用超市十蚊三個膠兜開好，未用完蓋返實，第二個星期加少少水又可以繼續用，weekdays 完全唔影晌正常運作，超 good！XDDDD

2. 如果我貼歪左, 可唔可以移番正位 ? 會唔會好快黐實左 / 快乾 ?
冇咁快乾，我紙底同櫃面都有上漿，之後貼埋，起碼半粒鐘先乾乾地，幾粒鐘就乾晒貼得好實。

3. 日後要搣番出黎, 係唔係會有漬 ? 再貼另一隻牆紙上去時,會唔會好多工夫 ?
如果要搣返出來，可以去五金舖買支水，話佢知要來起牆紙就得，抹左上去就好易起返。

4. 請問你用乜野上漿 ? 尼龍掃 / 排筆定係乜 ? 整左一半整唔哂 , 係唔係用水洗乾淨就可以 ? 用熱水定凍水 ? 我見買牆紙有埋刮刀送, 以你經驗呢, 呢D刮刀好定係窗刮好D ?牆紙粉可以響牆紙舖買埋架呵 ? 呢D膠漿易唔易清理 ? 唔小心整到地下 / 衫, 會唔會好麻煩/留漬 ?
上漿我用個櫃門甩出來既防火膠板,隨手界到大約手掌撐開咁闊，三至四吋高咁，最重要係岩自己手感，其實類似膠板，膠片都得，防水就得，上漿時薄薄地咁塗勻紙底，另外櫃要貼既地方都係薄薄地塗勻，對岩位就可以貼上去，之後用刮刀將多餘既空氣由中間推向邊，準備一條濕毛巾，抹走多餘膠漿，膠漿可以於未乾時用濕毛巾抹走，乾左就麻煩少少，所以最好一整完就抹乾淨。
牆紙粉可以晌牆紙舖買埋，開既時候係倒粉，再加水，初時搞勻 d 漿時會比較難，如果太杰就繼續逐少加水。

是日 DIY - 牆紙尾妙用

因為部份廳0既牆用左牆紙,所以有牆紙尾剩低. 以前羊太都會用牆紙尾黎墊櫃桶,但我咁喜呢一隻花,又點止用黎墊底 ......
我決定將整個衣櫃都用牆紙貼滿佢 !!!
當然技術上係有野要解決佢先,如角位/窿位點樣開至唔會突兀,頂部點做得平滑,對唔對花 , 點樣至可以盡量利用牆紙而不浪費等等.
我用0既材料, 就只係雙面膠紙 + 界刀+尺.

新居進度 - 傢俬 100% 到步

所有大型傢俱都送哂黎. 想不到我會響ornaments 度買左至少一半0既傢俱 :
梳化
茶几
角几
窗簾
椅套布藝
窗簾及其他布藝,將會在過年前送到及安裝.茶几及角几都是陳列品,Molly 以極底(抵)價連送貨賣比我地,真係好開心!!!雖說是陳列品,但都好新淨,在我黎講, 真係可遇不可求 ! 我走訪好多間店,想買全玻璃(強化)茶几,但得番黎0既回應唔係 "而家唔興喇..." 就係 "無人造架喇..." 再不就貴到癲,一張茶几要成$2500(B&Q)
而家我係用6成價錢就買2張心頭好 !!!

今日,我跟大夫到吉之島去,取回之前買落0既枕頭,然後再看看"福琭壽",最後就敲定要 :
PANASONIC 32" LCD 電視
PANASONIC 變頻式蓀氣烤焗微波爐
SANYO 電飯煲
個人覺得,無之前咁吸引喇,可能D野唔合我買喇 .....

後記

在我之後0既, 係好友A先生 ( 又稱和牛毒友A !!!!)
A先生在我眼中是一個腦袋轉得快得很的人,見識多表達能力亦高.最要緊是,對於鑑危辯析有佢一套.
上課時少不了大家會提出自己對某D信仰問題的睇法 / 疑問. A先生的非常另類,但又不失大方, 大家聽過之後都會同意多過反對.
當人人的會面時間是15分鐘時, 他見了30分鐘
期間A先生與副主席的聲音在房內仰揚頓挫,把我和大夫嚇到不得了,躲在門外差點沒有把耳朵貼在門上.就如之前我見識過A先生與BUFFET CLUB一役之後,我實在佩服他的耐性及談判技巧 ~~~
最後, A先生還從副主教處取了禮物哩 ~~~ ( XDDDDDDD )

與副主教一席話

昨日是與副主教面談的日子,接見時間大約是15分鐘左右.
比我早一點見副主教的是尤先生尤太太,我到達副主教辦公室時大約是 7:45 , 尤太太已接見完畢坐在外面,尤先生正在跟副主教面談.
尤太太比較緊張一點 ,表現得亦有點驚魂未定的樣子. 吧喇喇的就把話大大堆的說出來,攪到我好緊張.
尤生出來以後, 我就馬上入去喇 ~ 報上名來之後, 就開始喇 ~
我選的問題是有關七件聖事. 但..... 未講哂,副主教就要問我第二樣野.
仲係上堂未"明顯"講過, 答唔答到,就要睇下你細唔細心,有無平時留意導師的說話.
好明顯咁, 我衰哂,四個點只答中左一點.
原因係 : 我唔夠宏觀.
在與副主教一席話中,感受甚深.佢唔會好一擊即中地講得你明白,但會比你用自己個腦去想,佢會引導你一步一步去到問題中心,然後自己從中得到解答. 比起洗腦式的轟炸,好明顯呢一樣野比較合乎常理 ; 當然,接不接受,亦好睇個人. 我會覺得,至少有被尊重的感覺,相反我更尊重對方無盡的耐性.
時間過了 2/3,副主教問 : 仲有無乜野希望分享?
本來是來 "面試" " 考試" , 現在變成了分享.
最後副主教送比我0既係 : 要愛自己,否則點愛他人都無用.

股災

股災又來了 ~ 是次美國次按風暴蓆捲全球.
救市有用麼 ?
對我問題不大,我無投資亦不信股票市場. 這些都是大鱷的遊戲, 小股民就如蟻一樣,給大鱷一腳踏個稀巴爛.
長輩間的憂慮都成真,早在十一月,家人的投資都全數徹離.留下一大堆藍籌/實力/銀行股.然後,大市就在癲癲狂狂中過了一個多月,上星期開始不穩.當一眾傻仔傻女自以為聰明在溝貨時,卻不知一直在接無人要的蟹貨.
股票狂潮中一眾生相, 實在令人大開眼界.
對著一眾以為做足功課對大市睇通睇透而家卻拎住一大堆廢紙仲要死撐話執平貨的傻人, 我的心好涼 ~

家教 與 身教

以下文章謝謝好友貧僧先生 :

中 午 ， 忽 然 想 吃 燒 鴨 ， 於 是 走 進 一 家 快 餐 店 。 人 很 多 ，
我 只 好 「 搭 檯 」 。
同 坐 一 桌 的 ， 是 一 個 母 親 和 兩 個 孩 子 。 女 兒 六 歲 上 下 ，
結 馬 尾 ， 粉 紅 色 外 套 略 窄 ； 兒 子 的 年 紀 小 一 點 ， 一 雙 眼
睛 烏 溜 溜 ， 甚 討 人 歡 喜 ， 衣 服 卻 過 寬 。
只 見 那 位 母 親 正 把 一 碟 四 寶 飯 分 成 三 份 ； 所 謂 四 寶 ， 是
雞 翼 、 墨 魚 、 紅 腸 和 半 隻 鹹 蛋 。 母 親 分 得 並 不 平 均 ， 她
把 大 部 分 菜 給 了 兩 個 孩 子 ， 自 己 只 有 半 截 雞 翼 和 四 分 一
隻 鹹 蛋 。
兒 子 看 見 我 喝 檸 檬 可 樂 ， 大 嚷 ： 「 我 要 喝 汽 水 。 」
女 兒 顯 然 也 想 喝 ， 她 望 望 母 親 ， 母 親 有 點 為 難 。 女 兒 轉
身 對 弟 弟 說 ： 「 老 師 說 汽 水 無 益 ， 還 是 喝 清 水 吧 。 」
母 親 走 到 飲 品 部 ， 拿 了 兩 杯 熱 水 ， 和 聲 地 叮 囑 孩 子 ： 「
小 心 燙 口 ， 等 一 會 兒 才 喝 。 」
香 港 雖 叫 富 裕 ， 但 仍 有 不 少 家 庭 須 小 心 計 算 每 天 的 開 支 。
我 起 初 同 情 這 個 家 庭 ， 後 來 想 一 想 ， 便 不 再 為 兩 個 孩 子
擔 心 。
只 要 擁 有 一 個 慈 愛 的 母 親 ， 生 命 便 不 會 欠 缺 甚 麼 。 這 是
我 的 成 長 經 驗 。

文中的小朋友,都是我們口中的 "生性",為母親設想. 一家人,不就應該是這樣麼 ?

香港係一個物質主義社會,人與人之間離不開物質,階級. 小朋友成長時都面對不同程度的影響.
以前,我家大羊對我兩姊弟管教甚嚴. 我跟小羊可說是跟友儕都不一樣.當年我認為大羊就是一眾長輩所指的 "孤寒" . 可以買可以比,佢都唔會買唔會比, 就讓我在學校給同學笑老土及排擠. 兒時什少上館子進膳,因為大羊覺得外面食物味精多,色素多,不新鮮而且是宰人的價錢. 於是,雪條一律是紅豆味,下午茶一定是藍罐曲奇,汽水一律絕緣 .....
長大以後,認識多了朋友,了解到不同家庭的生活模式 ; 再下來,幾次的股災,令我知道有今天的生活並不是必然.
如果,當日我們是要風有風,要雨有雨,我家今天不會有安穩生活. 因為我不知道什麼是居安思危.
如果,當日父母都是生神仙,我今日不會多謝兩老. 因為我不會懂得感恩.
如果,當日父母過度溺縱,我不會有今日. 因為我會不懂自愛,沒有一副健康體格.
至少現在,我唔係一個生骨大頭菜,我不會怨人怨天怨地. 我知道什麼是承擔.
以前曾有朋友言談之間,提及父母極愛錫自己,但,個人感覺朋友極受保護,承受不了少許風雨,應變能力亦低.少許事情就要怨天怨地,哭鬧不已.
世事總會有不完美之處吧~

給食膠會計的信

阿膠小姐,
我對左你年半,大家只係君子之交.
最近阿膠小姐你0既反常, 我就當係你結婚在即,荷爾蒙失調加埋腎上腺激增. 所以我唔再同你講野.
我即將唔再同你做同事, 有D野都要點醒下你,唔好話一場同事唔過番D料比你.
1. 你自以為好理直氣壯0既野, 通常都會係無理人生死. 所以令到對方都唔會比面你.最終你會自食其果.
2. 你老闆做0既野係唔0岩,但佢請你返黎唔係去抽稱佢.你抽稱佢只可以話你夠膽,但唔係叻.
3. 你老闆心態係捉到賊就係好狗. 不過唔代表比飯你食係應份.所以佢唔會有好說話比你聽.
4. 呢個老闆唔受擦鞋仔,我亦從來都唔會擦佢鞋,因為唔會有收獲或著數. 誠實同承擔至可以令老闆對你改觀.(你衰邊瓣,自己知自己事喇 ~ 你老闆都知你係一個唔敢/肯承擔0既人. )
5. 對乜野人都好,唔該你為對方諗一諗至好講. 講出黎0既話,係撥出去0既水.呢一樣野,同樣適用於你同你奶奶身上. 事情有黑白之餘, 仲會有其他因素.唔係話道理響你0個度, 就可以乜都講得.
6. 我D野易唔易做,你自己都好清楚.我走左呢D野你都走唔甩.你千祈唔好出錯,錯一次,好多說話係會聽足十年.
7. 唔好學人炒股票喇,死左都未知咩事呀你.改左呢D心態, 好過你做神婆喇 ~

我同你之間0既野,我同肥佬講得清清楚楚,你地平時響度做乜, 我都講埋. 所以,如果你仲係想響呢度開開心心咁返工 ,唔該你自己檢討一下. 拎左人地人工,就比番足功課人地.

Office Manner

中學畢業後, 我都是在服務性行業( 還要輪班呢 )任職,因為不大喜歡寫字樓死死板坐著的工作.
有一天, 覺得可以在六時下班 , 回家吃飯後再捲曲在沙發上看電視的日子實在疏肝,於是就轉職做寫字樓.
第一天上班,都是陌生面孔陌生地方加上陌生規舉. 於是,我變左做一隻鵪鶉 ~
在前輩及部門阿頭指導下,一大堆寫字樓規舉就從當時存左入我腦入面.
1. 白紙黑字
寫字樓係不負責任的地方,白紙黑字就等於明哲保身
2. 無 "即刻"
唔關人地事,係你自己預唔夠時間,死左無人可憐. 99%野你要預 24小時 至有回覆.
3. 會計要口密
幾時出花紅雙糧炒魷請左咩人換老闆通通唔可以比人地知.
4. 善用文件 tray
與第一點 及 第二點有d關係 , 將查詢 / 跟進等等事宜以白紙黑字再放響人地個 tray 度 ,等人地覆.下下走去兜頭兜面問野即刻要人地覆 , 除左老細 , 無人有咁0既特權.當然,好朋友/ 工作上的戰友例外 .
5. 君子之交淡如水
某d公司入面, 同事之間係充滿挑戰及競爭,無野心還好, 有野心就會好複雜.所以要在公司入面有好朋友,除非係 "形"廣告公司喇 ~ 否則,大家以平常心去面對同事, 關係會長久及和諧一點.
6. 茶水部經理係全公司最大
得罪左佢, 要自己洗杯 ; 叮飯你一定係最後0個件 ; 檯都未必同你抹

可能性格使然,我覺得做每一件事都有呢一件事0既規舉.
開車,就有開車0既規舉 (唔係法例) ,在路上與其他的司機,一定會有溝通. 雖然大家響自己架車上面,但眼神/ 手勢就可以溝通 : 夾硬過左人線要舉手示意,人地讓你行先亦要回隻手比人.
簡單如食飯 , 都會叫人至食飯.
去朋友/親戚屋企,都會叫人.
禮多人不怪呀~~~

阿Q第一次睇中醫

尋日同大夫去左睇中醫 ~
朋友一聽到睇中醫, 就好關心咁問我係唔係有事; 各位有心喇,我無事,只係想調理下咁解. 人老左,又易累又唔夠精神, 加上返工又忙甚少煮飯 / 食住家飯, 所以響無事無幹情況之下,去睇下中醫,調理下身體而已.
呢個中醫係舅父0既朋友,響坪州有一所中醫館,佢出開黎香港區我地就可以約佢睇下. 尋日佢同太太出黎飲喜宴, 所以阿娘早響一月初就同我地約左日子.
昨日我十二點就出左旺角 , 同大夫行左一陣,去左大角咀食個晏,就搭左東涌線出左中環, 行去萬邦行. 中醫響大家樂度約左病人覆診, 係呀, 大家樂呀~ 當然,唔係齋坐的, 一眾人等都有買野食. 但因為把脈前,不適合進食以免混淆視聽, 所以我同大夫2個,因為買左野食, 一眾早過我地黎0既太太們都讓比我地睇先,真係好客氣,我打左尖 , 認真唔好意思.
中醫為我把脈,先把右手,先輕而後重,謂我腰骨有事(舊患),有肝火;再下來是左手,就話我腸胃濕,另外要介辣野 (呢輪飲好多酸辣湯),其他問題就無乜.
大夫呢? 心虛囉 ~~ 即係心比較弱,另腰虛 (缺少運動所致) 平時食得太鹹,要介芽菜,白蘿蔔,西瓜. 問題比想像中少 (外母湯水應記一功呀 ~~) 取得兩張藥方之後,包左兩封利是比醫師我地就走喇 ~
因為尋晚約左朋友打邊爐, 所以就將煲中藥0既事延到今晚至做.我同大夫藥方不同,飲法不同,服用時間次數亦不同.因為中醫其實係好個人化0既野,唔係人人一樣.選擇正正常常咁去睇,亦係想知道真真正正身體狀況.如果有病至去睇中醫,以現今病理同細菌利害程度,中醫學實際是招架不來 ,復元時間比較長而亦會出現太多變數.
黎緊日子,希望可以認認真真咁調理好身體喇,"身體髮枯,受之父母" ,亦唔好浪費左我老豆阿娘一直以黎為我打好0既健康底子.

新方案

1. 照舊決定
2. 返一半時間,唔會咁辛苦但又可以有自己時間.
3. 過年後停薪留職2個月,等班友知死.

講真,如果唔係伍氏父子,我真係理得佢死.
有d pk ,係死不足惜.今日,我覺得佢地已經死左一半囉 ~

心水几仔

今日剛到傢俱店攪埋D手尾,與店主夫婦都混熟了, 談得不亦樂乎~~
在上一次店主太太到新居度尺及拚布看效果時,提及他們會轉陳列品, 所有陳列品都會平價賣出.馬上想起店中有一張全玻璃的茶几,馬上就要定了 !!!
我在不少傢俱店問過 / 看過 , 店家不是說OUT DATE 就是說很貴所以不入貨. 因為新居客廳沙發及電視櫃距離有限,放茶几有大量限制因素. 我想爆了頭都未有頭緒. 想起一張全玻璃的可以令視覺效果有改善.
在店中,再找到另一張同系列的有滾輪小几,大夫馬上又敲定了要貨. 現在價錢是$1700 2件包送貨.
我在 B&Q 中亦見到一張全玻璃茶几,但 ....
1. 上闊下窄,我覺得一定會翻倒.
2. $2598 , 陳列品都要 $15XX .....

心水手工藝裝飾 - 木工花件

megabox spotlight 入手 , @$34.90 / 包 , 呢一款有四件工件.
用途好多, 可以黐上木櫃作裝飾,可以作木鐘面裝飾, 可以作木牌重點裝飾等等.
如果早3個月給我找到,我就不用對laura ashrey 傢俱咬牙切齒 ~

收成時候

有時 , 要有滿足感, 並不只於實質0既收獲之上.
我覺得 ,心靈上滿足,會更令我開心回味.
十二月中曾發生一件小事,除了驅散了數年來工作上的陰霾之外, 還為我今次的決定默默地舖了一條好路 .
這件小事, 我差不多都忘了,要不是當事人主動提及,我真的忘了. 當日我向對方作出的反應, 令到今日對方為我平反,令一眾牛鬼蛇神目瞪口呆 : 原來 Q 並不是可以用錢買自尊的人.
我經常向朋友說 : 女人要活得有骨氣,不可給人家看扁.
當到收成時候,就會知道那一刻是多麼的美妙.
EN : 記住我向你開出的期票.你跟你父親都是謙謙君子,所以我會為你倆開出一張無銀碼的期票.

放下包袱

我要打一場漂漂亮亮的仗 .
剛起步就有一個好的開始,我深信這一場仗,我一定是贏家.
今早看到一眾狐疑的臉 , 我笑了.
好戲在後頭哩 ~

承擔

響我問始做寫字樓工時,當時0既阿頭,要我首先學識乜野叫做承擔.
有責任感,至可以做到正常0既野出黎,好多不必要0既問題,都會因為人人識得承擔而免除左.
於是,我就響當時, 知道乜野叫承擔,乜野叫責任感.
當公司有一個無責任感0既人,其他人就要執佢手尾, 分擔一個無尾飛陀0既蘇州屎,然後,大夥兒的生產力變相下降, 最後影響成本效益.
更甚者,同事間所托非人,好事變成壞事,不負責任者令對方難受, 什至出了亂子之後置身事外.
最近我就係咁喇 ~~ 同事好心"分擔" 工作,做錯野之後,老闆入哂我數. 問題係,d野唔係我比同事做. 係老闆分比人地做 ,我無得揀.
有一日,老闆走出黎吠. 話我將一無人簽名的合約比左客,認為咁樣好唔0岩 :自己都唔承認合約,人地點會簽返黎?
老闆係0岩架 ~ 我都係咁認為, 所以,呢d野我又點會做?
最後搵出黎,係 "好心"同事0既好事. 但佢對呢d野,一句交待都無. 而家每一次老闆叫我做同一樣野,就會同我翻一輪舊帳. 當然 ,我無同老闆講 , 呢d野係 xxx 做. 因為我相信我當時0既反應舉動,老闆可能知道係邊一個做.
然後 , 因為另一樣緊急野,會影響老闆上廠同人講數傾生意的. 我響老闆上廠前一日至可以確認及整理到.我做哂所有工夫,希望公司入面唔好有人因為呢d咁緊急0既野而要開 OT 做野,另一方面亦同老闆解釋 ,希望佢唔要負責同事再重新做一份. 最後 ? 同事一句 : 你做乜要比佢呀?我唔 OT 架.
老闆話我 : 你D單要跟貼D,否則我唔夠料同廠講數.( OK !我承認呢一樣野係我0既責任,我應該要咁做)
同事話我 : 你做乜要比佢 , 做死我咩 ( 咁我死就可以? )
於是, 我一日之內食左死貓 , 仲要睇人面色.
對住呢一班人,我唔會再同佢地著想d乜. 我自己但求無過就算.
對住一堆唔識承擔0既人 , 我寧願做死都唔要佢地 "幫" ~

母女情

以前未結婚,硬係覺得阿娘好煩,好囉嗦.
籌備結婚時,至開始知阿娘點諗野.
結左婚有自己頭家,有夫家,要自己去面對問題,D諗法就開始好似阿娘.
我最後一次同阿娘頂咀 ,係籌備緊結婚時.我話 : 你都係做人新抱,你點解唔會同我想一下 ?
是次頂咀,為的是夫家人毫不尊重我家人.在某些事上面,我堅持不讓步. 我怕讓了步,對方會得寸進尺.
結婚後,一切事情都緩和下來,每一天,我都跟我阿娘談一兩次電話.
奶奶方面,始終不是自己親生娘,沒有得比較.
我的煮食習慣,好似阿娘 ;
我挑東西習慣,好似阿娘 ;
我對生活要求,好似阿娘 ;
以前總以為潮州妹無人錫, 在細佬結婚時發現原來唔係~
以前總以為阿娘咩都以兒子為中心,響大事上發現原來唔係~
以前總以為阿娘唔認同自己做法,響結婚後發現原來佢同老豆好欣賞我D忍耐力~
以前種種,我並無認為是白過 / 白做.沒有昨日,就唔會有今天. 人總要到某個時候,才會知道事情底蘊.
後悔麼 ? 不會喇 ~

口出狂言

最近身邊到處都有呢一d人.
有d可以為左自己利益就推你去死 ;
有一d,當左自己係救世者就將所有罪名卸左去,什至推去人地身上 ;
對住呢d人,我選擇遠離. keep far far away from them.
曾有朋友勸我, 你都係教徒,唔係要對佢地有d包容,寬恕咩 ?
好老實,作為教徒,先要守好本份~我自己脾氣尚要有待控制,邊得閒去點番醒人 ? 再者,呢類人都我係遠離佢當無識過佢地,點醒人呢d野,留番第二個賢能之士去做喇 ~
早前"高師謙神父"過身,享年超過一百歲,報導曾說,生活橫誇三世紀的高神父在熙篤會聖母神樂院 (又稱啞巴會) 內靜修,神父會士之間只靠手語溝通 說話不多.
活了這麼多年,我亦感受到, 聆聽比說話更有用.我表達能力不高, 所以我很多時候選擇不說話. 聆聽人家的說話,反覆思量人家意思,總比喋喋不休來得討好.
好友M 剛說出一句精句 :
傷害人的說話如潑出去的水...甚至如潑出去的火水,再點火!
好貼呀 !!!

好心唔怕做 ?

首先我聲明一句 : 人人價值觀唔同,唔可以同一而喻.
有心幫人,會唔會有乜野期望?
如 :
1. 人地隆而重之多謝你
2. 人地當你係再生父母
3. 人地永世都記得你點幫佢

其實,與其要怨人地唔多謝你,首先就可能係自己心態有問題; 出個心去幫人 , 點解要回報 ?
我個人認為唔需要. 再者,出得心去幫人地,唔會為左D乜野,只求作為人地朋友,家人 , 求個心安. 只求無負於人.
偏偏世上就有D咁0既人,當佢地掉番轉要人幫時,可能更老馮.
我自己經歷過,知道呢D人有幾惡頂.所以有人幫自己時,盡量做得都做.當自己無負於人時,日後出左乜野問題,我都仍可理直氣壯.
要幫人,就唔好怨.
要怨, 就唔好幫.
幫左人,最大0既回報就係對方開心.而其他因素,都唔應該列入計算之列.否則,你無資格去幫人.

wowowow ~~~

當年的我是多麼的正 ~~~
XDDDDDDDDDDDDDDDDDDDDD

Chick Bao on Mag!

XDDDDDDDDDDDDDDDDDD 又毛巾又枕頭, 唔係 MAXIM 唔通揀 TIME 咩 ~~~

JicJic on Mag!

XDDDDDDDDDDDDD 積好人樣下 ~~~~

DotDot on Mag !

咩事呀家下??????
XDDDDDDDDDDDDDD

健康

前文提及早幾日響老爺朋友家中作客. 席間有一位係醫生 ,聽到佢同唔同人0既對話之後,覺得自己好好彩.
老爺的朋友,自幼體弱多病,所以一直都是醫院常客;又因為不用擔心經濟問題, 所以事無大小,都會搵醫生解決.
頭痛 ? 食止痛藥~
肚痛 ? 食腸胃藥~
頭暈 ? 食暈浪丸~
老爺朋友有 "彈弓指",佢問醫生 :我食錯D乜野會咁? 有無藥可以食好?
醫生唯唯諾諾 , 講左一大埋英文藥名,又話要打針又要食藥 (偏偏無講物理治療), 但都無同佢講點解會咁.

我父母教落,健康係用時間及心機加經驗儲番黎,並唔係食藥食番黎.
響唔同時間就要食唔同0既食物, 正如衣服換季一樣. 唔適當地食野,令身體負擔大了,要不停適應及調節呢D外來因素的影響,健康自然會走下坡.如中國人經常提及 "時令靚湯" 就係響某D食物響最當造生長得最好時,亦是其營養保存得最好的時候,比人食落肚 , 人就自然可以吸收到營養,儲蓄到健康.
我在兒時體質唔差,都係因為父母唔會少少野就去睇醫生,除非發高燒不退,就一定會進醫院. 多數會檢討之前食過做過D乜野,再去解決問題 / 決定睇唔睇醫生,所以我自少好少食藥,要食, 都係中藥較多.
皮膚敏感? 會睇下著左件乜野衫,係唔係新衫,會唔會洗衣粉過唔淨 , 有無漫延跡象,有無其他附帶癥狀.
嘔 ? 之前食過D乜?有無跌過落地下,有無去玩D轉轉下0既機動遊戲,更什者,老豆會 "檢查" D 嘔吐物 ,去搵出原因.
我父母不是醫生,但佢地會用最簡單方法,響去見醫生前,搵多少少資料 / 原因,亦進一步減低醫生斷錯症的機會.
日常進食的食物亦不會胡來,老實說魚翅鮑魚燕窩等物,真係好少食.多數係豬牛雞肉, 加點菜,無鹽湯水,最要緊係新鮮. 在雪櫃內什少過夜食物. 我跟細佬食得最多係雪蛤膏 ,細佬自少體弱,所以食得比我多,佢0既氣管毛病較少,我就耐唔中都會唔多舒服.
中醫學有寒燥底之分,我阿娘亦會善加利用,避免我地食到一D對我地唔合適的食物. 於是過寒過燥都與我地無緣.
在新一年,希望各位朋友都身體健康 !

盧先生的環保

每天早上都會聽收音機 , 七時20分 至30分之間有一段時間,係由盧冠廷講環保.
聽左咁耐, 覺得環保就等於數字. 就好似佢支經典環保電筒一樣,要用手上下搖動唔知幾多百次至會有光.
e.g. :
如果用少一支鉛筆, 就可以種番xxxxx 棵樹 ....
於是 , 一大堆數字之後,我都唔知可以做d乜 / 用d乜野黎代替,去拎番 xxxxx 棵樹返黎.
更慘0既係,開始覺得環保係唔係有d小事化大 ( 我當然知道環境保護對將來有幾緊要喇 ~)

與其講一大堆數字,不過教下人,點樣去搵代替品,迎合番現時0既生活節奏,總好過好度猛講數字.

食乜Q - 芝士條

早兩日與老爺到朋友家中作客, 嚐到好好味的芝士甜品,問了詳情後, 就到祟光百貨地庫尋寶去.
我通常唔會理 "味道正唔正宗" , "用料係唔係一流 " 呢一D , 好食, 就係好食 ~
餅店名字叫 ISABELLA , 好像是台灣牌子, 推廣員說在九龍灣 MEGABOX 都有店.
是次我買了一見鍾情的咖啡味, 藍莓味及草莓味.
@HK$34.00 / 條

買乜Q -宜家枕頭套

老陳皮膚比較弱, 容易敏感 .
響宜家傢俬發現呢一隻枕頭套,對老陳皮膚有好好幫助, 減少接觸混合纖維而引致的皮膚過敏.

http://www.ikea.com/us/en/catalog/products/60080230

價錢 , 只係 HK$6.90 / 隻, 全棉.

老闆的禮物 - 風信子