大休數天

星期五夜晚開始訓....
星期六....
星期日....
星期一....

幾日都係訓到成身汗,開冷氣又凍, 唔開又熱 ....於是我就知道 ,又係八年一遇0既流感 ~
對上一次,係2000年4月. 當年阿娘真係好辛苦,要照顧做緊化療0既老豆 , 我最愛0既婆婆又過左身,我又大病一星期. 我阿娘都唔知理邊個好. 當年我收到婆婆過身消息 , 個人差唔多塌哂,燒到 102 度,返屋企食乜嘔乜. 病足成個星期.

今次,算好好囉 ......

訓左幾日,個人好番好多. 星期一睇多一次醫生,要食多一個療程0既抗生素.