Q。私廚房: 喵乜Q

顯示具有 喵乜Q 標籤的文章。顯示所有文章

2010年11月1日

上海之旅 – PR貓間場時間~~~

本來以為一路同開貓地們一齊訓, 應該都無問題, 於是第一晚下塌木子皇府, 就順理成張開住度睡房門等2位主子隨時候駕 ~
點知咁就瀨哂野…. (其實阿杯都有提過我…..叫我唔好搏的…)
實在忍唔住, 半夜就將2位大帝推左出房馬上關門~
事緣我一訓低, 木子豆先生就走上來…. 訓響我蓋左薄被嘅腳上面. 咁我會轉下身架嘛, 條友仔就起勢咁隔住張被係咁打我隻腳 (!!!!!!!!!!) 我家雞包/阿積,打2下就停架喇嘛 …… 呢位阿腥, 狂打唔停!!! 好唔容易至停手,我腳趾稍郁一郁, 佢又打過 !!!! =__=
另一邊木子麼麼小姐, 就響度摷野 + 跳黎跳去, 總之就嘈到你癲…..
佢地出左去之後, 終於有覺好訓~

2010年10月14日

陳積積

好一隻優閑的貓, 閒時愛看窗外景......

$%@#$&*()*(*)%#$#
PK仔你可唔可以唔好坐住我D野呀?????

2009年2月26日

喵乜Q - 阿Q的星媽夢 ~~~

媽 : 積呀積 , 你睇下人地阿正幾有型 ~~ 無頸架佢 ~~ 幾敦厚呀 ~~~
積 : ( 我無左頸九世喇,唔見你讚我 ??!! 挑 ~~~ 手指咬出唔咬入 )

媽 : 積呀積 , 你覺得點呀 ~~~ 去見下導演喇 ~~~ 話哂你又黃黃白白 , 阿正又黃黃白白 ,
可能可以比你做一兩集大茄喎 ~~~
積 : 阿媽你似推我去接客咁款喎 ~~ 我唔係雞, 我係貓 !!

媽 : 咁你去唔去0者 ????
積 : .......
媽 : 咁你都要有d表現比人睇下至得架 ~~ 做到大茄分分鐘可以做第一女角喎 ~~ 到時要魚魚有魚魚 , 要罐罐有罐罐 .....
積 : !!!!!!!!!!!!

啪 ~~~~~~~ ----> 阿積訓低0既聲 .....

繼續努力咁郁身郁世 .......

開始不支 ......

無鬼用 ...........

2008年9月23日

雞包都係電視迷

一齊睇家好月圓大結局~仲係坐頭等 ~
**攝於中場廣告休息時段**

2008年9月17日

陳積積的 table dance

2008年9月16日

羊太初會陳家三貓

而家逢係星期五六日,我地都會帶哂三貓出省城,等佢地慣下市區生活+環境.
星期日,我地邀請羊太來家中做節,於是造就左羊太同陳家貓0既第一次相會 !
以受羊太得竉度黎計 :
第一位 : 陳 .....DOGDOG !!! ( 出人意表 !)
陳狗狗小姐,出名好 SOCIAL ,朋友黎我地度,佢好多時都出黎迎賓, 但好多時佢都唔多好老皮.但羊太黎到時,佢條友仔儀態萬千咁出場,成舊雲咁飄出黎,羊太簡直係眼前一亮,加上係名種貓,加哂分喇 ~
全程陳狗狗小姐都無乜出錯,無抓傢俱無抓人無咬人,同平時根本就係兩個樣,羊太仲專登入房搵陳狗狗, 肆無忌憚咁摸佢頭頭+手手,佢都無反抗!!!! (証明左,貓都識睇形勢+擦鞋)

第二位 : 陳積積小朋友 ( SO FAR SO GOOD)
呢條友仔出黎見人時間唔多,但個樣都叫可愛,羊太都會望住佢笑. 大部份時間係"柄"響廁所浴缸+用浴簾遮頭.

第三位 : 陳雞包( 唉 ~ )
陳雞包個樣已輸左頭威(佢同成日入羊太屋攪攪陣0既野貓極似樣,羊太極討厭呢D"烏里單刀貓".)
羊太一入屋,陳雞包響度抓緊梳化椅 .... 衰埋, 尾陣都無埋 ~
個樣輸蝕 + 當場斷正 ~ 我都無野好講 ~

2008年2月5日

雙糧收獲 - 陳積積的米桶

早2個月前睇過, 好中意 !心想一出左雙糧就一定要買一隻~仲可以當椅坐 !
今日終於買左呢隻細0既~ $338.00

售賣地點 :
Aurom Home Deco
1. 奧海城一期 UG 層36號 D-F 舖 ( 大家樂側 )
TEL : 2880 9666
2. 將軍澳中心 G56號
TEL : 2267 8997