2014 月餅初發佈

今年, 我斥巨資買左兩套模. 係, 巨資~~~ 我無想過自己會比咁0既錢出去買2隻模.
朋友問 : 買得過嘛?
我話 : 你唔係一年造幾百隻月餅, 你就唔好買了.
但到最後, 罪過~~~ 人人都買了~~
因為實在太美了~~~
一如以往, 我會繼續做我的奶黃柚子月餅 .
然後, 再造我的招牌紫蕃薯月餅~ ( 見到給賊偷去開班賺錢, 我不爽~)
最後, 會研究新的月餅餡~ ( 要保持神秘, 要知道, 這年頭, 賊多的是~~)
先看看我的月餅模~~

再看看半制成品?

成品又如何了?

 

我決定今年要自私一點, 甚麼都不管不理, 專心做我的月餅去~~~ 

另眼相看的萍果批

一直以來都不喜歡食萍果批 :
肉桂味太重, 萍果餡太甜太爛, 酥皮太油但又唔香.
見到 Rachel's Kitchen 有萍果批及酥學, 樣子太吸引啦~~~ 一定要學 !!!

我做的法式萍果撻  

烘得平均 light brown , 很漂亮~~ 

這是阿SIR的DEMO  

酥皮萍果批, 造形很漂亮, 入面內餡是半隻的白酒萍果呀~~ 

多謝 RACHEL 老師 及 ROLF LAU 老師的指導, 會很快給您們交功課~~~ :)

學藝之路 - 交貨

由2009年開始, 我就去學烹飪, 學烘焙, 學蛋糕裝飾. 最大原因是貪吃, 卻又唔想比錢出去食, 所以寧願出去學. 自己再煮來食, 五年後的今日, 証實我沒有投資錯誤~
另一個原因是, 羊氏 / 劉氏家族的天賦 , 應該點都有一點點遺傳吧, 不可能到我呢一代就灰飛煙滅煙消雲散........
於是, 由一開始的羊三味 ( 炒菜+蒸排骨+罐頭粟米湯) 慢慢演變成日今日的煮飯Q , 跟不同的師傅學藝, 就愈學得多技巧及食材處理方法. 到上一年, 我開始挑戰一些我唔中意食0既野. 大部份都令自己對某D食物改觀及接受 , 如羊肉, 鴨腿等等. 有好多時, 我唔食某D野, 係因為處理得唔好, 食材優點未能發揮. 學藝之後, 才發現: 呀.... 原來係咁樣0既味道~~~
坊間有不少 workshop , 但師資卻很參差. 我好麻煩的...... :
1. 是非多多的, 唔去
2. 導師惡名遠播的, 唔去.
3. 無商業道義的, 經常惡意中傷同行的, 唔去.
4. 剛新立門戶的, 唔去.

所以, 有好多好似幾出名的, 我都無跟過佢地學野, 在我來講, 1-3項的, 有時間唔去做好 workshop 教好學生, 而去攪風攪雨, 不去也罷.
第4項, 剛成立的工作室, 好多事都未能 run in , 水準不定, 要睇定D有學生口脾的才好去. 我並非大富大貴, 所有錢都要付得合理, 才對得住自己.

在學藝之後, 我第一次請朋友到家中吃下午茶, 心頭可能太高了, 時間不足好多點心都做不到. 希望下次可以補番~~~

過年喇,又開工喇~

要開工造果醬,造曲奇餅,造馬蹄糕.
天氣冷,我想造一D薑味的果醬,在寒冬中加一點點暖意~
曲奇餅呢一個課題會一直延伸到三月初,好友VERA婚禮才完結,我答應替她焗制綠茶雪球曲奇作回禮. 剛向ANDY SIR 報讀了我好喜歡的三款曲奇餅(古古力,紅茶及杏仁)課程,希望我可以學得好喇~~ :)
馬蹄糕,都是自家屋企食譜及用開的料,每次食馬蹄糕,就想起婆婆的手勢,以前婆婆總會在備料的時候留多十多粒馬蹄比我,因為我好中意食生馬蹄,一見婆婆蒸糕就會黐響廚房唔走..... 所以,"馬蹄糕情意結" 有的是太婆及婆婆的心思,阿娘的心機及我的回憶~~~
所以呢,我好多謝好友們的包容, 我好清楚阿Q整d既野食,一定唔會係最好食0既野,人上有人,天外有天,好過我0既大有人在.(而且好多都係情意結來.....唉~) 但各位都好比面咁食哂,我真係好多謝你地比咁多信心我. 希望我可以比心機日後整多D好野食比你地喇~~ :)

阿Q 蛋糕裝飾課程畢業功課

講緊係WILTON 0既 CAKE DECORATION COURSE I .
之前三課學左不少唧花技術. 當然返到屋企都有練習一下. 第四課亦即係最後一課就要交一交功課了~將四課以來學到的,都放在自己的一手一腳做好的蛋糕上面.
一星期前我已經在試食譜,決定做一個朱古力蛋糕.試過味道及難度都可以, 於是就他他條咁想最後2天才做都未遲. 點知咁出事了 ....
星期六, 發現焗的蛋糕發唔起..... 於是想住星期日仲有一日時間, 應該可以攪得掂.
星期日上午去上過YVES KITCHEN的果醬班, 本來想著要返屋企,點知比陳生捉左去會所同親戚聚會寒暄 (仲有時間寒暄 .....) 一個唔該,無左2粒半鐘......
返到屋企,又話6點要同阿老爺食飯( -__-"") 我知佢地習慣, 食完飯仲要睇埋免費報紙, 無八點走唔到.....
又無多2粒半鐘.
( 五粒鐘, 我可以做好多野喇.)
返到屋企八點七,開始整餅, 愈整愈衰...陣腳大亂...個人開始唔舒服.
最後都焗到d餅出來, 然後一大堆其他問題,令到我頭爆咁滯. 最後2點至去訓.
第二日一早,頭痛+聲沙+喉痛, 頂住咁返工.下午請假去睇醫生打針食藥,然後返屋企抆埋個蛋糕佢,無理由最後一課上唔到. 一切整好哂之後,出門已係5:30 , 無可能坐地鐵了....: 一大袋工具+cream, 一隻8"x4"蛋糕...仲去坐地鐵, 個蛋糕一定無梗.
剛焗好的蛋糕

用1巨型唧咀初步抆好左個餅


最後花左1個鐘15分鐘去到中環, 無食野就上堂.
雖然我知道阿sir會幫我地執一執....令我地有一個好好+好靚0既蛋糕.但,講好係自己親力親為,無可能旨意他人架.最後, 阿sir幫我抆好d個蛋糕,幫我示範左2朵半玫瑰花, 我就自己來了.
好多謝ANDY SIR 耐心教導,不停好似唸經機咁remind我手勢,方向同角度..... 最後更發現問題所在,然後的起心肝狂唧玫瑰.
最後, 大家都開始decorate自己的餅. 大部份同學都係做小丑,因為比較容易+生動好多. 有2個同學仔就帶左野來decorate 個餅變成聖誕蛋糕-__-"
我自己.... 本來打左一份淺紫色的ICING, 同埋拎左一罐阿SIR recommend0既ready-to-use butter cream . 最後都係覺得白色底+啡色玫瑰感覺好中性好特別,所以就用左啡色來唧. 然後用藍色icing 做bolder .




出來效果唔錯, 之前0既擔心一掃而空. 喜孜孜地拍照, 請同學為我+蛋糕+証書拍照~~ 放學後更與好友CHRIS 到翠華食番餐飽的~~~~ :)
1月會再上新課:flower and cake design

早前上過的烘焙課

呢d都是在 coup kitchen 學的.





呢d就係響elf 學,其實仲有ICING COOKIE , 不過實在好醜樣,唔好放出來.....





已經報左 WILTON 0既 CAKE DECO COURSE,期待中 ~

樂活Q - 果醬班@YVES KITCHEN

尋晚去左田園小屋上果醬班~跟BONNIE學做果醬.
接觸BONNIE 的果醬,大約係響2004-2005年左右, 我買左佢0既果醬書 "戀戀果醬",當時仲係對煮野唔多明解0既我,跟足佢方法+食譜+處理方式去做, 做左我生平第一樽果醬 : 公主玫瑰果醬.
買料都嚇死,淨係買莓都用左成200蚊 ! 不過, 做出來的果醬, 真係好好食!食左一啖,我馬上:
1. 有D想飛0既感覺
2. 想:我以前幾廿年食落肚0個D....究竟係乜野來架? 唔同味0既?????

然後,就做左士多啤梨醬....cranberry紅莓醬 ....另外都試過做黃雙如0既玫瑰果醬,不過佢食譜唔及BONNIE 般清晰及詳細,響好多步驟上我加入左BONNIE0既concept,最後都係成功左~
比起上課時間早15分鐘到達小屋,上次因為人多,所以無拍照~今次人少少,而且小屋快要搬了,我就拍下小屋數角.... (小屋的陳設我好中意呀....尤其係廚房頂那盞燈~ )




是夜做左兩款醬 :
奇異果士多啤梨醬




菠蘿橙皮醬


然後... BONNIE 及泰媽媽不停將唔同0既醬拎比我地食....玫瑰果醬,木瓜橙皮醬...泰媽媽辣醬...食到梳打餅都沒有了...同學仔把自己的白麵包都分享出來, 最後好客的泰媽媽,把米粉都開出來煮比我地食 !

期間BONNIE分享左不少造果醬的竅門,配搭及不同食材的處理方法.好得意...我覺得唔似上堂,似朋友傾計+分享多D~XDDDDDDDDDDDD
BONNIE 有一隻銅鍋,好漂亮! 好有granny's kitchen的味道,原來係出去搵人打造的~我一見隻鍋, 我就想用佢黎整焗雞飯...海鮮飯....好味~
離開小屋時已經差不多11點喇, 好期待新的小屋~ 再次多謝BONNIE 及泰媽媽的款待~ :)

煮乜Q - 自己做燒肉

食譜亦係跟 CKLIFE 做的~^^ 再次多謝CK無私分享 ~ ^^
星期五試左一次 , 唔係太得, 多得好友們咁鬼難食都KO左一大堆, 真係難為你地,下次再黎 ,我會整得好好架喇 ~~ 因為成功左喇 ~
第一次做,唔識又唔知,得好友們提醒,今日一早去街市買豬肉,再做一次.
CKLIFE 的食譜, 係分2次焗的,第一次應該係焗熟+入味, 第二次係焗脆豬皮.
我響中間改左一下:
個豬皮面無舖咁多鹽,上次好鹹...所以今次只係用左粗粒海鹽,係咁以洒左幾十粒就算.
第一次入爐焗熟 : 入爐前用豬插插好多次,焗50分鐘取出, 攤凍
第二次入爐開上火焗脆皮 : 入爐前用尖針再插多一輪, 確保豬皮位置夠乾身,200度上火焗40分鐘.
我晏晝要出街, 所以第一次及第二次焗, 中間隔左4粒鐘.
以前聲哥曾經教過我佢地行內人係點燒,當中有D道理我覺得有理據+有POINT,所以我又姑且一試~響焗皮之前再拮一輪.
出到黎個效果都可以呀~

托阿娘鴻福,肉檯事頭婆比左舊好野我~ 佢知我中意食軟骨, 所以起左呢件腩位比我.

老爺覺得OK, 個皮可以再焗耐D~

煮乜Q - 秋葵食譜 (炒什菜?)

呢個菜係阿姨好耐之前教過我,今日煮過, 真係好好食 !
秋葵唔係人人都接受到, 尤其係就咁食,所以阿姨就教我將所有蔬果切粒,加煙肉一齊炒.....
完全食唔到滑潺潺感覺, 仲好香好清新呢~
煙肉酌量
紅洋蔥,各式西椒,蕃茄,秋葵,小粟米全部切粒



1.燒紅鑊, 放煙肉爆香
2.下紅洋蔥煮到半軟身
3.下秋葵粟米仔及蕃茄兜幾下(呢幾種要煮耐少少至會有益/熟)
4.下各式西椒,加蓋焗3分鐘
5.食得~
唔使下鹽(煙肉有鹽喇...)乜野調味都唔使落(好香架~)
今晚就係配檸檬焗三文魚喇 ~~

煮乜Q - 再講月餅 (自家小心得)

我做0既月餅,其實係2年前去二德惠學的~
餅皮好脆,話就話係"半島版本", 其實我覺得係2回事來. 我食過嘉麟樓同餅房2隻,D皮都係軟軟的~
餅皮份量如下:
牛油-50克 (室溫軟化,不可融化,否則焗好出來餅皮會易碎)
糖粉-30克 (不可用砂糖,打不勻會起黑斑,至少要用caster sugar,我就用icing sugar)
以上2樣,用打蛋機打成淡黃色霜狀

低筋粉- 72克
獅嘜吉士粉-8克
奶粉-12克
以上三種粉拌勻後過篩2次, 與牛油霜拌勻,

云呢拿油-1滴
蛋汁-12克
在拌勻粉+牛油霜時,加入蛋汁及云呢拿油.

當成粉糰後,檯面及雙手撒高筋粉,將粉糰分成8份.

餡料可包入任何味道, 當日學0既係奶黃餡. 240G 奶黃餡分8份,包入加酒焗過的蛋黃,搓成圓球狀.

用包湯圓手法將餅皮包實餡料,開口處向下

月餅模叉入去高筋粉中推幾下, 務求粉黐滿模片位置; 取出,在檯面上敲幾下,將多餘粉敲出來,以免影響餅面花紋.

將餅球用雙手修成高身,方便入模,然後將餅模把手向下按,聽到"得" 一聲,表示餅已離模.

將月餅模移向已舖紙的焗盤, 離盤面5-6CM (BASE ON 餅的高度, 我用5CM高的模), 垂直向下,推下手制,將餅推出.

掃上蛋汁及糖水,就可以入爐. 爐溫係220度上下火焗10分鐘,再轉170度上火焗8-10分鐘.

我就做左少少改動:
1. 唔掃面,咁個花會靚好多.
2. 轉170度時,順便響焗盤下加多個板隔火,以免太高溫餅皮急速膨脹而令月餅表面有裂痕
另一個作用係防止底部高溫令月餅又歪又塌 ( 底部太高溫會月餅底向外脹起變形)

2010 秋播 - 蕃薯苗重新開始

蕃薯苗響我天台,應該可以話係生得唔錯0既植物 :
易打理 (什至可以話係唔使理)
粗生, 耐熱
有益
響風季尤其好~~ 唔使搬呀嘛.....

見到佢有薯頭走左上泥面, 加上籐蔓開始見黃, 應該係重新出發0既時候喇~
星期六,就將佢地掘哂出來



做星期日0既晚餐及甜品


然後再準備大盤及泥,比佢地重新再開始喇~

煮乜Q - 上湯儲存方法 (最0岩懶人/忙人)及其副產品

而家多左自己煮飯,有時放左工又買唔到好/新鮮材料,所以響星期六日,我通常都會出街市血拚~
星期日一早,就去左相熟肉檯,買左一斤豬踭肉,加左隻冰鮮雞, 返屋企煲上湯~
因為d上湯用來做儲備,所以要慳地方+用少少就夠~ 豬踭肉煲出來味道好鮮,合哂要求~
冰鮮雞就要自去皮,去肥膏,雞脾/翼分別斬開再放入去煲.
煲出來,分到有9杯上湯~~

將佢地放哂入冰箱, 雪到變冰就ok, 當要用時,就拎一個出來倒入煲度加水煮開,就係好好味0既湯了~
將上湯雪成冰,可以放一段時間. 仲好易handle ,唔使放響雪櫃下格呢咁hea ~


煲完湯, d豬肉唔好浪費, 用CK 0既好介紹, 炒成豬肉鬆~
我無加太多野,只係下左2小包黃糖同洒左少少美極~已經好好味了~~~ ^^