Q 的 LE CREUSET

我的第一件 Le Creuset 生鐵炊具,在2005年購入, 是一只GRILL PAN ~ 為了煎牛扒而買. 然後,陸陸續續地大大小小的鍋子就魚貫入屋.... (2009年開倉入手,我亦只有去過呢一次的開倉. 以後都唔會再去. 見識到一眾自私精批睜搶貨, 有目標地霸佔貨架不讓其他人埋身, 甚至推開嘗試埋貨架的人....... )

當年仍未有太多的人買呢種煲, 原因係重身, 而且唔平.以中式煮食來講, 實在用途有限. 打從早2年起, 因一眾 BLOGGER 狂煲, 人們都被佢0既顏色吸引,於是就開始癲了. 人癲....所以價錢亦一拚地癲了~ 年初, 在日本樂天見到最喜愛的 COASTAL BLUE 系列出了小小SACUE PAN, 連運費大約13xx , 貴嗎? 貴~ 但香港無得賣,所以敗了.

自此之後,不再甘心敗於香港癲價,衝出亞洲,去到美國.七月羅省之行,敗了兩隻煲返來.... ( 照片取自官網 )

另一不甘心在香港敗家的原因, 是因為在香港,買LC煲的女子已差不多是煩厭港女代名詞: 買一隻煲, 要驗屍咁驗, 甚麼黑點, 氣泡等等, 一律是 defect, 不能接受. 這股風氣, 一直漫延到世界各地去,我在美國逛店時就被先旨聲明 : 黑點不是defect~ FB有關LC煲的群組忽然多起來了, 我也有在此流連了一陣. 但後來見勢色不對,一來不想成為一眾有拎贊助的 blogger 造勢棋子外, 二來亦對佢地舖天蓋地為品牌"R"生意的雞汁post感到煩厭 : 一話乜野煲好, 就會去搶, 搶的人根本唔知自己合唔合用,最後就原價放出. 講煮食技巧, 感覺好.....新奇 (算我孤陋寡聞, 好多我都未聽過 ) 最後,我都全LEAVE GROUP了, 只留番一個交換, 明買明賣的群組. 也從網友中, 買來香港未有見過的橢圓buffet鍋子, 入貨地點是意大利 Amazon

在以為自己心如止水的同時,在美國時收到韓國代購朋友的短訊,問我有無聽過 Lilac Mist的心型煲, 剛好在美國給店員奚落了 (當我是去大量入貨的內地/香港人) .... 一見到佢咁講, 二話不說...又敗.....

煲呢, 其實真係買得差不多,喜愛的顏色都有了.加上已有一整套的孖人牌不銹鋼煲作日常粗用,其實都已經好夠用. 但硬唔知點解一見到靚煲, 個心又會狂跳不已.... 果真是敗家Q !

玩乜Q - nescafe gusto

某星期天的一大早, 與大夫到了尖沙咀,為的就是鬆一鬆而已~
早上人車不多,泊車位也易找~~ 與大夫到了街市的德發食牛丸粉麵作早餐, 然後就在city super 入面打轉.
給我碰上了它......

價錢是一千多一點~~ 缺點是手動控制水量,不過, 價錢決定一切喇......:)
聽售貨小姐講,外國仲有多幾隻味的capsult, 而且仲有凍飲 ! 好吸引呀.....




大夫,這是早來的結婚周年禮物, Happy Anniversary~~~~~ :)

Q 的書 ~

以前我買書, 好睇就會買~
小說漫畫類, 我唔睇的~因為都係虛構出來,睇黎無意思, 攪到自己虛虛浮浮, 唔睇好過睇~
傳記,一DD喇~~我唔想做名人,所以興趣都唔大~~
靈修類,覺得好就會睇會買,所以都有幾多雞湯響度~ :)唔多唔少對我都有幾多影響.
技術性0既, 好似養貓呀, 龍貓呀, 影相呀, 做陶瓷呀, 種花樣樣都有幾本. 某D階段學緊D乜野,就會去買書睇. 當中最多0既, 係食譜~
早期好濫下~ 見到靚封面就買~ 相片多過字0既就買~ 買左之後返到屋企,發現好多字眼我都唔知係乜來.....
提拉米蘇???? 奶油?????? 起司?????? =__="" ( 而家梗係知喇.....) 當年台灣文化無咁緊要,真係唔知佢UP乜.
於是就放左響度無理喇~
到中期,開始會買一D 特別小小0既食譜:果醬, 醃漬類, 日本菜 (夠清淡,我中意) X年前,響PAGE ONE 搜購到一大堆little cook book ~ 薄薄的一本, 字多過相, 但易明又易做,@$15/本, 買三送一, 於是差唔多成系列都比我買齊哂~唔少野都係靠呢堆書整出來~ 後來,呢堆小COOKBOOK 出左中文版, 感覺又難明左.... (有時有D英文你會明,轉左中文反而唔知係乜....)
到真係學識煮野時, 就開始只會買幾個人寫0既書~~~ 集中都係SHADOW KWAN, BONNIE YVES,江獻珠同梁許安璞呢幾位. SHADOW 0既點子特別多,食物造型好高貴好雅緻~BONNIE睇得出係好真誠好無私咁去寫佢0既書,我第一樽造0既果醬,就係跟佢0既"戀戀果醬" 造出來, 當時我至知道,真真正正0既果醬,係好好食,唔係一味死甜喪甜. 至於江獻珠前輩, 佢0既知識真係令我大開眼界,D野整得好唔好食,唔在於佢係貴定平,鹹魚青菜唔一定遜色過鮑參翅肚,要由食材根本著手,處理得好,才是成功的第一步.江前輩對食材的專注及堅持, 真係令我好佩服. ANNIE 早期響星島每個星期日都有大版專欄教煮食,佢對於食材處理及品質亦係好嚴緊,佢教0既菜好適合宴客之用,最緊要係對於西方菜式講解得好詳盡~對於我呢個潮州妹真係幫助好大呢~(在我黎講,西餐=碟頭飯(XDDDDDDDD )
以上幾位0既書,有一個共通點,所有資料都有"一理通百理明"0既特點. 有時,我覺得煮野唔係COPYCAT咁造一樣野出來,而係要改良+發揮 , 就番自己口味,去造自己中意0既味道/ 食法出來.
我好中意與同樣喜歡煮野食0既朋友傾計,大家響分享自己0既心得時,好多時會出現新點子,新靈感. 大家有問題時,一齊傾又可以想到數個唔同0既解決方法 ; 我好相信,人上有人,天外有天. 人地講唔講心得唔緊要,有交流有溝通,就會有新0既想法~人地話你知0既,未必係最好~ "最好0既"只係主觀0既最好,並唔係人地0既最好~
我自己覺得, 最好0既永遠唔會出現,世界上亦唔會有正宗唔正宗0既食譜, 咁樣至會有永遠探索的精神及動力.

上星期, 我響大眾書局買左一本書,作者係何肖琼,何老師係烘焙界好出名0既老師, 我買左佢本書叫"烘焙教室". 書中內容好詳細,A4 SIZE 一共有220多頁, 1/5 係講解食材0既本質/構造及處理方法及工具介紹. 1/5 係講解基本功, 3/5 係食譜. 我覺得好好呀~~~ 雖然要成$188我都斥資買左黎睇~ 真係教到我好多野呢~~~

買乜Q - "莊記" 海南雞醬 (星加坡制造)

同阿杯食完海南雞,言尤未盡,行到之之叔爬, 就比佢一眼及到呢隻野~
*** 註: 每當你見阿杯雙眼blink blink , 就知佢及實0既係好野來.... 呢D朋友唔使多, 識一個就夠,唔係多多錢都唔夠買野食.....
比魔鬼引誘下, 我買左一樽 @$39.90 ~~

試完再報告~~

買乜Q - AESOP

買左澳洲有機護膚品牌 AESOP 0既產品 ~
之前係用 SHISEIDO REVITAL 系列, 但實在太多野+煩+好累 ( 其實係好懶) ~ 最近好友P介紹用呢一隻野,睇過都覺得好簡單+易用 ~ 最緊要係少野呀嘛 ~ 幾支就攪掂 ~ 唔似 REVITAL 要用成七八支野咁煩 ~~
今日本來去左 LCX 度睇, 但件 SALES姐姐實在好唔掂 ~ 問一句答一句好行貨 ....於是我地走左去 CWB 0既連根拔度買, 0個位姐姐就好好喇 , 問清楚我地想要D乜, 響我地2個老人痴呆病發者口中一句有一句無0既 "意思" 之中, 知道我地想要乜野.
我買左要用0既2隻貨之後 , 姐姐比左好多 SAMPLE 我試 ~~~ 嘩 ~~~ 真係好多呀 ~~~~
我用得到0既 , 一定會再幫襯佢囉 ~~~

Crabtree & Evelyn 2008 聖誕禮品目錄

又係放血的時候 ~~
今年價格比上年下調左 2 成左右, 可能係市道+人心惶惶問題,所以以往0既 $895 禮品無哂,最貴都係$695,比多個七折 VIP , 唔使$500就有一份又大方又得體又靚0既禮物.
聽日去行下收下新料先~ 好耐無入過蟹樹喇 ~~~ ^^

Q 花園 - 草莓罐

無糧出的日子 , 我只會在夜冷店混 ....
上天待我不薄喇,在夜冷店中找到寶 !!! 草莓罐一大堆! 大小剛剛好 ! 都是很漂亮的素燒罐,還有一堆花插,實用就說不上,但真的漂亮呀 ! 日後放在西貢園子中真是天衣無縫 !
繪上漂亮花圖案的瓷罐底部開了孔,心目中加上底碟然後放進一大盤長春籐,正!! 因為我愛草多過愛花,所以花花還是出現在花器上比較合適 ~~

Q花園 - 薄荷生力軍

今日入左香薰園 , 好多野睇呀~~~
買左幾盤薄荷 ~ 都係好想要既品種 ! 本來我唔中意薄荷,有一次響天台做野做到死死下, 烏低身響薄荷葉前面執野,一大陣清清涼涼0既味攻埋塊面度....我直頭成個頭埋哂落盤薄荷入面. 自此之後就好中意喇 ~~
朱古力薄荷 :
版友教路放2片葉與豉油同煮, 味道好正 !


萊姆薄荷 : 有D似朱古力薄荷 ,但其實比朱古力薄荷更細緻一D .


萍果薄荷 : 聞落無乜味喎 ...種耐D再試下.


葡萄柚薄荷 : 都係聞落無乜味 ~~


另外仲買左呢一盤甜菊 !

Le Creuset - 新點子

在 yahoo 搜尋中,打進 "le creuset煲仔飯" ,一大堆好建議/食譜就出來了.
買了一隻西洋人的鍋子做中國菜 , 很過癮~~

我記得第一次在 PANTRY MAGIC 中買到了一隻"仿LE CREUSET" 的生鐵南瓜鍋,就是不懂得用,東西都焦掉了...然後鍋子就淪為了廚房中的裝飾品. 在上過了孖人的廚藝課後,才知道自己用錯了方法.
在不少朋友 MSN/EMAIL 給我的食譜中,有用鍋子作麵包,煲仔飯,咖喱鍋,牛尾煲,焗飯等等.看得我喜孜孜的~~~

其實生鐵鍋子有不少牌子都是好東西來,只是 LE CREUSET 先聲(色)奪人,外形及顏色都殺死人~不能不買.
在太子大廈有一間叫什麼 " PAN HANDLER" 的店,有不少生鐵鍋子選擇.
在煤氣公司亦有一牌子 "STAUB" , 有一只青口鍋是我的最愛,像隻巨形青口.但因體積問題,實在不敢買.... 但真的很漂亮呀.... 金鐘西武店亦有專櫃.
要數經濟之選,當然是 ikea 的生鐵鍋子喇,大大的一只才$500 多塊錢,是 le creuset的1/5價錢呀.新近的顏色是寶藍色及藏青色~
其實,如果掌握到生鐵鍋子的使用方法及火候,什麼價錢的鍋子都是一樣.

小R的心得很有用~
http://blog.xuite.net/mouwou/blog/14564350

買乜Q - 血拚家品部 之 星期日篇

第二日,即係星期日,又去太古城喇~ 唔係我地癲成咁要日日去, 而係去柴灣探完 LULU , 去太古城飲茶,然後行街.
當我以為自己響前一日已經破"夠"財0既時候,又出事......
LE CREUSET 七折.
我成日同大夫講 , 如果要我買隻咁貴0既煲,我一定會買隻燉鍋,仲要係大大隻圓形呢D ......
由$26XX 變成 $1888 , 真係....
唔買唔得. 於是好似做賊咁,去比錢,CHECK 貨,仲唔敢拎走住,費事比老爺睇到牙牙聲.放左響孖人姐姐檔口入面,擇日取貨.
我買0既係橙紅色燉鍋.

** ( 照片摘自 www.lecreuset.com ) **

入去 Laura Ashley, 又跌 ....

** ( 照片摘自 www.lauraashley.com ) **

本來唔只呢隻雀,但我用唔同0既理由去說服自己 :
1. 好靚呀d鐘 !!!! ( 0車.... 鐘面都無 laura ashley 牌子0既.... )
2. 好靚呀個門牌 ( e ..... 自己油都得喇 .... 我有 strecil 呀~~ )
3. 好靚呀d布 ( 哼 ~~~~ 大花大葉 ..... 唔要~)

-____-"

買乜Q - 血拚家品部 之 星期六篇

星期六日, 都是極開心的日子,無憂無慮地到處走,當然,好容易會跌錢喇.
尤其是去太古城.
星期六,報了名參加孖人專櫃的烹調交流會. 買買埋埋一堆煲,唔敢用.你話點算 ~ 是次示範位哥仔教識左我點樣至可以煎魚煎到條魚響油入面跣黎跣去而唔會甩皮甩骨, 炒肉碎唔會黐鑊,冷鑊冷油點樣炒菜,點樣做蛋炒飯而唔會黐鑊兼有金包銀效果 , 乾燒焗蛋糕等等.
睇完野,老陳身痕,又買野喇 ~ 當我以為我可以免疫時,入到超市,失守(手)了....
巨蜂提子 @$149/盒 , 買 !
北海道手撕菠蘿 , 買 !
熱情果 , 買 !
movenpick 雪果葩 , 買 !
=___="
以上, 係第一日戰績.

買乜Q - LAURA ASHELY 座檯鐘

自從有一次錯過買到心頭好時機後, 以後在LAURA ASHELY 見到漂亮的家品,都會"把握時機"
是日入手 :



糧尾都係咁講 .....

花墟收獲 @ 14-6-2008

兩樣都係響繽紛買0既 ( 講真,好貴 ! 比起網友 ok san 昨夜提供0既荀野,實在無得比!! 奈何呢2樣野只有佢有得賣..... )

草莓罐 ( @$165.00):
想用黎種香草 !!!!
不過未摸清各種香草0既種植環境之前,都係唔好種住 ~~~ ^^
呢種素燒陶砵仲有1/2半邊大0既平背掛牆款式,但....好重喎 ! 仲掛牆 ? 多一半都係 $165 !


花架 (@$480.00) :
本來之前都睇左幾次, 睇唔上眼嫌佢唔穩陣冗冗貢.



佢而家後面加左個大交叉,成個扎實哂 !!! 真係不得不佩服日本仔0既心思,用左力學原理,係咁以2條鐵 ,修一邊螺絲就令隻花架穩穩陣陣 !
呢一邊修左蝴蝶螺絲

另一邊只係一個勾, 另一邊0既螺絲修實左,呢一邊自然會碼實 !


原來牌子係 日本仔0既 IRIS , 佢D塑膠櫃桶好硬淨唔變形,出名襟用~ 希望花架都一樣喇 ~


買滿 $500 有九折.
但我都係響度肉痛緊 ........

書中自有黃金屋

每次出糧我都會買d書比自己睇 ~ 買乜野書個範圍好廣 : 食譜,園藝, 寵物,傳記 ....唯一唔會買0既,係小說 ~
今期糧買0既,係園藝 / 相機 0既書. 因為比網友阿ben啟發,所以的起心肝去整好個天台.打書釘打左一輪之後,買左幾本 :


好想學下影相,多得大夫借出D40愛妻號,當然要認真一D,於是買左本書黎睇~唔好因為乜都唔識,浪費一部好機~


呢本書好多花園裝飾 / DIY 工夫的點子. 睇完之後,好多疑團都解開左~~~ 加埋網友0既提點,我呢個星期尾會去訂材料.


我好奇怪, 唔愛種花只愛種草~~ 呢本書有好多我喜愛的草 : 黑骨芒,長春籐,菠蘿仔 ....

又 : 近況

萬事皆順 ~
無驚喜亦無驚嚇 ~~
又因為早前放工遇著大雨 , 著住對紅鞋兒,攪到成腳都紅哂~~所以的起心肝,去買左對落雨著0既膠鞋 ~~
千色店購入 @$269


另外買左幾粒小配件~~ 我覺得係貓爪黎~ (其實係鱷魚爪)

買乜Q - LE CREUSET 有蓋焗盅

其實早在上月初已心儀呢一套野,但因為太貴(要$288/套/2隻,平時都係 @$108.00/隻). 我搜遍網上資料都搵唔到呢一套野. 響包裝盒後面有少許玄機 :
1.日本制環保紙盒
2.被撕去的招紙寫著 : CITRUS YELLOW ,AS.....(睇唔到了)
我懷疑係唔係出口日本的限量版.


加埋之前買0既四隻 ~~ 好開心 ~~~

買乜Q - 又係鐘

同大夫響將軍澳行街 , 睇到一個好靚0既鐘. 打左折之後 $384~~~
本來係響永安睇中左, 但太貴喇,要成千銀......

是日迷思 - $30煮一餐飯

睇到廣告,我又想試下 ..... 如 :
DAY 1
$10魚尾 煮 酸梅
$10豬肉碎 + $5娃娃菜滾湯 + $5魚蛋
共用 : $30

DAY 2
$10 豬扒煮 $3(1隻)薯仔
$3蕃茄(2隻)+ $10肉碎煮湯
$4 半斤菜心
共用 : $30

DAY 3
$4蕃茄 + $10牛肉
$5佛手瓜煮$5肉絲
$5.5粟米湯+ $1蛋
共用 : $30.50

DAY 4
$3節瓜 滾 $10魚尾連湯
$6 炒通菜
共用 : $19

DAY 5
$8肉碎 煮 $8靈芝菇
$5 蒜茸炒大白菜
$5粟米仔鬚煲$15豬骨
共用 : $41

DAY 6
$8 燒豬骨 + $5花生 煲豬骨粥
$10 油炸鬼
共用 : $23

DAY 7
比我去阿娘度黐下餐喇 陰功 ~~

6日下來,共用左 $173.50 , 平均一日用 $29 左右 .
實際真係得唔得呢 ? 又無生果又無甜品.....
米又貴左咁多 .....

PS. 第二日訓醒覺,有新點子:
炒飯,雞翼......

又買到心頭好 - 生鐵鑊

自小就見/跟阿娘用生鐵鑊,大個之後亦理所當然地用番生 鐵 鑊.
今日在深水步就買左一隻生鐵鑊,價值45大圓 ~ 而家用緊的太細隻, 老爺叔仔來食飯就會唔夠用.

左邊的是用左五年的生鐵鑊 , $28/隻
右邊的是今日買的,大隻一點, $45/隻