朋友

近來發生好多事,都係同朋友有關.
點都好, 希望我D朋友人人都順心順景, 雖然大家唔多見面, 但得知你地一切安好, 我就放心喇~

新一年新計劃~

繼續做好自己要做的事, 盡番自己本份.
不斷學習,不斷檢討~ 對人對事都係.
過去一年, 我終於令自己抹去好多不快,好多仇恨. 對於一D令我不快0既人及事,我只有寄與同情及祝福. 令自己人生路上增添仇恨, 實在係笨得可以. 人家錯, 卻將報應堆在自己身上,不是跟自己過不去,就一定是腦麻痺~~
上天要我去受到考驗, 我會全力面對, 否則對唔住人亦愧對自己~
關心阿Q 的好友們, 阿Q實在感激, 有您們一眾的關心祝福,阿Q無以為報.
日日夜夜咀咒阿Q的(XDDDD),我更多謝您地~因為您地0既存在,令我看多了人生黑暗面,更珍惜現在擁有的一切.亦慶幸一早看清您們的真面目,令我走得快好世界~ 感謝感謝~
愛我的,討厭我的, 阿Q都排名不分先後送上祝福~ :)

過年喇,又開工喇~

要開工造果醬,造曲奇餅,造馬蹄糕.
天氣冷,我想造一D薑味的果醬,在寒冬中加一點點暖意~
曲奇餅呢一個課題會一直延伸到三月初,好友VERA婚禮才完結,我答應替她焗制綠茶雪球曲奇作回禮. 剛向ANDY SIR 報讀了我好喜歡的三款曲奇餅(古古力,紅茶及杏仁)課程,希望我可以學得好喇~~ :)
馬蹄糕,都是自家屋企食譜及用開的料,每次食馬蹄糕,就想起婆婆的手勢,以前婆婆總會在備料的時候留多十多粒馬蹄比我,因為我好中意食生馬蹄,一見婆婆蒸糕就會黐響廚房唔走..... 所以,"馬蹄糕情意結" 有的是太婆及婆婆的心思,阿娘的心機及我的回憶~~~
所以呢,我好多謝好友們的包容, 我好清楚阿Q整d既野食,一定唔會係最好食0既野,人上有人,天外有天,好過我0既大有人在.(而且好多都係情意結來.....唉~) 但各位都好比面咁食哂,我真係好多謝你地比咁多信心我. 希望我可以比心機日後整多D好野食比你地喇~~ :)

上海之旅2010手信篇

是次到上海,阿Q帶得錢不多, 主要都花在食上面~~~
手信嘛,都是便便宜宜的小東東 .....


送給快要新婚入伙的好朋友喇,






送給一眾已為人婦的喇.....



準備用作聖誕禮物包裝的喇......


小家品喇.....






阿娘落的柯打喇...



送比 bb 的小禮物....



少不了的是 好友們送的生日禮物....




仲有一樣係無相睇0既.... 就係朋友的心意 ~ 再次多謝呀~ :)

2010 上海之旅 - LA CREPERIE

是次到上海來,除左係減壓外,仲"碰上" 係阿Q生日, 明知好友們都係有備而來,所以都預左跟佢地盡興一番~
食完新苑,阿杯就話要去食甜品~XDDD 一行三人又跳上的士,又打電話約左西門大兄~ 就去食法式薄餅 :)
響薄餅店附近下左車, 在附近走了一圈, 有不少中國風的手信店,仿似景泰南的擺設店, 有自家設計的家品店, 也有類似香港的夜冷店店舖, 共同特色是吸引遊客, 價錢真的不便宜~~~
其中有一間好似夜冷店般, 立立什什乜都有0既, D野仲貴過出面, 在香港夜冷有售的小燭台,索價200人仔, 在譚才記只係大約$20/件, 茶具比起祟光百貨的日本貨還要貴....唔係呃外國人係咩?
我響其中一間自家品牌家品店買左一套類似剪紙圖案,棘絨制的檯墊,2大加一套5隻小的,才70塊人仔,買得過~ 香港GOD有類似東東賣, 大的都差不多要80數一塊.
大約11時, 我們入到薄餅店, 店家安排了最埋邊的桌子給我們. 燈光是暗了點,但還可以. 因為天氣比較涼, 所以我叫左熱檸水,無試到店家出名的apple cider . 萍果小姐為了想消化一下剛才的上海菜, 叫了一道藍莓乳果酪, 很清很"簡單" 的酸香味, 味蕾馬上甦醒過來 ~~ XDDD
PS. 所謂簡單, 就是天然的乳酪甜酸味,無添加是也~~~~~






叫左個萍果薄餅食住等....




西門大兄來到時, 周杯就跟店家說可以上甜品了.
西門大兄的apple cider , 黐左一啖飲, 幾好味呀....


大夥為我唱了生日歌,店家送了紀念品給我,此刻無價~~~ 多謝你地呀~~~ :)

多謝CK - DIY 的紫雲膏

呢輪太多野做, 公私兩忙.上星期仲直落2日食左宅卡B薯條, 燥底到不得了.... 過左2日,出哂事,口唇不停咁脫皮爆拆...痛死人.....
本來一直都有用 BURT BEE' S 潤唇膏, 出現脫皮就會用KIEHL'S 0既LIP BALM#1 , 後者應有水楊酸,所以可以令死皮加速脫落 ; 但家下我由內而外0既燥熱問題,用乜都無用.... 情況無乜改善.
星期六我拎左D台長比CK , 佢又送左D DIY 0既小手作比我呀, 好開心~~~ 有2支護膚油同一支紫雲膏. 佢見我口唇爆到飛起,就叫我即刻開黎用.
我食完飯後,即刻開黎用,刺痛感無左一半~ 有少少涼涼地~ 如是者, 我一覺唇乾/痛就用. 用左2日,已經復元左九成了~~~
好多謝CK呢~~~ 你0既生活理念令我好敬佩,健康生活得來不易,但其實亦唔難做到. 日後要好好跟你學習喇~ ^^
***22/9/2010 後記:
用左紫雲膏當潤唇膏3日, 已經好番哂,到而家無再脫皮/爆拆~~~
我要學做紫雲膏呀~~

又到中秋 - 又係做月餅0既時候~

今年同以往一樣, 八月就去左二德惠訂左奶王餡,響九月做月餅用.
我一直都想學做呢隻餡,但坊間有好多唔同0既食譜,有蒸亦有炒0既方法,都唔知邊個得邊個唔得. 今年有好幾個朋友都比左食譜我,我一晚試一個,唉, 味道係0岩喇, 但未知入左爐之後效果如何呢.....
今年想試下新點子,將自家醃0既柚子皮糖加入奶王度.... 講真,唔知夾唔夾, 只係想試下如果唔用蛋黃,可以用D乜去豐富一下做得無咁甜膩0既奶王月餅, 等我有糖尿病0既阿姨都可以淺嘗一下月餅滋味~
好多謝各位好友0既分享, 我下年唔使心掛掛去訂餡喇~~ 又貴又唔健康~ ^.^
同阿杯傾完計,佢叫我試一下做綠茶皮奶黃餡.....
我自已就會試下做奶黃柚子月餅 .....
得唔得, 今晚就有結果了~~

多謝好友萍果 - 星加坡手信

其實都放左響萍果度一段時間了,大家都忙,剛巧星期六約左艾倫先生拎玩具, 於是就一拚拎埋喇~~
呢個係茶隔來, 好漂亮的透明紅色~~~ 花萼就是腳座~ 花芯中間有小孔~
雖然係茶隔, 但我一定唔捨得用來隔茶, 因怕茶漬在中間小孔會清潔不了 .....
巧合的是, 這茶隔的名字, 跟我的聖名是一樣的.....


多謝你呢萍果~~~ ^^

阿 Q 又好開心喇 ~~

心花怒放 ~~
^^

阿姨手信 - Laura Ashley 環保袋

阿姨去日本送比我0既手信 ~
好中意 ~~~~

小羊的手信

手機袋一個 ~~
入面有舊 "餡",可獨立開關,用2粒3A電 接收到電波就會郁 , 條尾會發發下~~
如果個 ring tone 係貓叫就 perfect 喇 ~~~
多謝小羊同小羊太
^^

大年初一

眨下眼又年初一,時間過得好快呀.....
同往時一樣,一早就鼠去羊太度同佢地一齊去舅公度拜年,然後去阿姨度.今年阿姨更準備左開年飯同我地一齊食.有好好食0既陳皮瘦肉粥(呢個粥真係天下美味!!!又學到野 !! 有時,煮野食唔一定要貴料0既~~)鹹雞一隻,脆皮燒肉一大件,阿姨私房齋 (嘩呢個齋,未食過真係囉囉攣呀~)
食左八成飽, 就去老爺度又食開年飯....好彩響阿姨度打左底0者 ~~
之後就去姨婆度拜年,同以前一樣,好開心好好玩呀~~~ 表舅父表姨丈等等笑到嘩嘩聲,過年應該係咁開心架嘛 ~~
可惜0既就係芳表姨抱恙,未能親口多謝又食又拎0既紅豆糕 !!! 在此希望表姨快D好番~~身體健康就是財富呀~~

新屋進度 - 宜家傢俬入手

托好友顏先生鴻福, 取得少許折頭, 買了部份必需品.
( ** 所有照片摘自 IKEA 網頁 ** )
餐椅 ( IVAR 系列 ) ,將會造一些椅背套裝飾一下 :

餐檯 ( BJURSTA 系列 )可伸延至100CM X 155CM , 我們買的是啡黑色.


床褥 ( HANMO ) 屬中價貨. 原來就咁坐落去同成個人訓落去係兩回事!!! 仲有三十日試訓, 不合可換.

梳化床 ( SOLSTA 系列) 會放響客房內,有人留宿才會變成床.



再次多謝顏先生幫忙 !!!^^

舅父又返來了 ~~~~

響 Winnipeg 0既舅父返左黎香港 , 我地理所當然要去做機場快線 ~~

舅父帶番黎0既手信唔多 , 佢比多左錢去寄一箱急凍野番黎, 有3大袋急凍鮑魚同六大包野生煙三文魚 ~~ 另外大量朱古力及果仁 ~~~

舅父送左一包煙三文魚 , 2包sundried 無花果 ( 我最喜!!!!! 好耐至捨得食一粒 !!!!) 一合夏威夷果仁朱古力比我 ~~~

多謝舅父 !!!!!

一包有半條 preslide 巨形三文魚 ~~~ 都唔知點食......

急凍墨西哥鮑魚 , 一隻有一成人手掌般大