過年喇,又開工喇~

要開工造果醬,造曲奇餅,造馬蹄糕.
天氣冷,我想造一D薑味的果醬,在寒冬中加一點點暖意~
曲奇餅呢一個課題會一直延伸到三月初,好友VERA婚禮才完結,我答應替她焗制綠茶雪球曲奇作回禮. 剛向ANDY SIR 報讀了我好喜歡的三款曲奇餅(古古力,紅茶及杏仁)課程,希望我可以學得好喇~~ :)
馬蹄糕,都是自家屋企食譜及用開的料,每次食馬蹄糕,就想起婆婆的手勢,以前婆婆總會在備料的時候留多十多粒馬蹄比我,因為我好中意食生馬蹄,一見婆婆蒸糕就會黐響廚房唔走..... 所以,"馬蹄糕情意結" 有的是太婆及婆婆的心思,阿娘的心機及我的回憶~~~
所以呢,我好多謝好友們的包容, 我好清楚阿Q整d既野食,一定唔會係最好食0既野,人上有人,天外有天,好過我0既大有人在.(而且好多都係情意結來.....唉~) 但各位都好比面咁食哂,我真係好多謝你地比咁多信心我. 希望我可以比心機日後整多D好野食比你地喇~~ :)

2010年結婚周年紀念馬交之旅-九如坊

想去九如坊, 純粹去懷舊~~ 呢度係大夫同我第一次拍拖去遠少少0既地方~
好懷念木糠布甸呢, 所以想都唔想就去左呢度喇~
到達時剛好兩點多, 店內客人不多~ 因為之後仲有好多餐要食, 所以都係叫左少少野2個人分來食.
野菌 (定雜菌? ) 忌廉湯及自家制popper seed bread.
OK 喇,不過不失. 野菌味道唔夠濃

燒釀白菌
普普通通,開始有D不詳預感, 真係心情影響一切?
( 奸奸拍拖就好好地,對得耐就無啥新意???? )

主菜係燒牛肋骨, 有番D生趣了~~~
好香炭燒肉味~ 入口鬆軟多汁~~ :)


甜品時間, 令我朝思夜想的草莓冰糕
(...... 像玩過山車一樣, 開始向下衝了..... )
先食到好似係士多啤梨0既味, 不過好快就變成苦味,應該係人工香精作怪.... 以住的after taste 沒有了... 苦 ..... 苦.... 等到最後都仲係苦 !



哎..... 比多個機會阿木糠布甸....
但....
真係想喊出來, 木糠布甸墮落了~ 跟手信街上的一樣,硬繃繃的同雪糕無分別,以往軟香細膩的布甸不知所終....
仲由原來的$38 跳升到 $70/件 .....


算罷喇,我已搵到比你更好的~
再見九如坊~~~

2010 上海之旅 - LA CREPERIE

是次到上海來,除左係減壓外,仲"碰上" 係阿Q生日, 明知好友們都係有備而來,所以都預左跟佢地盡興一番~
食完新苑,阿杯就話要去食甜品~XDDD 一行三人又跳上的士,又打電話約左西門大兄~ 就去食法式薄餅 :)
響薄餅店附近下左車, 在附近走了一圈, 有不少中國風的手信店,仿似景泰南的擺設店, 有自家設計的家品店, 也有類似香港的夜冷店店舖, 共同特色是吸引遊客, 價錢真的不便宜~~~
其中有一間好似夜冷店般, 立立什什乜都有0既, D野仲貴過出面, 在香港夜冷有售的小燭台,索價200人仔, 在譚才記只係大約$20/件, 茶具比起祟光百貨的日本貨還要貴....唔係呃外國人係咩?
我響其中一間自家品牌家品店買左一套類似剪紙圖案,棘絨制的檯墊,2大加一套5隻小的,才70塊人仔,買得過~ 香港GOD有類似東東賣, 大的都差不多要80數一塊.
大約11時, 我們入到薄餅店, 店家安排了最埋邊的桌子給我們. 燈光是暗了點,但還可以. 因為天氣比較涼, 所以我叫左熱檸水,無試到店家出名的apple cider . 萍果小姐為了想消化一下剛才的上海菜, 叫了一道藍莓乳果酪, 很清很"簡單" 的酸香味, 味蕾馬上甦醒過來 ~~ XDDD
PS. 所謂簡單, 就是天然的乳酪甜酸味,無添加是也~~~~~






叫左個萍果薄餅食住等....




西門大兄來到時, 周杯就跟店家說可以上甜品了.
西門大兄的apple cider , 黐左一啖飲, 幾好味呀....


大夥為我唱了生日歌,店家送了紀念品給我,此刻無價~~~ 多謝你地呀~~~ :)

上海之旅 - 22/10/2010 Cafe Godiva@ 新天地

響MMBUND 無食甜品, 為的就係呢一餐~
其實早2日,我已經食過GODIVA 古古力~
(係萍果小姐親手造的~榮幸呀~  )


我前一日已經跟杯麵來過, 不過因為餐廳入面有function , 所以都係入唔到+食唔到, 於是今日再同萍果一齊去過 ~
來GODIVA前, “經過” 佳家湯包,又食一籠….. (多謝好友們知我心意~~陪我入去癲~~~ )
CAFÉ GODIVA 響新天地入面, 店內都係一貫白+深啡裝飾, 樓下係朱古力零售, 樓上係餐廳, 沿L 型樓梯上到樓上, 右手邊係餐廳所在, 左手邊就係甜品/ 蛋糕存放櫃 , 牆上仲有大大個的 Madam Godiva 燈箱裝飾.



一行三人, 響蛋糕櫃前面黏住唔走….. 蛋糕, 靚到好似件藝術品咁 ….. 最後極清醒的杯麵, 睇住時間做人, 的左我地2個埋檯坐, 叫左野食先……


我地每人都叫左一杯朱古力凍飲, 另加一件餅, 3個人就響係咁….埋沒左響朱古力”海”入面努力品嘗……
佢款款飲品都係一樣樣0既.... 影一杯就夠喇 ....


又唔記得係乜野蛋糕,伴碟0既係熱情果及香蕉~~ 好夾 ~~~


心太軟, 真係軟的, 不是流的~~


類似咖啡味的蛋糕~




以價位來講 (相比於香港),唔貴~我覺得什至可以叫做平. 飲品人仔36/杯,香港亦一樣,不過只可以TAKE OUT 無得比你坐. 蛋糕平均都係$35-40/件,正是坊間 TONY WONG 等等名店的價位. 有其他如朱古力火鍋等等 , 2-3人用才 $120人仔.
位處新天地+HEA 住嘆+有音樂, 仲想點呀?

上海之旅 20/10/2010 – 田子坊

是次去上海, 一半是為探一探杯麵呢位好姊妹 , 一半係好友A盛情力邀而造就.
因好友A是先在上海公幹, 後半期才會會合我地, 所以杯麵就自行與我在附近逛一逛.
由杯麵家到田子坊, 才是十數分鐘的行程 (人行呀….) 有關田子坊 , 我早前曾留意過好友的網誌, 感覺不錯.
在田子坊側邊有一個小菜市場, 我呢D師奶不自覺就走左入去….
呢個街市場比到我 … 好初期澳門舊街市的感覺: 生0既熟0既野都放埋一齊, 海鮮魚類都放滿一地…. 特有的泥土味道等等…. 因為市場不大, 所以無5分鐘就走番出來~~~
走到入田子坊, 感覺係一個充滿創作的好地方. 古舊建築仍在, 但人就換上紅鬚綠眼遊客 及 一大堆香港人 .


杯帶我到佢比較喜歡的 "丹" 喝咖啡.


在門口有一堆木檯椅


入門口後, 一排排的咖啡豆


然後係一行又斜又窄的長樓梯…..


別有洞天


不同的 “包廂”


最後我地揀左呢個窗口位來坐~ 窗外都是不同的香草, 長春籐 ,黑骨芒 及其他植物. 到達時都差不多要天黑了, 陣陣晚風連同甜薰衣草的香味吹入來, 想點先???? 我好想訓覺架喎咁樣…….


是次上海之旅, 阿Q有好多個第一次. 響田子坊, 就係第一次飲綠茶LATHE ~ (識我0既人都知我唔飲綠茶的…) 面0既泡泡好綿密, 配埋淡淡0既綠茶味極討好 ~~


阿杯就叫左個是日咖啡 ~


田子坊是一個消閒好地方,有不同特色 / 主題的小店舖, 中有西都有, 任君選擇~
好明顯咁口語化0既應該係廣東人/香港人.


呢間叫月沁的, 香港的大眾書局都有佢0既精品賣, 剛開了樓上café




另一間以TEDDY BEAR 為主題的CAFÉ


逛到天黑了 ，於是我地就跳上的士食晚飯去~~

自我放逐 2010 - 沒有世博的上海

阿Q 又要減壓~響好友慫恿之下,走左去上海幾日~
上海比阿Q0既感覺係.....幾浮誇0既 (睇到電影入面0既上海人+ 生活....)
今次去左上海, 感覺不一樣喇~
首先,我無去世博~唔好問我世博野~
第二, 我唔中意食名店,南翔饅頭呢D,一見佢樓下D人我就煩,唔好話叫我入去食....
響香港插哂旗開哂店0既,我都唔會去, 阿杯響上面住左咁耐,佢一定知乜野好乜野唔好~我一於二仔底死跟~
但可能係因為世博關係,通街係人,令我好煩躁~~到當地食肆及店子購物(非遊客區),當地人都平和得很.
此行最主要係食+食+食~以前響香港接觸到0既上海菜,又油膩又一味係黑醬油... 到步後第一夜的素菜館, 及最後一夜食的上海菜,都令我食得極開心~因為又清又少油,食材新鮮而且烹煮得宜,一上桌,未見其形先聞其味,唔使睇馬上就知道係用乜野來煮~~~
因為有阿杯同萍果0既照顧,所以是次放逐都食到好好味,價錢又抵0既好野~~~ 響呢度又再多謝多佢地一次~ :)
除左食,仲去左唔少地方逛,感覺文化氣息濃厚,有不少"有文化" 的展覽,就算如HERMES的皮具展覽,卻嗅不出一點的銅臭( 我一見某富豪d女友拎住d手袋,就覺得眼冤) ; 踏足新天地,雖然都係一個遊客區,但保育/保留得不錯的建築,令我呢個井底蛙阿Q都可以感受到上海獨有的古樸氣息.
咁又唔好講得太死,遊客區都有去,一係南京步行街,人多到不得了.....唔係為左幫阿娘買張小泉瓜子夾,打死我都唔會去..... 另一係城煌廟,一早去到人不多,好好行,一到十一點左右,人頭湧湧,攪到我炆炆掙掙....最後走左去廟後面的小區/小商場避難~
希望一日寫D一日寫D ,將開心野記低哂佢~~~

食乜Q - 金蘭花泰國菜館

其實呢間店,響1X年前我就去食過. 當時係比佢個糯米釀雞翼吸引到所以去食.
第二次去,已經係1X年後, 仲係新相識左個好朋友阿通菜,呢間亦係通菜0既飯堂來~~
呢間店開左好耐喇,價錢唔貴,什至可以叫做係平. 不收小費,貼士,你比左佢,佢追你到天腳底都會比番你.
食物方面,都係咁上下0既野,黃珍珍金寶等等有0既野,佢亦有.
星期六同好友VERA及IVAN 去辦完婚紗相0既事,就去左呢度食晚飯~
2位準新人食物方面有限制,所以我地都係挑D清淡少油菜式.
泰式柚子沙律,用泰國金柚做,醬汁只是少許魚露+青檸汁面洒檸檬葉絲,好清新~



炒菜2碟



明爐烏頭.
另有一碗湯跟上,湯材料有香茅,酸梅,南薑等


泰式燒雞

烤豬頸肉


菠蘿焗飯



埋單 $43X , 一人都係@$105 ~好抵食~