自我放逐2009羅省篇 ( 2/11/2009)

今日係Michelle 最後衝刺0既日子, 早上響屋企食完我0既芋頭多士早餐後, 又幫阿姨做左少少花園工夫, 大家準備好哂就去左Newport Coast 0既Fashion Island 度行一下. 但最後都係無收獲~ Bloomingdale , Macy’s 人唔多, 聖誕禮物都已經上場 , 整個商場好凋零下~~~

午餐響Penlican Grill .



呢度0既環境好靚又幽靜 , 午餐大約係 USD1X – USD4X 都有, 屬於比較高0既消費.



凍飲怡神~ 熱飲全都會配上蜜糖




我食麵包都食到飽左一半......




我同阿姨都叫左個有機燒雞配檸汁甜粟米, LISA 要左個牛柳沙律, 阿娘要左個意粉, MICHELLE 要左個燒海鮮沙律, waitress 都好好禮貌, 我就係睇中左佢地用黎refill 飲用水0既玻璃瓶 , 之後響costco 睇到馬上入手 ~~ 值得一提0既係, 佢響洗手間0既抹手紙, 紙質好到不能~ 係用黎抹水晶擺設0既最佳選擇 ! XDDDDDDDDDDDDDDDDDDD
牛柳沙律

雞意粉

燒海鮮沙律

有機燒雞配檸汁甜粟米

離開 Penlican Grill , 我地去左附近一個小Mall, 去一間叫Trader Joe’s 0既小型超市度行下, 呢間店類似香港0既Oliver’s , 最正係佢有好多酒賣, 價錢唔貴 ! USD5.00 都有一支幾好飲0既Napa Valley 750ML 出品.




大約行到4點多, 我地就打道回府, 比Michelle 執一執行李, 準備去機場. Michelle 要返溫哥華, 佢好乖, 因為要陪個老豆, 有直機唔坐, 陪老豆去芝加哥轉機再黎羅省, 所以而家返去都要轉機, 要成十一點幾至可以到溫哥華.

夜晚阿姨0既朋友請我地去食韓烤~ 十年前我響羅省一家韓國住家度食過, 十分掛住個牛肋骨. 是夜我地去左大學區0既 Korea House.

我地叫左D牛肉, 牛肋骨, 因為叫0既係套餐, 所以仲有湯同飯配埋. 最特別係一個蒸蛋. 佢有別於中式蒸水蛋, 佢蒸出黎唔係滑/ 平面0既, 係好puffy 好鬆咁, 個面好似豆皮佬一忽忽咁 , 但用匙畢黎食時, 又出奇咁軟滑~~ 佢地0既烤肉亦比起香港0既厚身好多. 飯後每人黎左一碗肉桂茶 , 我最怕肉桂, 所以無飲過.



蒸水蛋


好滑~~




食完飯, 去左阿姨朋友度坐左一陣, 就番左屋企囉~
是日教訓: 千萬唔好戴contact lens 去食韓國燒烤 , 仲要坐響爐前面.

自我放逐2009羅省篇 ( 1/11/2009)

是日星期天, 阿姨唔去做禮拜, 帶左我地去golf club 度食早餐 ~ 呢個golf club 好靚, 環境又正~ 早餐大約要7-10蚊美金一份. 但食埋服務同環境 , 賺左囉~~




迷迭香響羅省呢度係野草, 玫瑰花更加係多到乞人憎呀~


食飽飽之後, 阿姨就同我地去左 DESERT HILL OUTLET 度行街買野.

一開始一行五人就殺左入Coach , 然後係 Furla , Bottega Veneta , Tod’s … 舅父只係掛住買野比老婆同D女, 買完喇 , 就喊累, 去左food court 度坐~~我同Michelle 就再行其他0既店. 經過 Gucci , Burberry , “飛甩雞毛” 人頭湧湧….. 全部都係黑頭髮0既東方人, 我地都無入去 , Michelle 最後卒之響St. John 度買左一隻黑金色的手袋, 好貴氣的~~~ 我就響Godiva’s 買到一隻mark down to USD9.99 0既 Halloween Teddy + choco , 響Kipling 買左幾隻輕便旅行袋 / 斜揹袋 / 手提袋 . 阿娘就豐收喇, 買左3隻手袋 , 又買左一隻輕便小手袋比我 ~ 是日我仲去左扮駱駝 …….

事緣我入左去GUESS OUTLET STORE, 見到一件麠皮褸好靚, 抱住 “埋黎睇埋黎揀, 唔買都著下” 0既心態, 著左件野上身……
" 好靚啊~~ 著得我好瘦~~~~但都係唔買 ”
除左件野落黎就知瀨哂野…….
我成身都係一粒粒0既駱駝毛球 !!!!!! 我仲要係著黑色衫 !!!!!!!!!!!!!!!!
嘩~~ 淨係要整乾淨D毛球, 都有排攪喇~~~ 仲要比阿娘鬧 ( !!!!! ) 我頂佢唔順, 問佢 :
嘩阿羊太, 家下我成身毛, 你唔係應該鬧個舖咩 ? 做咩鬧我? 羊太呆一呆, 可能知咩事, 即時收左聲~ XD
因為羅省早2日較左鐘, 所以到四點幾已經係黃昏.
我地去左附近0既麥當當食/飲左少少野, 然後就返歸~~ 點知響車上面睇下個outlet booklet , 原來入面有一間蟹樹Crabtree & Evelyn outlet !!!!!!!!!!!!!!!! 飲 ~~ 恨 ~~ 呀 ~~~~~~~
( 算 !!! 我返香港等佢 private sales ! 哼 ! )
是日響呢度無影相, 全力血拼~~ 所以只有一張日光日白相+黃昏相~ 一切盡在不言中囉~~




晚飯去左弘城 , 但D味精極度多+利害, 我訓到半夜就喉涸到咳醒左 !!!

自我放逐2009羅省篇 ( 31/10/2009)

今日一早, uncle Wilson 就帶我地去大學區0既farmer’s market 度行街~~ 好開心呀~~好多得意農產品同花果賣~~ 我見到有洛神葵枝條賣, 講真, 如果我響羅省住, 我一定會響屋企周圍種滿洛神葵. 另外, 有好多印弟安人0既檔口, 賣一D土產物品. 有花檔, 亦有沙漠植物, 應有盡有~~
橙縣又點會無橙呢.....

洛神葵枝條, 我估係用黎種卦.....

因為食得0既係呢一部份咋嘛 .......

香草小苗( 唔平架....)

沙漠植物



行左一個鐘左右, 就應阿姨朋友邀請, 去左 Diamond Bar 附近飲中茶 ( 講真我唔係好想去的…..) 飲完茶, 阿姨知我地心意, 就同我地去左South Coast Plaza 度行, 我同2個表妹, 入左D店度睇野買野, 我響Banana Republic 買到一對唔使拉拉鍊+好想要0既款式0既黑色長靴, 好開心~~可憐Michelle 只係過黎3日, 佢仲未買到野, 好失望咁. 佢本來想買一對金色平底鞋, 點知又無佢個碼, 唯有走頭喇~ 然後大家響bed and bath , Seropha 都買到一D野用黎做手信, 我就買左一盒化妝錦盒比好友Meling , 佢成日都拎D好野比我, 我又唔係好識買呢D野, 希望佢會中意喇~~~
長靴遮象腿~~~~ 無拉鍊+高跟+尖頭 , 賣飛佛~~~~

花友們手信~


夜晚我地去左食日本菜, 地點當然係 Taiko 喇~ 呢一間店好食價錢又經濟, 我成世女第一隻食落肚0既加州手卷就係響呢度食.

我0既加州手卷 , 佢入面係真蟹肉+蛋黃醬, 由頭full到落底的~~

魚生拚盤 :


是日唯一食入口0既魚生就係八爪魚~

蛋黃醬焗大蜆 ~

日式燒汁雙拚 - 雞+牛

自我放逐2009羅省篇 ( 30/10/2009)

30/10 , 阿姨的一個朋友, 開車接我地到CARLSBAD 買野~~ 呢個outlet 離阿姨屋企大約1小時車程, 唔係太遠.


呢個outlet 好好行, 人唔多, 無乜遊客, 可能係”名店”不多, 比起Desert Hill , 差好遠下~~ 但我好中意行呢個多過Desert Hill , 有我最愛0既Le Creuset ( 飲恨…….) Coach ( 大豐收 XD) 天鵝仔 (又跌錢) . 不過因為只係第一日開始行街, 呢次去我買得唔多. 只係買左一隻 Coach 手袋 , 一套運動衫咁大把 .





午餐係去左outlet入面一間意大利餐廳Villa Fresh Italian Kitchen



呢間餐廳入面有一個酒窖 , 但因為當日有人book左酒窖入面做event , 所以不方便拍照. 食物好一般, 什至有d 偏鹹, 加上係意大利野, 個意大利粉都好膩下.
海鮮意粉

凱撒沙律配燒雞

麥包公司三文治


買完食完野, 我地就返去屋企0個頭, 經過Macy’s 就入左去行, 見到Martha Stewart 0既廚具counter, 我當然入左D貨喇~~ D野好平呀~ 如:
1套28支香草連架 @ USD39.90 ,
鹽+胡椒連研磨器 @ USD9.99 ,
仿Le Creuset 噴油壺 @ USD9.99 .
最後我買左spatula , 噴油器, Silicon 隔熱膠


返屋企前去左99 超市買左D龍蝦同豆腐打邊爐. 龍蝦好新鮮, 大大隻又游水, 我記得臨行前響香港同舅公飯聚, , 舅公千叮萬囑我 : 你記得要去買新鮮龍蝦打邊爐 !! 記得記得呀 !!!

番到屋企後, 我幫忙洗野準備, uncle Wilson check 左 舅父班機之後, 好老定咁話 : 未到呀, 等左陣再出門口~~ 言猶在耳 , 阿姨手電響起…………舅父來電: 你地仲未黎呀 ???????

即時有人9秒9衝左出去………

半小時後, 車房門響起, 舅父返到黎囉~~ 阿姨同LISA 同我, 響門口拎住D假花絲fing fing 下, 大叫: 返影 , 返影, 返影奸鍊~~~~~

舅父仲威過溫家寶呀~~ XDDDDDDDDDDDD

是夜我地打邊爐, 佢地幾姊弟聚埋一齊, 真係好開心~~

自我放逐 -2009羅省篇 ( 29/10/2009)

29/10 積媽同阿娘響2點多就入左機場禁區,響入面閒逛同埋check 一下D shop list 價錢, 以免在米國買貴左野.

架機響預定時間開出, 吽左十幾粒鐘之後, 於同日2:00pm到達美國羅省. 過入境署及海關都好順利. 是次uncle Wilson 同我地同一班機回羅省, 所以阿姨不用去2次LAX ~~~



離開機場我地去左唐人街買雞, 因為阿姨身體唔太好, 阿娘好緊張要佢飲多D湯, 所以我地去左唐人街買左3隻雞返去煲湯~ 然後去左小日本逛, 昔日的日本瓷器店貴氣不再 , 貨色跟十蚊店的沒兩樣 ; 走入昔日的八佰伴, 已經變成了一間日韓超市, 不再燈明火著~ 但不失驚喜~~

唐人街變化不大

韓國燒烤用牛骨

松茸


晚餐我地去左”李錦基越南菜館” 度食, 可能係剛開店關係,店員都懶懶散散的…. 湯粉來到時都涼掉了 , uncle Wilson 發揮其一貫不平則鳴本色, 成功取得熱湯一碗. XD

食完湯粉我地就返阿姨屋企. 記得十年前, 阿姨與我經過Tortoise Rock , 阿姨跟我說 : 有一日我要響呢度買一間屋. 十年後, 阿姨何止買到Tortoise Rock 的屋, 什至比此地再高級呢, 可喜可賀呀~~~

回到家, 見到LISA , LISA 長得好高了~~ 十年前我們還跟她玩樹熊遊戲 ( 她像樹熊一樣鉗實我, 我則放開手由得佢響我個身度扮樹熊) . 回到家, 當然要分贓啦, LISA 拿到 I phone 手機套時開心到不得了~ 阿姨拿到阿娘帶來的花膠,海味,都開心都不得了~~ 最開心的, 還是三姊弟過多一天就要聚頭~~

晚上梳洗後, 我倒下床就睡著了, 想是壓力大, 現在可以鬆一鬆, 就馬上崩潰昏睡下去………