玩乜Q - STENCIL (1/2)

早年響加拿大帶左好多手工藝野返黎,不過用途不多, 所以一直丟響樹無理.

今日搵開野,又找番隻箱出黎 , 發現自己極多呢D "庫存".

好多都係我中意0既長春籐,





其次就係玫瑰花.





呢個 KEYBOX 係響夜冷店用 $10 買回來後再加工. (好明顯係對顏色份量控制得唔好.)

食乜Q - 南記飯店

為多謝好友顏先生幫忙, 所以請佢去南記食飯 ~ (無錢請人食好野喇 ~~~)
到達南記後馬上叫了一個四人套餐 $268

潮州鹹雞
潮州人自有他的秘方, 把雞做得黃澄澄 ~~ 皮脆肉又嫩~


潮州芥菜
這是我的至愛, 只要有一煲,我就可以不停地伴著我最討厭的白飯連幹幾大碗 ~


蝦蟹棗雙拚
蝦膠撻至極起膠 / 蟹肉用腐皮卷好,加入馬蹄五香粉等等調味, 再炸至金黃色 , 好鮮味 ~~


胡椒豬肚湯
潮州名物, 無野好講 ~


潮州魚麵
其實我唔係太中意, 好油膩~~ 不過料多又新鮮, ok 喇 ~~


綜觀質數無話跌得太多,但價錢就真係貴左好多,之前200都唔使.

響等緊野食時, 見到呢張野, 幾好笑 ~~

新屋進度 - 9成半

昨日辦完公事後,又要為新竇口奔波.....
先去叩記取鏡,一塊橢圓,一塊圓形,一塊長方形.
然後到裝修街, 去更換櫃門把手, 轉購stopper.
因為效果不好,所以要再買牆紙,又盛惠數百大元(打死呢幅牆我都會用佢廿幾年!!!)
回到新竇口, 王師傅正為廚房安裝濾水器, 屋內已打好水晶地蠟, 一共打了四層.師傅們都脫去鞋子才進屋.
我看過所有櫃的把手, 感覺及效果都比我想像中好 ( 好怕配襯錯野 ), 其中最好的是梳妝台及飯廳地櫃.好濃厚鄉土古董氣息 ( 即係老土囉 ~~ 0岩我呀 ~~~)

我在門鎖店購物時,"又"看到心儀的把手款式,打電話問師傅是否都安裝好 ,師傅可能知我d衰野 ,說道 :
都裝好喇 ~~ 陳太你襯得好靚喎 ~~ (其實可能是要我死心:裝好喇,唔好改喇)
於是 , 我又樂上半天 , 把心儀把手丟到九霄雲外 ~~~

離開竇口後,我們到九龍宜家傢俬會合好友顏先生,憑他的公司會員証取小便宜,買了床褥,餐桌,餐椅及梳化床,雖然只是少少折頭, 但都是 $$$ 來的.老實說 , 除了結婚,我們從未如此花錢過, 幾千幾千的付出去.....

星期五,我們會把另一堆東西拿出去,請師傅替我們在牆上鑽孔,把畫呀相呀甚麼的都安置好. 大夫也約了煤氣公司開喉及安氣體爐具.

29號是星期六,我們都約了傢俱店,梳化公司 ,燈飾店在那一天送貨.希望盡量在那天把大部份東西都安置好.

背後故事

早前一個未成年女孩誕下嬰兒, 由24樓丟落街,嬰孩當然係死左,女孩都被捕.
當時好多人都話 : 殘忍呀,不負責任呀,無血性呀,令人齒冷呀 .....
今天報紙報導了慘事的背後, 女孩是因姦成孕 , 無辜的嬰孩也就是老人家口中說的 "孽種" ,經手人被捕,女孩不知以後如何生活及面對他人.整件事,沒有外人可以再出聲.

好多時,我們看事都是很表面的,然後肆無忌憚的加入主觀的感覺,評語, 把當事人定位.

在不少新聞組都可以睇到唔少人,對不同網友自家的煩惱有不同態度. 我自己採取的,是不會插咀,不去評論. 家家有本經, 局內人都理不清時,外人憑什麼去比意見? 現實就是現實(電車男故事是虛構的 , 別當真好嗎?) 再者, 自己沒有碰上過類似難題,只可說是比人家"幸福"一點,但不代表是人家有問題 / EQ低 / 蠢 / . 說穿了, 只是自己不濟事,沒有人家如斯多經歷. 口多多的加上主觀情緒+意見,被人當炮灰是不值得可僯的一回事. 因為 : 除了當事人,別人沒資格去品評.

我曾被婆媳問題困擾了好一陣子, 當日有不少人自認為做了救世者,向我呢個不知所謂的新抱開火, 什至把大夫都拖下水去 , 認為大夫亦不配作為人子. 我對此等評語都只覺得無奈.
世上幸福人多的是, 但在那一刻卻不是我.
版上寥寥數語,在不少人心目中我是要不得. 但無人會去問我 : 你真的想拎刀去劈你家 LULU 麼 ?
一部份的(沒有對我說任何話的), 是絕對明白我為人的 ,知我是要出氣. 我很多謝朋友們的諒解
一部份的(當場轟到我落花流水), 不太了解我, 將心比己就覺得我不要得. 我亦對此等朋友所造成的不安致歉,因為佢地的想法是正常的.
少部份的 (一個而已) ,活脫脫認為我是狼毒婦人,什至"突然正氣",認為在奶奶死後仍叫佢花名是非常不孝的舉動.於是,在三年半之後,響自己 BLOG 大數我不是.

每一個人都有背後的故事,在將人家定罪/定位前,先看看自己有甚麼能耐,去評人家對錯?

在我奶奶仍可用言語去表達自己意思的時候,我跟她早就了結恩怨 .她對我跟大夫當日結婚時,朋友們的一舉一動都瞭如指掌. 她好清楚誰是 LULU , 好清楚我心中想什麼,亦好清楚看到朋友的咀臉. 然後, 我跟她交換了大家背後的故事, 我很清楚地記得 , 當日是2006年7月21日.

當日跟我一起瘋的人,如果四年後指控我可以令你覺得自己是救世者的話, GO AHEAD ~ 我只係進一步睇清楚你是一個多虛偽的人.

新一年願望

將個 blog 入面 "呻乜Q" 呢個TAG除左佢 ~
成世人都唔知有幾多日子過, 成日呻/為無謂人動氣 / 唔開心都係化不來的事.
所以,唔好睇0既野我唔再睇.
所以,無聊人就忘記左佢.
所以,無意義0既 BLOG 就唔好去睇

可以嘛 ?
我覺得可以 ~

新屋進度 -

今日明日會 "車"地面打水晶臘.戶外棚架都已拆掉.
然後 , 就會安裝小型五金件 / 掛勾 / 架 / 鏡 .
早前挑的櫃桶把手 , 因為有一種師傅認為太大隻 , 所以到裝修街再挑小一點的~ 最後挑了之前好友M 極力推介 LAURA ASHLEY 款式~
本來師傅替我挑的都很漂亮, 奈何找不到合心水顏色 ....
( 類似款式 , 相片摘自某網站 )



星期三就可以入屋睇一下,再準備好要師傅安裝的配件, 就應該可以完工了.

裝修完工 , 我想最開心的, 應該是鄰居 V 先生 ~

充實星期天

1. 早上起床後先去德福買層板,腳踏椅子, 順便吃點東西.
2. 出去新世界中心 towngas avenue 訂購聖誕大食會食品, 昨天是最後一天有優惠呀 ~ 可能早上吃東西不多, 於是到恆香棧試一下其燒味~ ( 好友 aska 送我的優惠咭又用上場~)第一次食此店燒味 , 都好OK呀~~ 湯都好好飲 , 真係無味精 ~
3. 把車泊在九龍城, 坐公共小巴到大角咀去買鏡. 按師傅話: 廁所要用 "白鏡" 於是造了一塊圓形(客廁)一塊橢圓形(主廁)及一塊長方形 (客房)
4. 步行回旺角裝修街,去看門制及燈後同大夫分道揚鏢 , 我去配櫃桶把手+行花墟 ,然後相約在新竇口內等.
5. 晚上與老爺食飯 ~ 又飲西洋菜湯 ~ 今次好D喇 ,佢用牛腩去煲 , 無咁寒涼 ~