九號波 - 鸚鵡

今次呢個九號風 , 實在恐怖 ~ 我諗如果當時我地仲響西貢度,老陳一定會上演生死時速-風眼餘生記~ 開車漏夜逃離西貢.
可能係打風前0既天色特別靚, 而且打風前一晚,屋企周遭安靜得嚇人.風聲狗吠虫叫通通都無.通常呢d就係打大風前0既" 訊號".


第二日一早, 我地就帶埋3貓,一大早未有風雨時,就出左去省城竇口.
出到去第一件事就梗係上天台收拾一下,根據上次八號波0既經驗 , 將所有會"飛"得郁0既野,搬左入屋仔先.因為早前2日已經將所有花+植物移入花架入面,所以都唔係太多野整.
大約十一時開始,d風就黎喇 ~ 係嘭嘭聲 , 唔係呼呼聲.... 然後眼尾立到左野飛過 .... 再望真d, 又睇唔到係乜;再睇真少少 .... 天台上面有一隻燈罩無左@@""""
街上面無乜人,風大雨少,好清楚咁睇到d風係由四方八面咁黎.
一直到下午2點,就掛左九號波喇 ~ 風聲依舊.
大約去到五點,出面靜左好多,我又好擔心西貢入面,所以就驅車入去睇一睇,因為睇個勢當晚都唔會再入番去.
開車去到安達臣道口,開始好大霧,然後有好多昆蟲響度飛,係好多 , 成個天都係 ! 睇真d原來係啡色的蜻蜓.愈入就愈大霧,返到入西貢屋企,一落車, 好翳焗,無風 ....就好似回南天咁.清一清渠口及拎左一d日用品之後,我就出番去,期間聽到原來風眼就在西貢登陸了.
出番去九龍城,想去街市買少少野....乜都唔開.去買d燒味喇,無開,咁去七仔買罐頭喇, 無得賣.
返到去竇口,老陳仍在訓,3貓亦在訓 (我真命苦...)
到晚上九點多,真正的黎料了~ 風大得嚇人,窗門都在動. (西貢還利害哩,另述)
整晚都在留意天文台的報導,最後都是失望了~星期六還得上班.

食乜Q - CERES BOULANGERIE ET PATISSERIE

好長又唔知點讀0既店名.
我通常會同人講 , 福佬村道間高貴餅店.
佢0既蛋糕,我覺得係最靚最合理價錢.用料亦靚,蛋糕甜度不高.看得出餅師有花心思在蛋糕上.
至於麵包,亦用料十足. 不同時令有不同麵包款式. 新近買過一隻"裸麥黃梅提子合桃飽",索價$23. 但用料多到令人咋舌,小小一隻麵包 , 差不多有半磅重 ! 我食左成3日,至食哂成隻包.當日售貨小姐替我切開四份,第二天拿上手就覺得售貨小姐實在太不細心..... 那麼 重+多料的麵包,該切成六片才對.每吃一口,都有提子黃梅及合桃 (是每一口呀! )
你說 "太貴了吧..." , 對~ 比對起價錢,絕對是九龍城之冠,比A1還要嚇人. 但用料及質數也是整個九龍城之冠呀~~ 一分錢一分貨,比起食空氣 / 澎脹劑的坊間麵包,更加是沒話說.

身住九龍城,麵包店有很多,櫻桃/美心/豪華/A1/聖安娜,有平有貴, 但食落肚0既我唔會難委自己.
CERES BOULANGERIE ET PATISSERIE
tel : 2716 3383

無禮電郵 (二)

其實呢個電郵令我反感的不只係有無表明身份 / 自我介紹的問題, 最大問題反而係內容及發電郵者的心理質素.
大約係話某已退休的老師某年某月某日在學校範圍內被人惡意破壞, 發電郵者將重點放在 :
1. 老師的二手車是跟校長買的,暗示他倆關係好 / 老師可能擦校長鞋
2. 老師的教學態度太嚴令學生難受所以車子遭殃被人破壞.
3. 校長+老師查不到是誰做的破壞,因為仇口多所以查唔到.

睇完之後,我覺得呢個人唔係想撩交嗌 ,就一定係白痴 :
1. 呢d二手車買賣事件發生時我已畢業超過十年, 同我講做乜?
2. 當年老師買二手車係因為太太誕下新生兒,需要一部車子方便出入. 新車比較費不化算,而且家中多了嬰兒支出也不少.
3. 老師教學態度如何, 跟學生蓄意的刑事毀壞拉不上關係. 老師只係 "我要做好呢份工" ,而學生則係幼稚及任性, 為左自己一己之私而去傷害/破壞他人財物.
4. 係唔係仇口,要睇下邊一方面出問題. 校長方面,我不與置評,因為我畢業時佢都未做校長. 至於老師,則係公認有理想及肯與學生溝通交流的好老師.我記得我們一班同學,但凡有婚嫁嬰兒滿月等喜事,呢一位老師一定係座上客. 佢唔係自己黎,係我地邀請佢黎 ~ 當年校園中風雨飄搖,我們所敬重的老師,寥寥可數.

而家0既人,明辦是非黑白的能力低至此, 怪不得傳媒早前曾說 : 香港己死.

又黎網上禮貌

響電子郵箱度收到一個陌生電郵 , 應該係我唔識0既母校學弟 / 妹.
響電郵入面, 一面倒起我底問我野 , 卻一d都唔交待下自己係乜水.
入屋叫人入廟拜神, 係人都識架喇 ~
好啦 ~ 係咁以回下佢,寒喧一兩句,問下佢係乜水. 好可惜呢條友鬼祟得完全無視問題,再一輪咀係咁鬧miss 同 阿 sir...
攪一大輪,都唔知佢係乜水.
最後, 我delete 佢0既電郵.
一d禮貌都無 ,連自己係邊個都唔敢講 , 哼 ~ 無出息 !

Q 花園 - 繼續村姑

星期日一早去左花墟, 撒賴地拉左大夫入去飲茶 ( 即係TUM 左佢去花墟 ,TUM 埋佢去泊車後夾硬捉佢去飲茶).然後買左一大盤金錢草同埋2棵太陽花 , 去賓賓拎埋幾包泥, 就打道回府去~ 因為下午約左朋友去睇免費戲, 所以村姑計劃分左上下兩部 ~


瓜苗大棵左好多 ~~~ 要上架喇 ~ 所以用我三腳貓功夫 , 扎左D野 ( 因為實在說不上係一個"架" / "棚" 囉 ~
一點鐘扎 , 瓜籐響6點半已經捲住支竹 !!!!


因為太熱喇 , 所以扎左野之後,即刻入番屋入面. 坐左一陣就去睇戲.

係朋友M 0既好帶歇,佢老公公司包場睇盜墓迷城III , 有免費票可以比我地去睇 ~ 另有POPCORN + 汽水,大夫極喜 ~

因為晚上有跳水(分分鐘係老爺頒獎比新抱仔耶~~) 及女排大賽 (中國大戰東洋魔女呀) 所以睇完戲就同 M 分手,去家鄉雞買外賣返屋企食 ~~~
返到屋企食完野未有野睇 , 實在又按捺不住, 將8月8日下種的苗仔,搬左一大堆落盤 ~~ 生唔生都好喇 ~ 忍唔住嘛 ~



星期日,就係咁過喇 ~

自言自語 , 可以不理

拎人地d野,都要問下自己有幾多斤兩.
有0既, go ahead ~ 我比哂你又如何~ 我不嬲都唔中意同人爭野.
無0既, 等死囉 ~ 不過唔好比我知喎 ~
一係就等自己認清哂26隻英文字,至好黎拎我d野.

乜頭乜路都未知就學人出貨,都未知個死字點寫.

淘寶之外

在網站淘了一大輪之後 , 當然就是要付費了~
十年前 cut 哂所有咭之後的我,當然有難度,於是央大夫給我付費~
兩公婆攪了一大輪,還是付不成 , 螢光幕上老是打出failure 字樣,心灰啊~~
於是又再問這問那的,在軒軒媽馬總的提點下,終於成功地付了費.
折騰了一大輪,賣家打包好了東西,日內就要付運了 .

唔知0既,真係以為我倆是電腦白痴 ......