咩世界呀 ?

一眾尊貴議員,唔該有番d修養喇 .
點都好,郁手郁腳就係唔0岩,掟野吵鬧呢d,只會響街市出現 .
如果真係文明人,真係為香港人謀福祉, 唔該收歛一下.
都唔知選呢d人出黎做乜..........

阿曾生 ,所謂生果金,一直以來係香港政府唯一可以回饋長者0既福利,區區數百,令長者知道香港政府並無遺忘呢一群人.而家你話要資產審查,不如你地自己審查番,呢一班長者為香港付出左多少,比過幾多稅,同香港修左幾多橋築左幾多路先喇 ! 而家一人加左三百幾蚊,唔係好大件事咋嘛 ? 一百億都可以面不改容拎出黎 ,反而同香港一齊成長,一齊建設香港0既長者,就要為左幾百蚊好似乞衣咁同你拎 ?

Q花園 - 新成員 "小紅楓"

當然又係響園藝網中左毒喇 ~
好可愛呀~ 小紅楓同飛機仔應屬同一科但唔同種. 佢係小葉,飛機仔係大葉.

另一邊廂飛機仔出花蕾喇 ~ 又可以有種子喇 ~

Q 花園 - 野草一棵

其實只係響唔知邊一盤植物度發現佢生響側邊 , 好似三葉/四葉草咁, 養極都係咁細棵(種左有3個月,未大過) 最近發現佢有花蕾!!! 期待佢開花 ~

其實我覺得種野係一種情趣,唔會因為花草0既價值而有所影響.我幾中意響路邊"執"野返屋企種 , 如呢一盤怪草, 蔦蘿 , 仲有其他形態不錯0既不知名植物我都會執返屋企種.

Q花園 - 素燒人偶

終於搵到喇 ~~ 好開心 ~~~ 2 個款都咁可愛 !
@$10.00 ( 吉之島十蚊店 )

舞台皇者

其實唔係睇低現今0既歌星,而係....實際上再無人有梅張二人般0既氣勢 ......

茶客吹水數則

星期日同大夫又去花墟飲早茶,貪其十一點前埋單有折頭 ( 唉~果真係老夫老妻了....).
隔離檯有三位阿伯, 對話如下 :
阿伯甲 : d 人都係自己拎黎0既 ..... (繼續咬佢0既叉燒包)
阿伯乙 : 咪係囉 ,都黐x線0既 , 賠比佢喎 ....哼 ~ (拎起杯茶飲)
阿伯丙 : 嘻嘻 ......( 繼續睇報紙 )
阿伯乙 : 咁d人自己揀架嘛 , 輸左就要賠比佢喎 , 嘿 ! 贏左又點呀 ? 拎出黎分呀 ??? 挑 ~~~~
阿伯甲 : d 人就諗得好喇 ..... ( 拎起第二個叉燒包黎食 )
阿伯丙 : 咪係囉 ~ 嘻嘻 ~ ( 摺埋睇緊份報紙,原來佢睇緊風月版!!!!!!)

不遠處有2公婆響度食野,老公拎住報紙響度睇:
失 明 妻 滾 粥 淋 夫 下 體
疑 有 外 遇 　 施 毒 手 後 再 追 斬
老婆拎住壺茶, 都掛住睇段新聞唔記得自己拎住壺茶 ...
老公叫佢 : 放低再睇喇 .....( 眼神係死實實咁及實壺茶0既....)

同檯有慈祥老伯(我地係搭檯0既) , 我地叫左個碗仔翅,才八蚊雞,阿伯問 : 呢個係乜野黎?
我話 : 碗仔翅呀~
大夫加多句 : 八蚊碗咋 ~
阿伯 : 咁大碗 , 仲叫碗仔翅?? 我下次都試下.....

晚飯潮又黎了~

踏入年底,各親戚朋友又會返黎香港打個轉,Uncle Wilson 同 Uncle Geoffrey 呢個月尾會返黎喇 ~
舅公又返左香港喇 ~ 不過因為聲哥未有新地步, 所以去邊度食飯都係頭痕到不得了 .......