煮乜Q - 柚皮醬 (鹹)

呢個醬本來係我阿娘阿羊太整0既~不過佢D已經食哂~ 所以無相睇~
羊太版本:
材料-台灣柑皮 (切碎 / 打爛 ), 鹽
做法-一層皮一層鹽咁囉又係.... .XDD

用途-
1. 開熱水沖果皮茶,可以化痰順喉,止咳就未試過,唔知得唔得.
2. 加鮮檸汁及少少醬,可以用來做切雞的蘸醬
3. 蒸烏頭前洒上少許,可以提鮮
呢個醬醃漬時間較長,要差不多一年時間.

我又係用左D日本老柚,再加上橙色蜜柑皮, 2者都只要青皮部份, 切幼絲,一層鹽一層皮咁放~~~

煮乜Q - 柚子蜜 (亂咁黎版本)

又係另一個亂來0既食譜~所以,無份量亦無工序~
唔知成唔成功架.....
日本柚子0既皮係好香0既~我一直都好中意飲柚子蜜,明知係白糖+香味劑+果皮,都好中意買定一罐響屋企睇門口.....
星期六突發奇想, 響吉豬島買左2隻老柚子(放左響呢D咁0既區,有人買才怪....)返去將佢D皮切出來切絲,加入粉狀黑糖 ,放左雪櫃等佢自生自滅......

將柚皮切絲/ 條

用左日本0既沖繩粉黑糖

一層皮一層糖咁放....最後將皮及糖都壓實,將多餘空氣迫出來, 最上面一定要係糖而唔係皮,否則很容易發霉~


本來應該用"日向夏" 來做呢個柚子蜜,但而家唔當造,用住A貨頂住先~ 真係發左霉都唔會太肉赤嘛 ....
後記:
真係發左毛了~~

煮乜Q - 柚皮處理

自從得CK 介紹左點樣處理柚皮之後, 呢幾日都買左不同品種0既柚來試 :
泰國金柚 - 皮薄而且青皮部份不易處理,已經比我踢出局
中國沙田柚- 青皮容易處理, 柚瓢厚但易碎 , 都可以一用
梅州蜜柚 - 青皮同沙田柚一樣咁易處理, 柚瓢比較綿蜜細緻, 無咁易碎.




CK 仲話, 有時裕華會有一隻有機柚, 皮香易處理, 但可以係市場問題,已經無得賣.

柚子皮,有芳療及其營養價值, 所以青皮部份0既處理比較繁複一D ~ 主要係令佢無左苦澀味, 但青皮上精油仍可保存,達到食療功效~~
火燒後0既柚皮,黑墨墨~~ 不過用水浸一下,燒焦部份很易脫落.

去掉燒焦部份的柚皮,要不斷淼水,焦味才會散去.

路邊拾趣 - 野花

都係用充公返來CX3 拍的~
開完花收緊工的鳥蘿

龍船花

風雨蘭

馬鞭草0既花~



其實日常生活四周都有令人欣喜的事物~~~ 問題係自己有無去發掘及珍惜~~ ^.^

多謝CK - DIY 的紫雲膏

呢輪太多野做, 公私兩忙.上星期仲直落2日食左宅卡B薯條, 燥底到不得了.... 過左2日,出哂事,口唇不停咁脫皮爆拆...痛死人.....
本來一直都有用 BURT BEE' S 潤唇膏, 出現脫皮就會用KIEHL'S 0既LIP BALM#1 , 後者應有水楊酸,所以可以令死皮加速脫落 ; 但家下我由內而外0既燥熱問題,用乜都無用.... 情況無乜改善.
星期六我拎左D台長比CK , 佢又送左D DIY 0既小手作比我呀, 好開心~~~ 有2支護膚油同一支紫雲膏. 佢見我口唇爆到飛起,就叫我即刻開黎用.
我食完飯後,即刻開黎用,刺痛感無左一半~ 有少少涼涼地~ 如是者, 我一覺唇乾/痛就用. 用左2日,已經復元左九成了~~~
好多謝CK呢~~~ 你0既生活理念令我好敬佩,健康生活得來不易,但其實亦唔難做到. 日後要好好跟你學習喇~ ^^
***22/9/2010 後記:
用左紫雲膏當潤唇膏3日, 已經好番哂,到而家無再脫皮/爆拆~~~
我要學做紫雲膏呀~~

又到中秋 - 又係做月餅0既時候~

今年同以往一樣, 八月就去左二德惠訂左奶王餡,響九月做月餅用.
我一直都想學做呢隻餡,但坊間有好多唔同0既食譜,有蒸亦有炒0既方法,都唔知邊個得邊個唔得. 今年有好幾個朋友都比左食譜我,我一晚試一個,唉, 味道係0岩喇, 但未知入左爐之後效果如何呢.....
今年想試下新點子,將自家醃0既柚子皮糖加入奶王度.... 講真,唔知夾唔夾, 只係想試下如果唔用蛋黃,可以用D乜去豐富一下做得無咁甜膩0既奶王月餅, 等我有糖尿病0既阿姨都可以淺嘗一下月餅滋味~
好多謝各位好友0既分享, 我下年唔使心掛掛去訂餡喇~~ 又貴又唔健康~ ^.^
同阿杯傾完計,佢叫我試一下做綠茶皮奶黃餡.....
我自已就會試下做奶黃柚子月餅 .....
得唔得, 今晚就有結果了~~

食乜Q - 又係源吉兆庵 "陸乃珠寶" ( 過氣了)

我幾中意呢一間0既日式點心/和果子. 感覺好精細, 高雅.用來送禮實在一流~
無奈價位唔低, 唔會成日買來食喇~~ 張VIP咭, 都仲係得95折, 叫做平得幾多得幾多喇~
早前就買過呢粒野來食
陸乃珠寶
其實係阿歷山大提子糖漬後的小點,太甜.... 我會選擇食鮮品喇~ 大大包+大大粒, 都係$8X-$100 一盒, 呢一粒野, 就要成 $2X/粒~
( 照片取自 : http://www.kitchoan.jp/kisetsu/10005500.html )


講最欣賞0既,始終都係佢D果凍類,唔會喪甜~以前仲有雪糕 / 茶葉 / 小食賣,宇治綠茶係首選 ( 雖然我唔飲得, 但都冒死試過, 真係好野來的) 不過而家全香港縮淨佢響祟光0既一間分店, 好多野都無得賣了~