Q 的新 Project @ 2014

睇到十年前的結婚相, 我又要嘆一口氣了~~
雖說當年是極度不健康地瘦 / 瘦左就一定有問題 , 但而家又著實是肥得過份. 所以, 我正在一步一步地進行我的健康大計.
在學習煮食後, 我反而是食少左, 因為出面0既野唔好食, 自己煮0既, 又食極有限, 糖鹽油一律都少了/ 控制在低水平.
甜食嘛 ...... 坦白我不太吃甜 :
一來, 自己做的沒有慾望想食.
二來, 我其實怕甜的, 甜到牙都痺的感覺實在難受.
三來, 我家族有糖尿底, 實在不能掉以輕心~
所以, 其實我覺得我肥 , 並唔係因為暴飲暴食而引致.

健康第一步, 是介掉奶茶. 喝了十多年奶茶,能介掉麼? 可以的 ~ 循序漸進就可以, 我從來都不會要自己難受的. 開始時, 先用沖劑令自己的心癮減低 , 如果有頭痛/ 暈, 才去買一杯來喝.
三星期後, 我已習慣了一星期只"買"兩杯奶茶, 沖一杯粉劑. 剛過去的一星期, 只買了一杯, 及沖了一杯而已.

第二步, 是改變飲食組合及習慣.
先用麥片做一餐正餐, 增加纖維的吸收, 增強飽肚感.
我買的, 就是老人牌的原片大燕麥. 再用維他無糖豆漿沖好, 食時加入果仁及果乾如紅莓, 杏脯肉等等. 用豆漿代替奶, 是好多年前我在米施洛見營養師時用的食療. 我不太吸收奶品, 豆漿是草本食物, 屬植物性蛋白質, 我的腸胃比較容易接受 . 如果時間許可, 我會在街市的豆腐店買豆漿, 感覺上新鮮一點.
日常自家煮的米飯方面, 我是用白米+糙米+紅米+野米煮的米飯, 每餐大約是食半碗左右.
下午茶時, 我會食一隻萍果或一隻橙. 增加纖維的吸收.
再下來, 就是在晚餐時, 不再吸收澱粉質. 以我的體質, 在晚上只食肉類及纖維, 基本上是無問題的~ 我不太容易感到肚餓. 晚上也不會吃零食.

第三步, 就是運動.
每一次的瘦身失敗, 都是因為腳傷. 腳一傷了, 人就不動了~ 不動=養肥人了~
我開始會在夜晚飯後到公園, 急步走及慢跑, 由慢而快地逐步加快/多運動量. 姑勿論有沒有瘦身, 出一身汗總是好的~ 再者, 心肺功能也一定可以得以提升.

所以, 我在一整日之間, 早餐及午餐, 我會食我喜歡的東西. 澱粉質會集中在早上午吸收. 午後會集中吸收纖維及適量蛋白質. 再配合晚上的運動, 將要消耗的都消耗掉, 直接改善睡眠質素.

我不求瘦得多, 只要健康就好了~~~ 我希望自己今次不是得個講字, 真係有一點點成績給大家睇睇 ~~ :)

加油呀阿Q ~~

學藝之路 - 糖藝蛋糕

學藝之路最初是學糖藝, 後來發現只有外表沒有用, 沒有內涵的話, 只是一件裝飾品. 根本犯不著花五位數字去學這一門手藝. 為著對得住自己荷包的心態下, 跟不同的老師學了不同的蛋糕制作.
我去的 WORKSHOP , 大多是偏向法式烘焙, 用料仔細, 沒有添加劑沒有多餘色素. ( MACAROON  除外啦, 你也不會吃白白的 MACAROON 吧~~)
光是造檸檬蛋糕, 就有幾種不同方法,
今年的五月, 跟我一起學糖藝的同學 ELLY 結婚了~~~ 我也膽粗粗的嘗試造一個三層結婚蛋糕 及 一個甜品閣作為賀禮~~

ELLY 喜歡蘭花, 我就在WENDY LAW 老師處學了及造了一束糖花, 作為蛋糕的主題裝飾
蛋糕內餡是焦糖無花果合桃蛋糕. 我自己很滿意這蛋糕.

跟酒店的假蛋糕比較, 一點都不遜色, 何況我的是有外表有內涵

 因為要造呢一隻蛋糕, 所以在網上, 學到不少實用的知識.

甜品閣也造了我最常做的數樣點心 , 有 macaroon , madeleine 及 cupcake
CAKEPOP 是第一次做, 多謝JASMIN 及 MIMI 的幫忙~~~

款式不多, 但每一樣都是用料嚴緊的心血傑作.

Cupcake 是柚子 cupcake

 Macaroon 少不了~~

 朱古力 Madeleine

在數年間, 我對糖藝蛋糕的看法, 有很大的改變. 自己做, 無非是為了食得安心, 若在蛋糕中仍加入了有害的東西, 倒不如在外面買, 至少自己不用辛苦. 所以, 我造的蛋糕甜食, 會盡量少色素. 彩虹蛋糕我更加不會沾手.
結婚是人生大事, 是步入成人禮的一個重大關口, 所以一切公仔 / 人偶我都不會放在我的蛋糕上. 婚禮是莊嚴的, 我會從對新人影響深遠的東西上考慮. 盡量造到大方得體, 貼合婚禮主題, 新人性格.


註: 本人不是做生意的, 請不用查詢價錢 / 交貨.

另眼相看的萍果批

一直以來都不喜歡食萍果批 :
肉桂味太重, 萍果餡太甜太爛, 酥皮太油但又唔香.
見到 Rachel's Kitchen 有萍果批及酥學, 樣子太吸引啦~~~ 一定要學 !!!

我做的法式萍果撻  

烘得平均 light brown , 很漂亮~~ 

這是阿SIR的DEMO  

酥皮萍果批, 造形很漂亮, 入面內餡是半隻的白酒萍果呀~~ 

多謝 RACHEL 老師 及 ROLF LAU 老師的指導, 會很快給您們交功課~~~ :)

學藝之路 - 交貨

由2009年開始, 我就去學烹飪, 學烘焙, 學蛋糕裝飾. 最大原因是貪吃, 卻又唔想比錢出去食, 所以寧願出去學. 自己再煮來食, 五年後的今日, 証實我沒有投資錯誤~
另一個原因是, 羊氏 / 劉氏家族的天賦 , 應該點都有一點點遺傳吧, 不可能到我呢一代就灰飛煙滅煙消雲散........
於是, 由一開始的羊三味 ( 炒菜+蒸排骨+罐頭粟米湯) 慢慢演變成日今日的煮飯Q , 跟不同的師傅學藝, 就愈學得多技巧及食材處理方法. 到上一年, 我開始挑戰一些我唔中意食0既野. 大部份都令自己對某D食物改觀及接受 , 如羊肉, 鴨腿等等. 有好多時, 我唔食某D野, 係因為處理得唔好, 食材優點未能發揮. 學藝之後, 才發現: 呀.... 原來係咁樣0既味道~~~
坊間有不少 workshop , 但師資卻很參差. 我好麻煩的...... :
1. 是非多多的, 唔去
2. 導師惡名遠播的, 唔去.
3. 無商業道義的, 經常惡意中傷同行的, 唔去.
4. 剛新立門戶的, 唔去.

所以, 有好多好似幾出名的, 我都無跟過佢地學野, 在我來講, 1-3項的, 有時間唔去做好 workshop 教好學生, 而去攪風攪雨, 不去也罷.
第4項, 剛成立的工作室, 好多事都未能 run in , 水準不定, 要睇定D有學生口脾的才好去. 我並非大富大貴, 所有錢都要付得合理, 才對得住自己.

在學藝之後, 我第一次請朋友到家中吃下午茶, 心頭可能太高了, 時間不足好多點心都做不到. 希望下次可以補番~~~

學藝之路 - Rachel's Kitchen 烹飪班

在我學甜品蛋糕學得差不多的時候, 因偶然機會,好友Yvette帶我到Rachel's Kitchen上課. Rachel's Kitchen 由 資深烹飪導師 Rachel Yau 所創立, workshop好古典好漂亮, 牆上裝飾著帶點Vintage感覺的廚具杯碟, 令人感受到workshop主人對英式文化的喜愛及堅持.

起初只是跟Yvette一起去, 後來Yvette猝逝.... 在為她收拾東西時,我保留了她所有學藝的筆記. 然後, 也開始自己去報班,感受一下Yvette上課時的心情...... 我通常都會以自己感覺為準, 好的東西我會絕不放手, 最近剛在Rachel's Kitchen完成了四課的中菜基本班, 在Rachel 及 廖教賢師傅身上學到的實在獲益良多. 黎緊我仍會繼續報班, 為自己繼續增值!! 廖師傅教我的 , 夠擺一圍酒了 ......

慶幸

婚前真係唔多覺, 結婚後就好慶幸有好多基本野自己都識得.
我在婚前3年, 是自己一個人在村屋住, 本來原意係同前男友散左, 諗住要孤獨終老,早一點習慣未嘗唔係好事, 所以一個人搬到村屋去住. 以前同屋企人住, 起居飲食有娘親照顧, 我係幫忙做家務, 洗洗抹抹之類的工作. 到自己一個人住, 就乜都要靠自己 :
水電野, 先要攪清楚電箱同水錶總制響邊, 然後就係準備電筒及蠟燭火機以備不時之需. 然後,就係抄低水務署及中電緊急維修的電話.....
荒山野嶺,蛇虫鼠蟻總會有, 人地係原居民, 我就係outsider , 所以,避得就要避..... 硫磺粉大鐵鏟等等少不了. 最緊要, 係準備隨時見到面要冷靜面對.
屋企一定要有急救箱, 同埋有關比蛇虫鼠蟻咬到點樣處理.... 電召的士電話不能少. 其他的, 就真係要自己執生:
 試過黑雨晚上天花入水, 煲落熱水後就即刻爬上天台睇下發生乜野事, 屋內要有大量水盤接水, 亦要長期有雨褸用,我唔會蠢到拎把遮上天台扮避雷針的~~ 煲落熱水,係要在淋雨後馬上用熱水加薑洗澡, 否則會病倒.
停雨後,馬上到五金店買漏補王, 向店員查詢用法, 然後自己上天台修補.
 門口大樹長得太狠,要自己鋸樹,A字長梯及手鋸不能少. 否則打大風時好容易塌樹, 平時樹葉/ 花果掉下都會好麻煩. 其他的, 都不提了..... 人總要靠自己.

 我好慶幸,我屋企人將我訓練得好好, 以前會好唔開心,因為覺得佢地太偏心細佬,佢乜都唔使做, 我就做到PK.而家? 我好多謝佢地. 就因為有父母及長輩們的教誨,我可以一個人處理好多生活上的問題, 而且仲可以照顧埋我老公,令老爺奶奶放心. 我亦可以為自己平反左好多野,時間証明我唔係他人的負擔,而且更可以幫輕其他人及屋企人. 有時我見到而家好多人乜都唔識, 我有時真係想,如果我好似佢地咁,我而家會點.......

Q 的 LE CREUSET

我的第一件 Le Creuset 生鐵炊具,在2005年購入, 是一只GRILL PAN ~ 為了煎牛扒而買. 然後,陸陸續續地大大小小的鍋子就魚貫入屋.... (2009年開倉入手,我亦只有去過呢一次的開倉. 以後都唔會再去. 見識到一眾自私精批睜搶貨, 有目標地霸佔貨架不讓其他人埋身, 甚至推開嘗試埋貨架的人....... )

當年仍未有太多的人買呢種煲, 原因係重身, 而且唔平.以中式煮食來講, 實在用途有限. 打從早2年起, 因一眾 BLOGGER 狂煲, 人們都被佢0既顏色吸引,於是就開始癲了. 人癲....所以價錢亦一拚地癲了~ 年初, 在日本樂天見到最喜愛的 COASTAL BLUE 系列出了小小SACUE PAN, 連運費大約13xx , 貴嗎? 貴~ 但香港無得賣,所以敗了.

自此之後,不再甘心敗於香港癲價,衝出亞洲,去到美國.七月羅省之行,敗了兩隻煲返來.... ( 照片取自官網 )

另一不甘心在香港敗家的原因, 是因為在香港,買LC煲的女子已差不多是煩厭港女代名詞: 買一隻煲, 要驗屍咁驗, 甚麼黑點, 氣泡等等, 一律是 defect, 不能接受. 這股風氣, 一直漫延到世界各地去,我在美國逛店時就被先旨聲明 : 黑點不是defect~ FB有關LC煲的群組忽然多起來了, 我也有在此流連了一陣. 但後來見勢色不對,一來不想成為一眾有拎贊助的 blogger 造勢棋子外, 二來亦對佢地舖天蓋地為品牌"R"生意的雞汁post感到煩厭 : 一話乜野煲好, 就會去搶, 搶的人根本唔知自己合唔合用,最後就原價放出. 講煮食技巧, 感覺好.....新奇 (算我孤陋寡聞, 好多我都未聽過 ) 最後,我都全LEAVE GROUP了, 只留番一個交換, 明買明賣的群組. 也從網友中, 買來香港未有見過的橢圓buffet鍋子, 入貨地點是意大利 Amazon

在以為自己心如止水的同時,在美國時收到韓國代購朋友的短訊,問我有無聽過 Lilac Mist的心型煲, 剛好在美國給店員奚落了 (當我是去大量入貨的內地/香港人) .... 一見到佢咁講, 二話不說...又敗.....

煲呢, 其實真係買得差不多,喜愛的顏色都有了.加上已有一整套的孖人牌不銹鋼煲作日常粗用,其實都已經好夠用. 但硬唔知點解一見到靚煲, 個心又會狂跳不已.... 果真是敗家Q !