理論與實踐

早前我響天台0既植物度,搵到一隻響泥入面生存0既虫~幾肥美架~
最後當然比我殺左喇~因為有呢隻虫0既盤,植株都會半死/死哂~咁,唔使問阿貴,佢都唔慌係好野來~
當我貼左相響園藝館時,有D花友就話佢唔係害虫, 有D仲話佢係獨角仙幼虫 (嘩~我發達了~),然後,好多唔同資料/網頁等等去支持佢地所講0既野.
咁, 講真我又唔係太在意~因為係好係唔好, 自己知得喇~ 不過叫做通知下農友們,見到呢隻野時,自己決定點做喇~ 要講都講哂喇~
響尋日,本來話D虫係好野的人, 走出來澄清,話0個D係害虫來,言詞之間, 仲好似講到: 0拿我而家話比你知呀, 你搵到呢隻係害虫黎呀~ =__="
唉~一早都知喇,唔知0個個,好似係你地喎~
睇書睇相,人人都識,理論只係口講.
但要配合埋觀察,分析,再配合番所認定0既理論, 先至可以支持整件事實.
理論,分析,觀察, 缺一不可~否則整件事都會變成錯誤指引.....加上仲要響公開地方發佈,我個人就覺得有D不負責任.
不過,佢地都叫做負責任, 肯走番出來講番個事實,咁都叫亡羊補牢.

Q 的書 ~

以前我買書, 好睇就會買~
小說漫畫類, 我唔睇的~因為都係虛構出來,睇黎無意思, 攪到自己虛虛浮浮, 唔睇好過睇~
傳記,一DD喇~~我唔想做名人,所以興趣都唔大~~
靈修類,覺得好就會睇會買,所以都有幾多雞湯響度~ :)唔多唔少對我都有幾多影響.
技術性0既, 好似養貓呀, 龍貓呀, 影相呀, 做陶瓷呀, 種花樣樣都有幾本. 某D階段學緊D乜野,就會去買書睇. 當中最多0既, 係食譜~
早期好濫下~ 見到靚封面就買~ 相片多過字0既就買~ 買左之後返到屋企,發現好多字眼我都唔知係乜來.....
提拉米蘇???? 奶油?????? 起司?????? =__="" ( 而家梗係知喇.....) 當年台灣文化無咁緊要,真係唔知佢UP乜.
於是就放左響度無理喇~
到中期,開始會買一D 特別小小0既食譜:果醬, 醃漬類, 日本菜 (夠清淡,我中意) X年前,響PAGE ONE 搜購到一大堆little cook book ~ 薄薄的一本, 字多過相, 但易明又易做,@$15/本, 買三送一, 於是差唔多成系列都比我買齊哂~唔少野都係靠呢堆書整出來~ 後來,呢堆小COOKBOOK 出左中文版, 感覺又難明左.... (有時有D英文你會明,轉左中文反而唔知係乜....)
到真係學識煮野時, 就開始只會買幾個人寫0既書~~~ 集中都係SHADOW KWAN, BONNIE YVES,江獻珠同梁許安璞呢幾位. SHADOW 0既點子特別多,食物造型好高貴好雅緻~BONNIE睇得出係好真誠好無私咁去寫佢0既書,我第一樽造0既果醬,就係跟佢0既"戀戀果醬" 造出來, 當時我至知道,真真正正0既果醬,係好好食,唔係一味死甜喪甜. 至於江獻珠前輩, 佢0既知識真係令我大開眼界,D野整得好唔好食,唔在於佢係貴定平,鹹魚青菜唔一定遜色過鮑參翅肚,要由食材根本著手,處理得好,才是成功的第一步.江前輩對食材的專注及堅持, 真係令我好佩服. ANNIE 早期響星島每個星期日都有大版專欄教煮食,佢對於食材處理及品質亦係好嚴緊,佢教0既菜好適合宴客之用,最緊要係對於西方菜式講解得好詳盡~對於我呢個潮州妹真係幫助好大呢~(在我黎講,西餐=碟頭飯(XDDDDDDDD )
以上幾位0既書,有一個共通點,所有資料都有"一理通百理明"0既特點. 有時,我覺得煮野唔係COPYCAT咁造一樣野出來,而係要改良+發揮 , 就番自己口味,去造自己中意0既味道/ 食法出來.
我好中意與同樣喜歡煮野食0既朋友傾計,大家響分享自己0既心得時,好多時會出現新點子,新靈感. 大家有問題時,一齊傾又可以想到數個唔同0既解決方法 ; 我好相信,人上有人,天外有天. 人地講唔講心得唔緊要,有交流有溝通,就會有新0既想法~人地話你知0既,未必係最好~ "最好0既"只係主觀0既最好,並唔係人地0既最好~
我自己覺得, 最好0既永遠唔會出現,世界上亦唔會有正宗唔正宗0既食譜, 咁樣至會有永遠探索的精神及動力.

上星期, 我響大眾書局買左一本書,作者係何肖琼,何老師係烘焙界好出名0既老師, 我買左佢本書叫"烘焙教室". 書中內容好詳細,A4 SIZE 一共有220多頁, 1/5 係講解食材0既本質/構造及處理方法及工具介紹. 1/5 係講解基本功, 3/5 係食譜. 我覺得好好呀~~~ 雖然要成$188我都斥資買左黎睇~ 真係教到我好多野呢~~~

2010 秋播 - 沙律生菜

上年睇到不少農友種得好漂亮~~~ 沙律菜長得跟海底世界的珊瑚一樣漂亮~
然後..... 見到超市賣成天價才一小袋(小家鬼祟的一棵半棵....) 我呢D唔蝕底0既C拉馬上種喇~
尋日夜晚移苗~

煮乜Q - 秋葵食譜 (炒什菜?)

呢個菜係阿姨好耐之前教過我,今日煮過, 真係好好食 !
秋葵唔係人人都接受到, 尤其係就咁食,所以阿姨就教我將所有蔬果切粒,加煙肉一齊炒.....
完全食唔到滑潺潺感覺, 仲好香好清新呢~
煙肉酌量
紅洋蔥,各式西椒,蕃茄,秋葵,小粟米全部切粒



1.燒紅鑊, 放煙肉爆香
2.下紅洋蔥煮到半軟身
3.下秋葵粟米仔及蕃茄兜幾下(呢幾種要煮耐少少至會有益/熟)
4.下各式西椒,加蓋焗3分鐘
5.食得~
唔使下鹽(煙肉有鹽喇...)乜野調味都唔使落(好香架~)
今晚就係配檸檬焗三文魚喇 ~~

煮乜Q - 再講月餅 (自家小心得)

我做0既月餅,其實係2年前去二德惠學的~
餅皮好脆,話就話係"半島版本", 其實我覺得係2回事來. 我食過嘉麟樓同餅房2隻,D皮都係軟軟的~
餅皮份量如下:
牛油-50克 (室溫軟化,不可融化,否則焗好出來餅皮會易碎)
糖粉-30克 (不可用砂糖,打不勻會起黑斑,至少要用caster sugar,我就用icing sugar)
以上2樣,用打蛋機打成淡黃色霜狀

低筋粉- 72克
獅嘜吉士粉-8克
奶粉-12克
以上三種粉拌勻後過篩2次, 與牛油霜拌勻,

云呢拿油-1滴
蛋汁-12克
在拌勻粉+牛油霜時,加入蛋汁及云呢拿油.

當成粉糰後,檯面及雙手撒高筋粉,將粉糰分成8份.

餡料可包入任何味道, 當日學0既係奶黃餡. 240G 奶黃餡分8份,包入加酒焗過的蛋黃,搓成圓球狀.

用包湯圓手法將餅皮包實餡料,開口處向下

月餅模叉入去高筋粉中推幾下, 務求粉黐滿模片位置; 取出,在檯面上敲幾下,將多餘粉敲出來,以免影響餅面花紋.

將餅球用雙手修成高身,方便入模,然後將餅模把手向下按,聽到"得" 一聲,表示餅已離模.

將月餅模移向已舖紙的焗盤, 離盤面5-6CM (BASE ON 餅的高度, 我用5CM高的模), 垂直向下,推下手制,將餅推出.

掃上蛋汁及糖水,就可以入爐. 爐溫係220度上下火焗10分鐘,再轉170度上火焗8-10分鐘.

我就做左少少改動:
1. 唔掃面,咁個花會靚好多.
2. 轉170度時,順便響焗盤下加多個板隔火,以免太高溫餅皮急速膨脹而令月餅表面有裂痕
另一個作用係防止底部高溫令月餅又歪又塌 ( 底部太高溫會月餅底向外脹起變形)

2010 秋播 - 蕃薯苗重新開始

蕃薯苗響我天台,應該可以話係生得唔錯0既植物 :
易打理 (什至可以話係唔使理)
粗生, 耐熱
有益
響風季尤其好~~ 唔使搬呀嘛.....

見到佢有薯頭走左上泥面, 加上籐蔓開始見黃, 應該係重新出發0既時候喇~
星期六,就將佢地掘哂出來



做星期日0既晚餐及甜品


然後再準備大盤及泥,比佢地重新再開始喇~

煮乜Q - 上湯儲存方法 (最0岩懶人/忙人)及其副產品

而家多左自己煮飯,有時放左工又買唔到好/新鮮材料,所以響星期六日,我通常都會出街市血拚~
星期日一早,就去左相熟肉檯,買左一斤豬踭肉,加左隻冰鮮雞, 返屋企煲上湯~
因為d上湯用來做儲備,所以要慳地方+用少少就夠~ 豬踭肉煲出來味道好鮮,合哂要求~
冰鮮雞就要自去皮,去肥膏,雞脾/翼分別斬開再放入去煲.
煲出來,分到有9杯上湯~~

將佢地放哂入冰箱, 雪到變冰就ok, 當要用時,就拎一個出來倒入煲度加水煮開,就係好好味0既湯了~
將上湯雪成冰,可以放一段時間. 仲好易handle ,唔使放響雪櫃下格呢咁hea ~


煲完湯, d豬肉唔好浪費, 用CK 0既好介紹, 炒成豬肉鬆~
我無加太多野,只係下左2小包黃糖同洒左少少美極~已經好好味了~~~ ^^

食乜Q - 深水埗容記小炒王 + 石磨坊

星期六晚約左好農友小寶同大寶響深水埗開餐~ 當然係去飯堂喇~
容記小炒王而家有3間舖位,唔使等位等得咁辛苦了~~
是日大寶請客, 我地叫左幾個菜:
招牌燒肉

沙拉骨


北菇魚腐

天下第一雞 ( 唉~冰鮮雞真係點整都唔好食的.....)


食完之後, 行左去隔離石磨坊食糖水~
2位阿腥食埋D傳統野,無乜好影~ XD
我叫左個芒果撈河 , 小寶叫左個芒果蕃薯棉花冰


另外我地仲叫左2款小食share ....
香芒黑糯米卷



桂花同心糕


食完野,就同佢地一齊去行電腦商場,大夫比意見佢地去買電腦野/防雷劈裝置/WEBCAM..blahblahblah ....
最後走0既時候,又比我地響街上面執到2件好野 !!! 真係開心的一晚~~~

假期血拚去.....

因為屋企d野食就黎無哂, 又開始轉季, 所以星期日就出左九龍城執番d野睇門口....
難得閉關,要響屋企食哂早2日剩低0既野,先去街市買豬肉煲湯, 買d牛肉做餸~
最後買左2份豬爭肉,共重2斤... -_-""
一份煲左雪梨雪耳粟米湯


另一份+左隻冰鮮雞, 去左皮之後煲成上湯,倒落杯再放冰箱儲存,咁以後放左工買d魚片頭就可以淥到麵食~

煲完湯0既豬肉唔好浪費, 炒炒炒之後變成豬肉鬆 ...

然後去左相熟店家買左蜜紅棗無花果等湯料, 再去信得過0既中藥店買左d湯包 :
昆布海藻生地湯 , 健脾去濕補腎湯 , 靈芝黨參湯包


買左野之後睇一睇銀包 ....無哂錢 ......

一年咁快又中秋

今年朋友聚會約左響23/9, 因為夠時間去買野準備, 所以今年無叫外賣了,全部都係自己整~
早一晚先去買飲料,凍肉,沙律菜材料. 然後第二日去買鮮貨: 蟹,蝦,雞及普通菜蔬等等.
今次係我第一次整蟹, 無咁複雜, 清蒸而已 ~ 去街市檔口,買左8隻共重8斤的生猛肉蟹,因為已過中秋,所以價位都唔係太高, $80/斤,隻隻生猛多肉~

然後又去左另一檔買左2斤基圍蝦, @$48/斤.


雞檔D鮮雞都係合理價, $50/斤, 買左隻3斤重0既來做咖哩雞.
再去後面街買左D潮州鹵水小食 ~
返到屋企之後就一樣一樣咁整 :
洗蟹, 雪蟹, 蒸蟹


煮咖喱雞

備沙律料 ....

現成的火腿及風乾肉

尋晚焗左三底月餅,一底比阿姨, 另外2底比好友們食哂~XDDD 多謝比面~~

中秋趕貨

要吉番個雪櫃D位出來了..... 如果唔係星期四朋友來玩都唔知D野食放響邊好.....
早前到做一屋奶黃, 尋晚返到屋企趕工,一共烘左4底月餅.

做D柚子餡都無乜幾多剩, 無辦法之下真係要連D蛋黃都用埋.


牛油又用哂了,又要入貨了~~~
另外又做左10粒綠茶奶黃湯圓~今晚要去老爺度做節.....

煮乜Q - 綠茶奶皇湯圓

** 即將上場 **
阿Q唔止整餅, 仲要整湯圓~ ^.^

煮乜Q - 脆皮奶皇月餅 : 餡料測試

今年我有三種唔同0既奶皇餡
1. 二記 (以往0既選擇,因為唔識整) (中間方形)
2. 在網站上找到的圖文並列的奶黃餡制法 ( 圓形)
3. 好友秘方 ( 唔可以公開喇,因為講明係秘方,我只可以話有奶有蛋有忌廉,同第二條方0既做法及材料差唔多) (右邊方形)

今日下大雨, 於是我有大把時間去做餅 ~
入爐試左3種奶黃0既效果~~ 無問題至做"大貨"~XD
圓形 - 重69克
感覺軟滑,因為我一再減糖,所以感覺OK



中間方形 - 重52克
現成的二記餡, 好鬼甜.... 唔好食(唉,舊年狂食架我...)

右邊方形 - 重55克
秘方餡,我再改份量,加左D野又減左D野....感覺OK,蛋味太重, 突出唔到我想要突出的味道....不過響原有配方上減蛋,應該可以解決問題.




因為今日做0既餅只係TESTER , 試餡料TEXTURE及效果,所以個餅面乜野處理都無 ~