煮乜Q - 秋葵食譜 (炒什菜?)

呢個菜係阿姨好耐之前教過我,今日煮過, 真係好好食 !
秋葵唔係人人都接受到, 尤其係就咁食,所以阿姨就教我將所有蔬果切粒,加煙肉一齊炒.....
完全食唔到滑潺潺感覺, 仲好香好清新呢~
煙肉酌量
紅洋蔥,各式西椒,蕃茄,秋葵,小粟米全部切粒



1.燒紅鑊, 放煙肉爆香
2.下紅洋蔥煮到半軟身
3.下秋葵粟米仔及蕃茄兜幾下(呢幾種要煮耐少少至會有益/熟)
4.下各式西椒,加蓋焗3分鐘
5.食得~
唔使下鹽(煙肉有鹽喇...)乜野調味都唔使落(好香架~)
今晚就係配檸檬焗三文魚喇 ~~