煮乜Q - 上湯儲存方法 (最0岩懶人/忙人)及其副產品

而家多左自己煮飯,有時放左工又買唔到好/新鮮材料,所以響星期六日,我通常都會出街市血拚~
星期日一早,就去左相熟肉檯,買左一斤豬踭肉,加左隻冰鮮雞, 返屋企煲上湯~
因為d上湯用來做儲備,所以要慳地方+用少少就夠~ 豬踭肉煲出來味道好鮮,合哂要求~
冰鮮雞就要自去皮,去肥膏,雞脾/翼分別斬開再放入去煲.
煲出來,分到有9杯上湯~~

將佢地放哂入冰箱, 雪到變冰就ok, 當要用時,就拎一個出來倒入煲度加水煮開,就係好好味0既湯了~
將上湯雪成冰,可以放一段時間. 仲好易handle ,唔使放響雪櫃下格呢咁hea ~


煲完湯, d豬肉唔好浪費, 用CK 0既好介紹, 炒成豬肉鬆~
我無加太多野,只係下左2小包黃糖同洒左少少美極~已經好好味了~~~ ^^