食乜Q - 海南少爺

在上海工作的好友回港相約見面,比幾個選擇我呢個大鄉里.....海南少爺係第一個choice (呢個為食杯唔係想食都唔會排佢第一位喇......) 於是大約未夠七點 , 2條友仔就步入世貿三樓0既海南少爺.
門口有一大行圍欄, 阿杯話呢間野下午排隊排到癲~
入到去一坐低我就比頭頂個縷通花燈罩吸引住, 好古色古香~

是夜叫左主打海南雞 (八十幾蚊, 我地加左10蚊要雞脾)

肉骨茶 (一客 $72 , 2個人0岩0岩好. )

炒黑蘿蔔糕 ( 有黑色及白色2款, 侍應推介黑色 )

海南雞一如平常,都係有幾款野:
雞-OK架,鮮雞而且雞皮做得爽脆,無乜油. 伴碟青瓜好清甜.

油飯- 呢個好正~~~ 好香但唔覺得好油. 飯粒唔會聚成一大舊 (最怕食呢D),鬆鬆散散,等我食完一匙又一匙.....
油菜-灼到7-8成,菜梗仍然爽脆, 無渣. 個面唔知澆左D乜野醬汁,鹹鹹地唔知係乜.... 唔澆好過澆.
雞湯-用小茶壺盛住,要飲時至倒落杯度.保溫OK, 不過張檯唔係好大,好似太多野.....

醬汁 -黑甜醬油, 一般喇, 都係食開0個D味.
子薑茸, 做得好,用子薑來做,薑味香+重但唔辣.
辣椒醬, 同醬油一樣, 一般喇.

另外, 仲附上一小碟蒸蛋. 侍應話下層係蒸水蛋,上面蓋了一層皮蛋醬. 我唔食皮蛋,阿杯話齋食麻麻,撈飯一流~

肉骨茶, 用金屬小鍋上, 好香藥材味. 但湯味偏甜,感覺上應該偏辣會好d, 亦見唔到有蒜子/薑. 藥材叫做足份量, 肉骨頭都好食入味~


炒黑色蘿蔔糕, 係用黑醬油+雞蛋絲炒粒狀蘿蔔糕. 都係偏甜 , 我加左少少子薑茸一齊食, 感覺好d~~~ 中和到有點過左籠0既甜味.

埋單250幾蚊,可以接受~~~ 感覺幾有誠意去做食物0既一間食肆~