煮乜Q - 珍珠菇榨菜炒肉片

事緣有一次響阿姨屋企食到好好食0既"珍珠菇" (其實我覺得係未大到0既杏鮑菇/雞脾菇),原來呢隻野好滑好爽口~ 所以見到有得賣就買番屋企煮~
< APITA 減價格 @$19.90 , 吉之島要 @$23.90 , 街市有時會有小包裝賣,@$10.90 /包 )




材料:
珍珠菇 : 酌量, 先出水
"美味棧" 包裝榨菜 : 1包 ( 吉之島 @$9.00 / 3包)
肉片: 酌量,先用豉油+生粉+黑椒稍醃
紅椒 : 一隻 (可以不落,我見有就切埋落去)
芫茜蔥酌量

1. 肉片下鑊炒熟, 贊少許酒, 鏟起待用
2. 清潔鑊後, 加油+蒜茸炒香珍珠菇,下榨菜,紅椒,肉片, 兜幾下.
3. 下芫茜蔥碎, 上碟.

因為榨菜會有鹽, 肉片醃時亦有醬油, 所以呢味菜唔需要另外下鹽.
做好左翌日0既飯盒放涼中, 另外側邊0既係第二天的早餐~~


美味棧包裝榨菜較方便,一開就用得, 唔使切/浸水去鹽; 佢另外仲有榨菜木耳絲, 用來做涼拌菜都唔錯.我食得好淡,所以都係用來炒菜會好D.