無聊電話

識我有一段時間0既人都知,我對聽電話/講電話係幾...懶0既~
無來電顯示 / 奇怪電話號碼, 唔聽. ( 廣告/ 亂打)
唔識0既電話, 唔聽. (大把人會打錯電話)
唔得閒, 唔聽. ( 我聽左都係唔得閒講,唔聽好過)
聽唔到電話響, 唔聽. (呢樣係理所當然喇..)
訓左覺, 唔聽. ( 我唔會成個扎起然後爬起身去聽電話 )
事關我對"電話" 0既概念係:
自己個電話係方便自己, 唔係方便人地.
(係架, 幾自私架.... 但我真係唔中意貼錢買難受呀嘛...)

今早,收到個大陸手機打來0既電話,本來我都唔會聽,因為如果係公事,D人會打來公司;仲有email,MSN大把途徑搵到我, 唔聽唔緊要.
然後佢打左2次來.第二次我就聽喇,因為本來約左朋友今晚食飯,佢又會中港2邊走0既,加上打左2次都係同一號碼咁我咪即管聽下喇....
X : 喂~~
Q : 邊位?
X : 你唔知我係邊個咩?
( 一聽到呢句野就火起.... 打電話比人問知唔知佢係邊個,好得閒呀?)
Q : 我點知你係邊個呀??!!!
X : 你聽我口音估唔到我係邊個咩?
Q : 你唔講你係邊個我點知你係邊個呀 !
X : 喂好忙呀 ?
Q : 卡~ ( cut 左佢線~)

點解會CUT佢線? 因為:
1. 第一句叫我估佢佢係邊個 ---> 完全唔知我脾性0既,一定唔係我朋友.
2. 講左2次都唔自報身份----> 可疑~
3. 喂好忙呀 ---> 第三句都講唔出我個名, 一定係白撞~

所以, 唔好叫我估你係邊個,我一定會CUT 線的~