又到中秋 - 又係做月餅0既時候~

今年同以往一樣, 八月就去左二德惠訂左奶王餡,響九月做月餅用.
我一直都想學做呢隻餡,但坊間有好多唔同0既食譜,有蒸亦有炒0既方法,都唔知邊個得邊個唔得. 今年有好幾個朋友都比左食譜我,我一晚試一個,唉, 味道係0岩喇, 但未知入左爐之後效果如何呢.....
今年想試下新點子,將自家醃0既柚子皮糖加入奶王度.... 講真,唔知夾唔夾, 只係想試下如果唔用蛋黃,可以用D乜去豐富一下做得無咁甜膩0既奶王月餅, 等我有糖尿病0既阿姨都可以淺嘗一下月餅滋味~
好多謝各位好友0既分享, 我下年唔使心掛掛去訂餡喇~~ 又貴又唔健康~ ^.^
同阿杯傾完計,佢叫我試一下做綠茶皮奶黃餡.....
我自已就會試下做奶黃柚子月餅 .....
得唔得, 今晚就有結果了~~